رحمه: من الصدمه احس راسی افتر
ابد ما تسرعت اتصلت علي ما جاوبني بقيت احوص شويه واجتني رساله ثانيه من نفس الرقم اذا تتوقعين اني دا اكذب عليج راح ادزلج العنوان ويمكم ابغداد قريب
روحي بنفسج وشوفي تجاهلت الرساله بيني وبين نفسي رددت حارث ميسويها الي دز الرساله يريد يخرب دقايق واتصل عليه بقيت ساكته بس شنو نفسياً مدمره حارث مو بس حب بحياتي حارث متعلقه بي مثل بابا الي حجيته مختصر والي متعرفوا اعمق حارث حتى الاكل هو يسويليا بأيده
واذا تمرضت يوكف الدنيا ميگعدها اذكر كلشي بينا ودموعي تجري
-بقيت ساكته الى ان كال تبقين ساكته رحمه اذا تبقين كليلي حتى اسده لان مشغول
هو كال هيچ واني انهاريت ماخليت دمعه بعيوني مانزلتها
-كتله متريدني بعد ؟
-كال اي سديته منه واحس الدنيا صارت سوده بوجهی غلقت الموبايل وحلفت ماروح العرس جنيد لو يذبحوني
وبالفعل وره يوم حاولو سماره وحيدره بكل الطرق اروح وياهم رفضت لان باجر عرس جنيد
ما قبل حيدره ابقى وحدي الى ان كالتله منار باليل اني اجي ابات يمها يلا اقتنع
سماره : خليتها براحتها لان ادري تريد تحسسه بالذنب وتعاقبه
وصلنا لكينه حارث يغسل بالطارمه سلم علينه
ابو الاسود : ها شو جنيد الاصغر منك ازوج وانت بعدك
حارث : اي والله ضرب السره
سماره : ضحكوا بس حارث يدور بعيونه الى ان كال وين رحمه؟
-كتله ما تريد تجي الكل اعترض وخاصه خاله
حارث: حيدره شلون تعوفها وحدها ؟
ابو الاسود : بكل الطرق حاولت وياها رافضه
راح تجي اختي يمها ماريد اضغط عليها ما راغبه للجيه ام حارث: شنو الصار غير اعرف شبيها
سماره: خليها براحتها خاله صعد حارث فوك دقايق واجة مبدل ملابسه گال طالع بشغله وراجع باوعت الحيدره غمزلي معناها فهم
كتلة حارث راح الرحمه خابر منار كالها لتروحين
رحمه : راحو بقيت وحدي
صارت الدنيا عصر فتحت التلفون كومه رسائل وغلط من البنات ونريمان تعتب وهاجر وخاله متصله كومه
خابرت سماره اطمن واصلين وسديته بسرعه لان ماريد اسمع عتب من احد
ولا اريد اسأل عنه مثل ما بعد ما يريدني اني هم ماريده
اذكرت من كال اي ماريدج وبجيت شلون اعوف حارث مسحت دموعي و كعدت انضف البيت وبخرته
طبيت سبحت نشفت شعري توضيت كعدت اريد اصلي المغرب هستونی خلصت بعدني ع السجاده دك تلفوني حارث
بچیت الى ان فعلاً ارتاحيت
وبس اقره اسمه كلبي ينعصر
-جاوبت بكل برود عكس الي بداخلي كلت ها حارث
-ليش ما اجيتي وياهم؟
-لا ماريد نفسيتي تعبانه مو مال عرس ومجامله
-شبيج نفسيتج تعبانه
-عادي لازم تتعب طالعه من علاقه واساساً من قبلها اني ضايجة
-فتحيلي الباب كلبي شويه ويطلع كتله
-یا باب؟
-بابكم يابه فتحي
ركضت فتحته طب وسد الباب
-گال حضريلي سجاده بسرعه
-فتت وياه فتحتله المي بالمغسله علمود يتوضى فرشتله السجاده
