جمانة : كعد ع الجرباية وكعدني
على رجلة
فتح شعري
وبدا يسحب خصلة خصلة يلفها
على اصبعة ويسولف
ما عندي اي علاقة ولاسويت قبل حبيت بالجامعة حالي حال
اي واحد بس لاحجي ولاطبة وطلعة اكتفيت بالاعجاب الي تحول لحب
جانت بنية حلوة حيل
وهادئة
دخلت كلبي
جنت بجامعة بغداد بـ 2006 بعز الطائفية الذبح جان ع
الهوية اروح وارجع بألف يا علي
شفت البنية ودرست اخلاقها چانت شي خفيف ع الكلب
مجرد ماتمر من يمي انسى الدنيا كلها
بيوم كاعدين بالسنتر
ومرت هي
واحد من جماعتنا كال عاجبتني
رد علي واحد عوفك منها مسوية نفسها بس هي وبس
جاوبة الاول كالة تتراهن عليها ؟ من لفة وببسي
ومن باچر الزم ايدهة
بالكوة منعت نفسي ادخل حسيت الموضوع لصالحي
حتى اذا مثل ماكال فمو من ثوبي واذا لا حتى ارتبط بيها رسمي
بقيت اليوم كلة على اعصابي
ثاني يوم اجة الولد
اني عيني علي اراقب بي
الى ان راح يمها
بقيت كل تركيزي يمة
دقایق هو واكف وياها
وهي مدنكة راسها
وعافتة وراحت
هنا كلبي نبض بفرح
اجة الولد ضايح
استلموا تصنيف
الى ان كال اني اعلمها
كتلة لهنا وكافي هاي البنية من اليوم ورايح تخصني
واذا حاولت مجرد محاولة توصل يمها
اني عدوك
