ميس : جمانة ماراح اسولف صدكيني ماراح احجي ولا
انطق اي حرف اذا مبقيتني حتى تنتقمين مني گليلي
جمانة : اسم الله شجاي تحجين ميس ليش انتقم منج
شمسوية
میس : امنيتي اموت اتمنى تنتقمين مني واموت
جمانة : ليش ؟
ميس : حتى ارتاح
جمانة : من شنو
ميس : من الدنيا كلها
جمانة : ميس عندج اهل واخوة وام وحتى اب
ليش تتمنين الموت
ليش جزعانة
میس تعرفين شعشت وشنو عانيت
سمعتيني من سولفت لامج
بس ما جزعت و حاولت حاولت
انتشلني حسنين سواني انسانة ثانية
وهاي اني كدامج
بديت من اول وجديد
ميس :هههههههههههههههههههههههههههههههههه
لان الله داواج ومسح عنج
للعلم عندي ام وعندي اخوان بس هذا الكلب عمج لتجيبين سيرتة عندي فوبيا من عندة
جمانة : تريدين تحجين؟
میس : ابددددد ما اريد ابددددد
جمانة : تدرين جنت تهجمية مثلج
تعاي نطلع ماكو احد بس خالة
تعرفين تسوين حلويات؟
ميس : لا
جمانة : شتعرفين ؟
ميس : كلشي ماعرف
جمانة : ميس عادي اشبكچ؟
ميس : شنو المناسبة ؟
جمانة : ما عرف بس محتاجة اخت محتاجتج
ميس: لا تحتاجين احد
ولا تظنين بية خير
اچلب بشر ممكن تشوفي اني لا تأمنيلي
جمانة : جاي تحجين هيج حتى ابتعد عنج
مو كتلج تشبهيني
كل هذا الي جاي تسوي جنت اسوي
كومي
خلي نسوي شي بالمطبخ ونسولف باعي نزعي حجابج
اخذي راحتج
ما عدنة احد
