رحمه : ركض حارث سوه الدرج خطوتين
-دخل جنيد صاح ماكو شي ماكو شي ذوله عمر وسلام هسه اجو ورموا
طلعلهم حارث نسمع بس رزالته الهم سحلهم سحل دخل يدردم على عمر وسلام وجنيد
حارث : سايبين ثلاثتهم منطيهم مسدس يخدمون بي حاطي ويتملعبون بي
اريد اعرف وين يمين المهنه الي قسموا جنيد يعقد لازم يهرجون الدنيا رمي ويرعبون العالم اذا هم الضباط هيچ جا شحال الناس العاديين
ام حارث: فرحانين يمه غير صويحبهم
-يمه لا تنرفزيني شنو فرحانين فرحان ارمي
-لا تغث روحك يمه ما يكرروها
رحمه: صعد فوگ معصب ویدردم
سماره: داحچي ويه حيدره وصار رمي كلش قوي بحيث هو سمعه و تهستر گام يصيح سماره شكووو سماره
بس اصبر خلي اشوف شكو انطيني صبر
سديته
وطلعت بسرعه سمعت جنيد كال جماعته جايين من بغداد رامين علمود عقده
-يتصل بقى حيدره جاوب بصياح شكووووو احجي -شبيك حبيبي ماكو شي اصدقاء جنيد ذوله
-شبيهم
-يرمون علمود العقد مالته ضل يسب ويقسم بالغلط اول مره اسمعه هيچ يفشر بحيث ما يدري بروحه واني متت ضحك
-شويه صفن وكال ها شبيج
-تعلمت غلطات جديده انضافن القاموسي
-شتعلمتي
-غلطه هسه انت كلتها
-شنيه
- عدت الغلطه الي كالها
-لا يا حماره ولج لسانج طاحظج اي والله هسه يسمعوج شيكولون شمعلمها هذا
