ပြောပြီးတာနဲ့ သုတျာကိုပွေ့ချီလိုက်ပြီး အိပ်ခန်းထဲခေါ်လာလိုက်သည် ။ ကုတင်ပေါ်မှာချပေးပြီးတာနဲ့ ဆေးသေတ္တာထဲကဆေးဘူးကိုယူလိုက်ရင်း သုတျာခြေထောက်လေးကို ခပ်ဖွဖွလေးလိမ်းပေးလိုက်တဲ့အခါ နာသွားတာကြောင့်ခြေထောက်လေးကတစ်ချက်တစ်ချက် တွန့်ခနဲဖြစ်သွားသေးသည် ။
ဆေးလိမ်းပြီးတာနဲ့ အနာသက်သာအောင် ဆေးတိုက်ရပြန်သည်။
" အချစ် ! လမ်းလျှောက်မနေတော့နဲ့ နားလိုက်တော့ "
" ဒီအချိန်ကြီး မအိပ်ချင်ဘူးမောင် "
" မအိပ်ချင်လဲ ငြိမ်ပြီးထိုင်နေလိုက်လေ။ မောင် စားစရာတစ်ခုခုလုပ်ပေးမယ် "
ပြောပြီးအခန်းအပြင်ကိုထွက်ဖို့ပြင်နေတဲ့ မောင့်ရဲ့လက်ကို
လှမ်းဆွဲထားလိုက်မိသည်။
" မသွားပါနဲ့မောင်!! အချစ်ဘေးနားမှာပဲနေပေးပါနော် ။
ခဏလေးတောင် မောင့်ကိုမခွဲနိုင်လို့ပါ "
ကိုယ့်လက်ကိုဆွဲပြီး ကလေးတစ်ယောက်လိုပြောလာတဲ့ကောင်လေးကြောင့် ဆက်လဲ ကုတင်ပေါ်တက်ပြီး ထိုင်နေလိုက်ရသည် ။ ကုတင်ခေါင်းရင်းကို ကျောမှီပြီးထိုင်နေတဲ့ ကိုယ့်ရဲ့ ပခုံးပေါ်ကို သုတျာကခေါင်းလေးမှီလာတာမို့ သူ့ပခုံးလေးကိုအသာပြန်ဖက်ထားလိုက်၏ ။ နှစ်ယောက်သားကြားထဲ အတန်ကြာတိတ်ဆိတ်နေလေသည်။
" အချစ် "
" အင်း ဘာလဲမောင် "
" မောင်မေးတာကိုဖြေပေးပါနော် မောင်သိချင်လို့ "
" မောင်က ဘာကိုသိချင်တာလဲ "
" ဟိုးအရင်အချိန်တုန်းက မောင် အချစ်အပေါ်မှာဆိုးခဲ့မိုက်ခဲ့ဖူးလား ၊ အနိုင်ရောကျင့်ခဲ့ဖူးတာမျိုးရှိလား အမှန်အတိုင်းဖြေပေးပါ "
" ဟင့်အင်း ... မောင်ကလေ အချစ်ကိုဆို စကားလေးနဲ့တောင်မှ အနိုင်မယူဖူးတဲ့လူပါ ။ဆိုးဖို့မိုက်ဖို့ဆိုတာအဝေးကြီး "
" ဒါဆို အချစ်ကရော မောင့်ကိုအရမ်းချစ်တာပဲလား "
" အချစ်မှာ အားကိုးတွယ်တာစရာမောင်ပဲရှိတာလေ။ မောင့်ကိုဘယ်လိုချစ်ကြောင်း နှိုင်းပြစရာတောင်မရှိပါဘူး "
YOU ARE READING
သု တျာ ( သုတ်ာ ) Uni+Zaw ( Completed)
Fanfiction" မမေ့ပါနဲ့နော်အချစ် မောင်က မင်းမရှိရင် ရပ်တည်ဖို့မလွယ်တာကိုလေ ကျေးဇူးပြုပြီး အဲဒါလေးတစ်ချက်ကို မမေ့လိုက်ပါနဲ့နော် " " မေမ့ပါနဲ႔ေနာ္အခ်စ္ ေမာင္က မင္းမ႐ွိရင္ ရပ္တည္ဖို႔မလြယ္တာကိုေလ ေက်းဇူးျပဳၿပီး အဲဒါေလးတစ္ခ်က္ကို မေမ့လိုက္ပါနဲ႔ေနာ္ "
Part - 29 ( Uni)
Start from the beginning
