لاتنسون التصويت والتعليق حتى تستمر القصة 💜
جمانه : اريد اتعارك وياه
ودك تلفوني رقم
ردت اجاوب اخذه حسنين وفتح مايك وجاوب
اجانه صوت رجال
حسنين : نعم تفضل
المتصل : مو تلفون جمانه
حسنين : خير منو حضرتك
المتصل : انت منو وين جمانه والزلم ترد على تلفونها
حسنين : اني بواب العماره مال خلفوك تكول انت منو لو
اعرف بطريقتي ؟
المتصل: اني عمها
حسنين : ايباااااخ عمها شكبر اسمك
من زمان اريد التقي بيك بصراحة حاب ويشرفني اتجرد من اخلاقي لمدة عشر دقايق اسوي كرامتك وصلت مسح وارجع
البس اخلاقي
العم : منو انت اكيد صاحبها
حسنين : لا والله للاسف خاب ضنك جمانه ما طلعت عليكم
طلعت شريفه المهم ما كتلي سبب المكالمة العظيمة
العم: انطيني جمانه لا ترا بالقرآن اسويهة عشاير
حسنين : عمنا تسمحلي ارجع مره لخ
اتجرد من اخلاقي
لمدة عشر دقايق ثانيه اسحل ما تبقى من كرامتك
العشاير اذا يشوفونك يدوسون شاربك بالقندرة
قشمر ترس عار أكثر من هیچ تجرد ما اكدر
اتجرد
بس اذا ما شبعت اهانه عندي اخوي وابن عمي اصلا
ما يحتاج يتجردون للاسف هم مجردين بس مو يمي هسه
اذا خابرت بغير وقت ينطوك المقسوم
بالمناسبه اني زوجها اذا شفت رقمك ع الشاشه مره لخ
ارقم گصتك بغير رقم يتكون من عددين وفهمك كافي
واعذرني ع التقصير عمنا تستاهل أكثر
