رؤى : بريك السياره شك طبلة اذني
اكيد صارلة شي اتصل ماكو تنرفض المكالمه ما بقت اعصاب عندي اتصل
-لحدما دز رساله كتب لا تتصلين اخوج ويايه
-منو اخويه؟؟
شديحجي هذا
هذا خاف جان يعرف وحده اسمها مريم وعباله اني هي ولا اهتميت رجعت اتصلت اريد اشوف شكاعد يحجي رفضه وغلقة شبي هذا يلا الحمد لله المهم ما بي شي مادام رجع لبغداد بالطريق يعني مو اخواني كمت حطيت الفون ع الشحن وسبحت
طلعت من الحمام نزلت جوه لسه ما قررنا شنسوي عشا لكيت سماره ورحمه وحده شابكة الثانيه هذا المنظر يوميه اشوفه لا يتعبن ولا يملن نزلت نریمان سولها مكان بنصهن
نريمان: شكراً سمسم
 سماره: ها ولج شايفتني بالحلم
-لا شكرا ع السويتي بهاي الكلبة مرة خالي
-هااا لا حبيبي هذا واجب ولا شكر على واجب من تجي انوب محضرتلها حركات جديده هاااااا شبیج هسه مو كلنه كافي دموع
-اذتني سماره اذتني
رؤى : تروحلج فدوه حبيبتي
شوفي الله شراح يسوي بيها
-ولج رؤى تفننت بتعذيبي مريضه نفسياً مو طبيعيه ابد
چنت انام بلا غطه وبلا أكل اذا ما جبتلها مبلغ زين رحمه: عساها بحظها وبختها حسبي الله ونعم الوكيل بيها
مصطفى: السلام عليكم مسلسل البائسون الحلقه ٢٥ ادري ما تملن غاويات نكد كلما افوت الگاچن دگ ولطم غير كافي كااااافي يا امة الاسلام كافي غير كافي
سماره : وجع شبيك طرشتنا
مصطفى: اخوي سمير انت ما مشمول بالكلام انت تاج وباج دوله وعلم
عموماً اني بالاستقبال و ويايه ضيف جداً غثيث سحلته سحل وجبته
