اول ما فتنه للبيت صارت بوجهنا بزونه سوده نفسها الى
اشوفها دائما عيونها ليزر
واكفه تباوعلي بدون خوف تتقدم عليه وبعدها جرني حسنين
وخرني عن الباب وتركة مفتوح راح باتجاه البزونه
وهو يردد
آیات قرانیه مجرد ماردد الايات وحدها طلعت من الباب
سد الباب واني اختنكت من الايات اشرتله يسكت
باوع على ارجاء البيت
البيت محكم مابي مكان تدخل منه بزونه
التفت عليه ابتسم وكال
حسنين : مابقة شي بابا ان شاء الله تنحل باجر عندي امل جبير باچر نروح للنجف ونلكة حل
بدلي غيري لبسج وتعاي خلي نروح نتغدا برا بين ما اخابر امي الكاج مكمله
جمانه : ردت اطب للغرفه
خفت رجعت و گفت كباله هو يحجي ويه امه ويباوعلي
بستفهام سده گال ها ؟
كتله اخاف ماروح اني اسوي اكل اصلا عدنه مسواك اني اطبخ ماريد اطلع
حسنين : لا نطلع يلا روحي بدلي وخلي الباب مفتوح اني واكف هنا قريب
جمانه : هزيت راسي ورحت للغرفه لبست البنطرون
والقميص بسرعه وصحته
دخل كتله اكعد هنا على ما اكمل
مشطت حواجبي وحطيت مرطب شفايف
لفيت الحجاب وحطيت عطر لبست الحذاء
والجنطه الي جابليهم حسنين
وكتله يلا
لكيته صافن ومبتسم بالفراغ
بكلبي كلت
اسم الله بس لا لكف خيط مني
-رجعت صحته انتبه كال يلا بابا
شغل السياره وكال
