تنوية / التعليقات اذا اقل من الفين على كل بارت ماينزل بارت جديد
يكول عريان السيد خلف
أعز من روحي أحسك وانتَ اعز مني يا حسبة عمر .. خاويتها إمن إصباي بطلت صفنتي .. وما بطلت مني
سماره : انخمش كلبي اول ماشفت ردت فعل الدكتور حاچاه ابو الاسود بالأنكليزي
ابو الاسود : خير دكتور شبيهة
الدكتور: تعاني من مرض معين؟
ابو الاسود : اي عدها تجيها نوبات صرع
الدكتور : المريضه قلبها ضعيف وما يضخ دم بصوره طبيعيه بالأضافه عدها انسداد بالشرايين
وين جنتوا عنها
سماره : كلشي ما فاهمه بس اباوع القلق بعيون حيدره واضح ومنفعل بالشرح
ابو الاسود: الحل شنو دكتور
الدكتور : لازم عمليتين بعمليه وحده وبأسرع وقت
سماره : حیدره گام يمسح بالعرك من گصته كتله حيدره بیه شی موزین التفت عليه وابتسم كال
ابو الاسود: مثل الحصان شيصير لج يعني
سماره : رجع كمل حجي ويه الدكتور
ابو الاسود : شنو الاجراءات و وين العمليه ويا يوم
الدكتور: راح اكتبلك كل شي بالاضافه للتحاليل الى لازم تسويها قبل العمليه حاول باجر تكمل كلشي حتى عكبه نسوي العمليه هيئها نفسياً اهم نقطه نفسياً اريدها مرتاحة
ابو الاسود : يلا كومي
سماره: شكالك حيدره احجي
ابو الاسود: كالي هاي عياره كلشي مابيها
سماره: تشكر من الدكتور وطلعنا كتله حيدرة
ابو الاسود : ها يا سالفة روحي الوحيده
