- ჩემს სახლში ვაპირებ გადასვლას, - ვუთხარი იეჯის მეორე დღეს, ადგომისთანავე.
იეჯიმ ყავის ჭიქა ტუჩებთან მიიტანა და მომაჩერდა. გვიანი საუზმის შემდეგ სამზარეულოს მაგიდასთან ვისხედით.
- კი, მაგრამ სოციალური მუშაკი წინააღმდეგი არ იქნება ჯიმინა?
- არა, უბრალოდ არ ვუთხრათ, რომ გადავედი. სულ რაღაც ხუთი წუთის გზაა აქედან - მოვალ ხოლმე მისი ვიზიტის დროს.
- კი, მაგრამ... თავს ცუდად არ იგრძნობ იმ სახლში მამაშენის გარეშე ? - მკითხა იეჯიმ უხერხულად. თავი დავხარე.
-ჰოო, მაგრამ ამას ოდესღაც უნდა მივეჩვიო, -გავუღიმე, - აქ სამუდამოდ ხომ ვერ დავრჩები.
-შეგიძლია დარჩე ჯიმინ, - მითხრა მან. გამეღიმა და მისი შავმანიკიურიანი ხელი ავიღე.
მოწყენილობისგან მისი სურნელი შეცვლილიყო.
-ვიცი.
-როდის გინდა გადასვლა? - მკითხა რამდენიმე წამში.
-ამ საღამოს, - ვუთხარი მე.
დღეს დილით ამ იდეით გავიღვიძე და მკაცრად გადავწყვიტე, შემესრულებინა.
იეჯის გაოცებისგან თვალები გაუფართოვდა, მაგრამ შემდეგ ამოიოხრა და თავი დამიქნია.
- კარგი, ვეტყვი მამაჩემს. დარწმუნებული ვარ, ამას კარგად შეხვდება.
დარჩენილი დღე ქალაქში უმიზნო ხეტიალში გავატარეთ. იეჯისთვის წინა ღამით გაგონილი ხმების შესახებ არაფერი მითქვამს - არ მინდოდა ეფიქრა, შეიშალაო. თუმცა, იმ ვამპირის შესახებ ისევ მკითხა, ცეკვისას რომ დავინახე.
- ის.. რაღაც განსაკუთრებული იყო. ვერ გადმოვცემ. ასე... არასდროს მიგრძნია თავი, მისი სურნელი იმდენად სასიამოვნო იყო..- ვუპასუხე ფიქრებში წასულმა, მას შემდეგ, რაც მოვუყევი, როგორ შევამჩნიე ის ალფა ვამპირი პირველად.
- ერთი ნახვით სიყვარულია? - გამაშაყირა იეჯიმ და თითი ნეკნებში მატაკა.
YOU ARE READING
ᝰFIRST HUNTᝰ
Fantasyᝰჯიმინი ერთი შეხედვით ჩვეულებრივი თინეიჯერი ომეგაა. სინამდვილეში კი მას ვამპირების ამოცნობა შეუძლია. საუკეთესო მეგობრის, იეჯისგან განსხვავებით ომეგას ეს ნიჭი სახალისოდ სულაც არ ეჩვენება. იგი ცდილობს, სისხლისმსმელ არსებებს თავი აარიდოს, მაგრამ... და...