Lisa ပြန်သွားတာနဲ့ Jennie လည်း အိမ်ထဲ ပြန်ဝင်လာခဲ့တယ်။စားပွဲပေါ်မှာ ပြန့်ကျဲနေတဲ့ Gesso ဘူးတွေကို ဘူးလေးထဲ ပြန်ထည့်လိုက်ပြီး ပြတင်းပေါက်မှာရပ်ကာ တောင်ကုန်းမို့မို့နဲ့ တာဝါကို တစ်ချက်ငေးလိုက်သည်။ဒီနေ့တော့ Bam နဖူးကို နမ်းပြီး သေချာပြောခဲ့တာမို့ လေပြေထဲကို မနက်ခင်း နှုတ်ဆက်စကားလေး လမ်းကြုံ ထည့်မပေးတော့ပါ ။Palette နဲ့ Paint brush တွေကို ဘူးထဲက ပြန်ထုတ်ပြီး Canvas ကို စိတ်တိုင်းကျ နေရာပြင်လိုက်သည်။သူ့စိတ်ပျော်ချိန်မှာ ခံစားချက်တွေကို ဆေးချယ်ထားတဲ့ ပန်းချီအဖြစ် ပြောင်းလဲရတာ အကြိုက်ဆုံးပဲ။
" Jennie နံနက်စာ ဆင်းမစားဘူးနော် "
Chaeyoung အသံကြောင့် Jennie လှည့်ကြည့်လိုက်တယ်။
" ဒါပြီးရင် ဆင်းခဲ့ပါ့မယ် ၊ Chaeyoung က သွားစရာရှိတော့ စားပြီးရောပေါ့ "
Chaeyoung က ခေါင်းငြိမ့်ကာ ရပ်နေသေးတာကြောင့် Jennie သူ့ကို ဆက်ကြည့်နေသည်။
" ကျွန်မ ဒီမှာ ခဏလောက် နေလို့ရမလား "
Jennie က အားတုံ့အားနာ ပြုံးပြသည်။
" လူတစ်ယောက်ရှိရင် ဘာမှမလုပ်တတ်လို့ပါ "
Jennie က ဒီလိုဆိုမှတော့ Chaeyoung ခပ်ဖွဖွပြုံးကာ ပြန်ထွက်လာခဲ့သည်။Chaeyoung ထွက်သွားတော့မှ ခံစားချက်တွေကို ပြန်စုစည်းကာ Canvas ပေါ် အာရုံပြန်ထည့်လိုက်သည်။
Lisa အိမ်ရောက်လာတော့ Jisoo က Naeun လေးကို မူကြိုပို့ဖို့အတွက် အားလုံး အဆင်သင့် ဖြစ်နေလေပြီ။Naeun လေးက Lisa ဝင်လာတော့ သူ့ဆီပြေးလာတယ်။Lisa Naeun လေးကို ပွေ့ချီလိုက်တယ်။
" ဒီနေ့တော့ အတွင်းရေးမှူး cha လိုက်ပို့လိမ့်မယ် Omma နဲ့အတူ သွားကြနော် "
NaEun လေးက ခေါင်းလေးငြိမ့်ပြတယ်။သူ ဘာပြောပြော ခေါင်းငြိမ့်တတ်တဲ့ သမီးလေးရဲ့ ပါးပြင်ကို Lisa တစ်ချက်ခပ်ဖွဖွနမ်းလိုက်တယ်။
" Omma မလိုက်တော့ဘူး ဦးလေး Chatae က လိုက်ပို့လိမ့်မယ်နော် Naeun လေး "
Lisa အတွင်းရေးမှူး Cha လက်ထဲ Naeun လေးကို ထည့်ပေးလိုက်ပြီး လက်ပြ နှုတ်ဆက်လိုက်သည်။Jisoo က သူ့ကို တစ်ချက်မျှသာ ကြည့်ပြီး ထွက်သွားလေသည်။Lisa ရေချိုးပြီး ကုမ္ပဏီ သွားဖို့ အဆင်သင့်ထွက်လာတော့ Jisoo က ထမင်းစားပွဲက အဆင်သင့်စောင့်နေလေသည်။
YOU ARE READING
A Starry Night in Paris
Fanfiction" ဒီမိန်းကလေးက Jennie Ruby Jane ကို နှလုံးသားတစ်ခု ပေးအပ်ချင်ပါတယ် ဒီနှလုံးသားကို Jennie Ruby Jane လက်ခံပါသလား " " လက်ခံပါတယ်" " ဒီမိန္းကေလးက Jennie Ruby Jane ကို ႏွလုံးသားတစ္ခု ေပးအပ္ခ်င္ပါတယ္ ဒီႏွလုံးသားကို Jennie Ruby Jane လက္ခံပါသလား " " လက္ခံပါ...