"မာန် ဒီမှာ အဲ့လူနေတဲ့ နေရာ"
သော်တာက စကားစကာ မာန်ရှေ့သို့ စက္ကူအပိုင်းအစလေး တစ်ခု ထိုးပေးလာသည်။
"အဲ့လူနာမည်က မျိုးနိုင်တဲ့... ငါစုံစမ်းလို့ရသလောက်တော့ သူက တစ်ကောင်ကြွက်... လောင်းကစားလဲ ဝါသနာပါတဲ့သူ... အိမ်မကပ်တဲ့ အချိန်တွေကများတယ်"
မာန်ရှေ့က စက္ကူအပိုင်းလေးကို ယူကြည့်လိုက်ရင်း သော်တာပြောသည်များကို နားထောင်နေသည်။ အမှတ် ၃၉၈၊ စံပယ်ညိုလမ်း၊ ရတနာပုံအိမ်ယာ ဆိုသော မှင်နက်လေးနဲ့ရေးထားသည့်စာလေးကို မာန်သေချာကြည့်နေမိသည်။
"စံပယ်ညိုလမ်း၊ ရတနာပုံအိမ်ယာ"
မာန်ကြည့်နေသော စာရွက်လေးကိုကြည့်ကာ လင်းသာက ဆိုလာသည်ကြောင့် မာန်နဲ့သော်တာလည်း လင်းသာကို ကြည့်လိုက်ကြသည်။
"ဘာဖြစ်လို့လဲ လင်းသာ"
"ဘာမှမဟုတ်ပါဘူး မာန်... အဲ့လမ်းမှာ ကြယ်စင် ဂိုက်ပြတဲ့အိမ်ရှိတော့ ငါရောက်ဖူးတယ်"
"ဒါဆို မင်းတို့နှစ်ယောက်လုံးက အဲ့နေရာပတ်ဝန်းကျင်နဲ့ ရင်းနှီးသွားပြီဆိုတော့ ငါပဲ သွားလေ့လာဖို့ ကျန်တော့တာပေါ့"
မာန်က သူ့ကိုယ်သူလက်ညိုးထိုးကာပြောသည်။ လင်းသာက ဆက်၍ ဆိုလာသည်။
"အဲ့ပတ်ဝန်းကျင်က ဆိတ်ငြိမ်ရပ်ကွက်လိုမျိုးပဲ... တစ်အိမ်နဲ့တစ်အိမ် သိပ်အဆက်အဆံမရှိကြဘူး"
"ဪ"
"မာန် ငါ့မှာ အကြံတစ်ခုရှိတယ်"
"ပြောကြည့်လေ"
သော်တာက ပတ်ဝန်းကျင်ကို တစ်ချက်ဝေ့ကြည့်ပြီး မာန်တို့ကြားနိုင်ရုံလေသံလေးဖြင့်
"မျိုးနိုင်ဆိုတဲ့လူက သူ့အိမ်မှာ မရှိတာများတယ်... အဲ့တော့ ငါတို့ သူ့အိမ်ထဲ ၀င်ရှာကြရင်ရော"
သော်တာစကားကြောင့် မာန်နဲ့လင်းသာ တစ်ယောက်ကိုတစ်ယောက်ပြန်ကြည့်မိကြကာ တိတ်ဆိတ်သွားသည်။ ထိုအခြေအနေကို သော်တာကပင် ဖြိုခွင်းလိုက်သည်။
"ဒီလိုလေကွာ... ဦးဌေးသစ္စာဆီက သူပိုက်ဆံတောင်းတယ်ဆိုကတည်းက သူ့လက်ထဲမှာ ဦးဌေးသစ္စာတို့နဲ့ ပတ်သတ်ပြီး တစ်ခုခုရှိလို့ပဲ ဖြစ်ရမှာ"
أنت تقرأ
အမုန္းမွသည္...ခ်စ္ျခင္းဆီသို႔(နာက်ည္းခ်က္မ်ားႏွင့္ အခ်စ္ကိုဖန္ဆင္းမည္)
العاطفيةမိဘတွေမတရားခံရမှုအတွက် ကလဲ့စားချေမယ့်ကောင်လေးတစ်ယောက် အမုန်းတရားတွေကနေလွတ်မြောက်နိုင်ပြီး ချစ်ခြင်းကိုရှာဖွေတွေ့ရှိနိုင်မလား..... မိဘေတြမတရားခံရမွုအတြက္ ကလဲ့စားေခ်မယ့္ေကာင္ေလးတစ္ေယာက္ အမုန္းတရားေတြကေနလြတ္ေျမာက္ႏိုင္ၿပီး ခ်စ္ျခင္းကိုရွာေဖြေတြ့ရိွႏိုင...
🍁Part 26🍁
ابدأ من البداية
