تنوية / التعليقات اذا اقل من الفين على كل بارت ماينزل بارت جديد
سماره : افكر افكر واثناء تفكيري غفيت
انفزعت لمن فزيت من النوم شفت ع الكرسي كرصة خبز وبطل
مي ركضت اكلت الخبزة وشربت المي وكأنو الخبز اطيب شي بالدنيا بعد ما چنت اتشرط على نوع الاكل
وهنا تعلمت درس ثاني هو انو اكول الحمد لله على كل حال الحمد لله على كل شي وتعلمت انو البطر حرام بدت بوادر ندم على شي جديد وهو انو ما جنت اكول الحمد لله واتبطر على نعمة الله
كملت اكل بقيت اتلفت بالغرفة شفت وره الكرسي جلاد ع الحايط بس هذا الجلاد مكفع رحت يمة مثل الباب بس مربع يعني ادنك راسي يلا ادخل ابد مبين جريته ماكو دفعته اندفع ليوره طلع حمام صغير يجوز نص متر بنص متر انتبهت على نفسي اني فعلاً محتاجة حمام يمكن من الخوف نسيت هالشي
طلعت وبقيت استكشف ما لكيت اي شي اجت عيني مقابيلي شفت وصل مدحوسات بدائرة ع الجدار الي
مقابيل الجرباية صايره بمستوى راسي اذا اكعد بالكاع
تصير مثل هاي الفتحه الي يسووها لصوندة السبلت بالحايط جريت الوصل طلع شارع كدامي واشوفة بوضوح لان البيت من طابوك يعني الحايط ابد مو
سميك
