ဟ...ဘာလဲ...ငါကသူ့က်ို ဘာလို့သတိရသွားတာလဲ...ခွန်းဆက်ရောင်နီ...သတိကပ်စမ်း.....
"ကိုကို!!!"
"ဟေ...အေး နင်ကလည်း ဖြေဖြေးခေါ်စမ်းပါ"
မာယာ့အသံကြောင့် ခွန်းဆက်နားကိုပိတ်ကာ ပြန်ပြောလိုက်သည်။
"မာယာ ခေါ်နေတာ သုံးလေးခါရှိပြီ...ကိုကိုမှ မထူးတာ...ပြီးတော့ မေးတာလည်း မဖြေဘူး"
"ဘာမေးလိုက်တာလဲ...ငါမကြားလိုက်လို့"
"ကိုကိုနော်...လူတစ်ယောက်လုံး ရှေ့မှာရှိနေတာကို...စိတ်တွေက ဘယ်ရောက်နေတာလဲ"
"ဘယ်မှ မရောက်ပါဘူးဟာ"
"ပြီးရော...ခုနက မေးတာက ကိုကိုရော မာယာ့ကို လွမ်းလာလို့"
"ငါလဲနင့်ကို သတိရပါတယ်...ဒါနဲ့ ဒီတစ်ခေါက်ပြန်လာတာ ဘယ်လောက်ကြာကြာနေမှာလဲ"
"ဘာလဲ ကိုကိုက အကြာကြီးနေစေချင်လို့လား"
"မဟုတ်ပါဘူး...ဒီတိုင်း ပါးစပ်အားနေလို့ မေးကြည့်တာ"
"ဟွန့် ကိုကိုကလည်း...မာယာ ဒီတစ်ခါ အပြီးပြန်လာတာ...ကိုကို ကို့ အပိုင်သိမ်းမလို့"
မာယာ ခွန်းဆက်၏ လက်မောင်းအားဖက်ရင်း ပွတ်သီးပွတ်သပ်လုပ်ကာ ပြောသည်။ ခွန်းဆက်က မာယာ့နဖူးကို လက်ညိုးဖြင့် တွန်းရင်း
"မရူးစမ်းပါနဲ့ မာယာရယ်"
"ကိုကို မယုံလည်းနေပေါ့"
"နင့်ကိုပြောပါအုံးမယ်...အခုဝတ်လာတာ တိုလွန်းတယ် မထင်ဘူးလားဟမ်"
"ဒါက အခုခေတ် style လေ ကိုကိုရ"
ခွန်းဆက် မာယ့ာအားကြည့်ကာ ခေါင်းတွင်ခါခါမိသည်။ ပေါင်လောက်သာရှိသည့် စကပ်တိုအနက်နဲ့ ခါးတိုအင်္ကျီဖြူ ဂျိုင်းပြတ်အား ၀တ်ဆင်ထားသည်မှာ ခွန်းဆက်အမြင်တွင် ကန့်လန့်ဖြစ်နေသည်။ အင်္ကျီက ရင်ဘက်လောက်တွင် ကွဲရာများပါသေးသည်။ အသားဖြူသူမို့ ကြည့်ရအဆင်ပြေပေမယ့် အသားများကို လိုသည်ထက်ပို၍ ဖော်ထားသည်မို့ ခွန်းဆက်ကြည့်ရတာ ဘယ်လိုမှ အဆင်မပြေ။
ကျောလည်လောက်ရှိသော ဆံပင်ကိုဖြန့်ချထားပြီး မိတ်ကပ်ပါးပါးသာ လိမ်းထားသည်မှာ သက်ရှိ အရုပ်မလေးအလားပင်။ ခွန်းဆက် မာယာ့အပေါ် ညီမအရင်းလေးလို သံယောဇဉ်ရှိသည်။ ဒီကောင်မလေးအား ၀တ်ပုံစားပုံ ပြောင်းလဲစေချင်သည်။ မာယ့ာပုံစံလေးနှင့် မြန်မာဝတ်စုံသာဆိုလျှင် တော်တော်လေးကို လှပြီး ကျက်သေရေရှိမည်မှာ သေချာသည်။ အခုလိုဝတ်ပုံစားပုံနှင့် မာယာ့ကို ခွန်းဆက်ရင်လေးမိသည်။ အခုခေတ် ယောက်ကျားလေးတွေက နှမချင်းကိုယ်ချင်းစာတက်တဲ့သူ ရှားသည် မဟုတ်ပါလား။
YOU ARE READING
အမုန္းမွသည္...ခ်စ္ျခင္းဆီသို႔(နာက်ည္းခ်က္မ်ားႏွင့္ အခ်စ္ကိုဖန္ဆင္းမည္)
Romanceမိဘတွေမတရားခံရမှုအတွက် ကလဲ့စားချေမယ့်ကောင်လေးတစ်ယောက် အမုန်းတရားတွေကနေလွတ်မြောက်နိုင်ပြီး ချစ်ခြင်းကိုရှာဖွေတွေ့ရှိနိုင်မလား..... မိဘေတြမတရားခံရမွုအတြက္ ကလဲ့စားေခ်မယ့္ေကာင္ေလးတစ္ေယာက္ အမုန္းတရားေတြကေနလြတ္ေျမာက္ႏိုင္ၿပီး ခ်စ္ျခင္းကိုရွာေဖြေတြ့ရိွႏိုင...
🍁Part 10🍁
Start from the beginning
