تنوية / التعليقات اذا اقل من الفين على كل بارت ماينزل بارت جديد
سماره : بعد ماحسيت انو اكو حركة بالغرفة التفت ماكوشي ياربي صرت اتخيل مو وضعيه هاي استغفرت رب العالمين وبقيت اردد
[اللهم بعظمة كن فيكون فك اسري وكربي يا الله]
الى ان غفيت رجعت فزيت الفجر
باوعت لساعتي الي بأيدي صايرة صلاة الفجر كمت توضيت وصليت وبقيت ادعي شلت السجادة وتأكدت من الكرسي محطوط ع الباب شلت الوصل من فتحة الجدار وبقيت اباوع
شفت واحد يمشي على عكازة اجة يمشي وكعد على كرسي ويباوع ع البيوت وبعدين كام افتر ورجع كعد باوع
للسما ورجع يباع للبيوت اجه ابو الاسود يمشي من بعيد ضخم بتناسق اسمراني سمار خفيف ملتحي عيونه سود بس السواد كبير بحيث شي قليل من بياض العين مبين شعره خفيف شكلة مرتب
اجة وصل يم هذا الشاب ضربه بوكس على وجهة رجع گومة وضربة کلة براسة
اني سنوني كامت اطك من الخوف ليش ديسوي بي هيج خطية
رجع كومة وحظنة يا هذا شبي
والمشكلة ذاك متقبل الوضع جدا عادي
كعدوا يسولفون اجه ابو الابرد بقة يسولف وياهم وفجأة رجع باوع على مكان غرفتي وبقه صافن بسرعة رجعت الوصل ونمت فزيت على صوت صابرين حطت الخبز والمي وراحت
