"အဲ့တော့ ဘာဖြစ်ချင်လဲ"
"တော်ပြီ တော်ပြီ သွားလုပ်တော့"
မာန်လည်း ဘာမှပြန်မပြောတော့ပဲ ရေချိုးခန်းထဲသို့သာ ၀င်လိုက်သည်။ vip room ဖြစ်တာကြောင့် ရေချိုးခန်းပါ တွဲရက်ရှိသည်။ မာန် အခန်းထဲရောက်တော့ မှန်တွင်ပေါ်နေသော သူ့မျက်နှာအား သူစိုက်ကြည့်ရင်း ရယ်လိုက်မိသည်။ မာန် မျက်နှာသစ်ပြီ ထွက်လာတော့ အခန်းထဲတွင် မာယာနှင်းဆီက ရောက်နေလေသည်။ လက်ထဲတွင်လည်း မုန့်များစွာနှင့်။
"ခွန်းဆက် ငါပြန်တော့မယ်...မင်းကို စောင့်ပေးမယ့်လူ ရောက်လာပြီမလား"
"ခင်ဗျား ဘယ်ကိုပြန်... "
"အင်း ဟုတ်တယ် ကိုကို့ကို မာယာ စောင့်ပေးလိုက်မယ်...ဒီက အစ်ကိုက ပြန်လို့ရပြီ"
ခွန်းဆက် စကားကိုဆုံးအောင် ပြောခွင့်မပေးပဲ မာယာက ဖြတ်ပြောလိုက်သည်။ မာန်လည်း မာယာ့စကားကို ခေါင်းညိတ်ပြပြီးနောက် ထိုအခန်းထဲမှ ထွက်ခဲ့တော့သည်။
*********************************
မာန် အိမ်ရောက်ရောက်ခြင်းပင် ရေမိုးချိုးအ၀တ်အစားလဲကာ လိုအပ်သည်များကိုယူပြီး ကုမ္ပဏ်ီသို့ ထွက်လာခဲ့တော့သည်။ ဒီနေ့ project အသစ် စတင်မည့်နေ့ ဖြစ်တာကြောင့် အရေးကြီး ရှယ်ယာရှင် အစည်းအဝေးရှိသည်။ ရုံးခန်းထဲရောက်တော့ မန်နေဂျာလာပို့ပေးသည့် ဖိုင်များကို စစ်ဆေးနေလိုက်သည်။
ဒေါက်...ဒေါက်... ဒေါက်
"၀င်ခဲ့"
"မာန်"
"ပြော လင်းသာ"
လင်းသာကို ပြောဟုဆိုသော်လည်း ကွန်ပြူတာမှ မာန်အကြည့်မလွှဲပေ။
"project အသစ်အတွက် ရှယ်ယာဝင်မယ့် ကုမ္ပဏ်ီ တစ်ခုတိုးလာတယ်"
"အင်း"
"အဲ့ဒါ မင်းနဲ့ နေ့လည် ထမင်းစားချိန် တွေ့ဖို့ ငါလုပ်ထားပြီးပြီ"
လင်းသာစကားကြောင့် မာန်လုပ်လက်စကို ခဏရပ်ကာ လင်းသာကို မော့ကြည့်လိုက်သည်။
"ဘာလို့လဲ...ခဏနေ အစည်းအဝေးပွဲမှာ တွေ့ရမှာပဲကို"
"သူက မင်းနဲ့တွေ့ပြီး ရင်းနှီးချင်လို့တဲ့...အဲ့ကြောင့် ငါချိန်းလိုက်တာ...မင်းတစ်ယောက်ထဲ မလွှတ်ပါဘူး ငါပါလိုက်မယ်"
YOU ARE READING
အမုန္းမွသည္...ခ်စ္ျခင္းဆီသို႔(နာက်ည္းခ်က္မ်ားႏွင့္ အခ်စ္ကိုဖန္ဆင္းမည္)
Romanceမိဘတွေမတရားခံရမှုအတွက် ကလဲ့စားချေမယ့်ကောင်လေးတစ်ယောက် အမုန်းတရားတွေကနေလွတ်မြောက်နိုင်ပြီး ချစ်ခြင်းကိုရှာဖွေတွေ့ရှိနိုင်မလား..... မိဘေတြမတရားခံရမွုအတြက္ ကလဲ့စားေခ်မယ့္ေကာင္ေလးတစ္ေယာက္ အမုန္းတရားေတြကေနလြတ္ေျမာက္ႏိုင္ၿပီး ခ်စ္ျခင္းကိုရွာေဖြေတြ့ရိွႏိုင...
🍁Part 17🍁
Start from the beginning
