عيونك شوكة في القلب توجعني وأعبرها//للكاتبة : أديم الراشد

109,110,111

..... 109 .....

رائد:شعليك بتودع العزوبيه
فيصل :بأذن الله
ابو محمد : يلا يلا عشان تختصر ساعات العزوبيه
فيصل :يلا
ركبوا كلهم واتجهوا لبيت ابو مشاري
٠٠
٠
بيت ابو مشاري اللي عرفوا بجيت عائلة ابو طلال لكن سبب الزياره مجهول طبعا كانت ام مشاري ورويده بأستقبالهم اديم اللي كانت هي ومروى في ساااابع نومه ولاهم مفكرين يصحون لان اليوم خميس
ام مشاري : ي ابو مشاري ماقالوا لك سبب الزياره
ابو مشاري :لا والله ما قالوا لي
رويده:غريبه مو
مشاري :مدري
جاء مصعب :بابا الضيوف وصلوا
قاموا الكل يستقبلون الرجال بقسم الرجال والحريم كذلك

٠
عند سهام اللي ي دوب سلمت وبعدها قالت بتروح تنزل عبايتها ركضت لغرفة اديم بكل سرعتها فتحت الباب وشافت اديم غاطه بسابع نومه نزلت عبايتها وهي تصرخ:ادييييييموه وجع قومي
اديم فزت برعب : سهام وش جابك وش فيك
سهام: نايمه ي مقروده قومي قومي باقي ما تدرين وش المصيبه اللي تنتظرك
اديم بفجعه:وجع اي مصيبه
سهام :وينك من يومين ادق عليك ما تردين
اديم:سهام وش اللي صاير انطقي خوفتيني
سهام :فيصل المنكوب
اديم رجعت تنسدح بتعب :وبس خير وش مسوي لك بعد
سهام : قومي قومي هالمره عليك مو علي
اديم فزت :وشو
سهام:فيصلوه جاي يخطبك
اديم :هااااه
سهام:اللي سمعتيه
اديم تجمدت:شلون شلون كذا
سهام: مافيها شلون الناس تحت وانتي تقولين شلون المهم ارفضيه قد ما تقدرين ارفضي
اديم ضحكت برعب :تمزحين والله تمزحين مستحيل
سهام :اديم مو وقت انهيارك لازم ترفضينه حاولت انا بس محد سمع لي
اديم:مو على اساس يكرهنا ويكرهك
سهام:ههه هذا الصدق بس الكلب مفهم الكل انه يحبك وميت عليك وانا كان بيخطبك قبل بس زواجنا خرب عليه وانه لو ما تزوجك بيموت وسبحان اللي معطيه القدره على انه يقنعهم ويلعب بعقلهم حتى منى تروح معاه مويه
اديم انكتمت كل شي مر عليها مع فيصل كل شي من اول ساعه ألين اليوم عمرها ما توقعت ذا الخطوه حتى انه ما جاب لها طاري وقفت وهو تمسح صدرها :وش ناوي عليه
سهام: مدري بس شكله ناوي مصيبه اديم ارفضي قد ما تقدرين
اديم غمضت وهي تحاول تستوعب هالشي اللي صدمها وشل كل اطرافها جلست وهي تحس بدوخه
سهام:انا بنزل ينتظروني وانتي روقي واذا قالوا لك ارفضي
طلعت سهام وتركت اديم اللي الدنيا تدور فيها وهي متأكده ان فيصل ناوي لها مصيبه كبيره ركضت لجوالها وارسلت ( فيصل
فيصل
وينك
رد علي )
كانت تبي تتأكد من نيته صفر وجهها وركضت تناظر الصالون شافت ام تركي ومنى جلست وهي ماهي حاسه برجولها رجعت لغرفتها وتحاول تهدي وتفكر وش بتسوي
٠٠
٠
عند الرجال بعد السلام والسؤال عن الحال كان ابو مشاري يرحب فيهم: يالله تحييهم والله الساعه المباركه
الجد :الله يحيك ويسلمك حنا والله ي ابو مشاري جايين نبي نطلب منك كريمتك اديم لولدنا فيصل
مشاري لف لابوه وابو مشاري انصدم بعد : ي هلا والله تشرفونا ويشرفنا نسبكم وفيصل يشهد الله اني احبه واغليه ولا اعده الا مثل مشاري لكن الراي راي البنت وان شاء الله خير ونسبكم والله انه ينشرى ولانكم مردودين ان شاء الله
ابو عادل :الله يعزك ي ابو مشاري وهذا حقكم وانتم ابخص وفيصل ولدك ولك كامل الحريه تسأل وتبصر
ابو مشاري ابتسم وهو يناظر فيصل اللي وجهه ضاحك لكن داخليا شابه في صدره نار الحقد
مشاري :الله يكتب لك ي فيصل نصيب
فيصل :حبيبي الله يسعدك
ابو مشاري كان مستغرب من طلب فيصل لاديم بس عشانه يحب فيصل ما دقق
فيصل وقف والكل انظارهم عليه وقال:ابو مشاري لا هنت ابيك بكلمة راس
الكل شخصت انظارهم لفيصل ووقفت قلوبهم وخافوا لا يسوي شي مو كويس
وقف وراح مع فيصل برا وقف فيصل واخذ نفس وهو يناظر ابو مشاري بثقة الدنيا : انا ي ابو مشاري مدري وش تسمع عني او اللي بتسمعه صحيح اني ماني راضي عن زواج ابوي ولا برضى عنه وممكن اني اكون اكره سهام لكن تأكد اني مستحيل اضر بنتك وانها مستحيل تدخل في مشاكلي مع سهام انا بقولك كل السالفه بصراحه لاني ادري انك مستغرب انا ي ابو مشاري شفت كريمتك بالغلط ومن ساعتها وانا ناويها حلال لكن كنت انتظر اني اخلص امور عندي وفاجأني زواج ابوي ولخبط كل حساب لكني ماقدرت استمر على كذا وقررت اني اخطب وافصل كل شي عن الثاني وتقدر تاخذ وعد ان بنتك بالحفظ والصون واذا سألت بتعرف مين فيصل وش مبادئ فيصل