"အဆင်ပြေပါတယ် ဒီမှာဥတွေပါတဲ့စွပ်ပြုတ်ရှိတာပဲလေ အရွက်ကြော်ကလည်း အရသာရှိပါတယ်"
သူတို့အိမ်တွင် ပိုင်လီ၏သဘောဆန္ဒအရ ဆီ၊ဆားနှင့်သကြားကို ခြွေတာပြီးသုံး၍မရနိုင်ပေ။ ဒါကြောင့် ဆီဝေ့နေတဲ့အသီးရွက်က အရသာရှိပြီး ကြက်ဥစွပ်ပြုတ်ကလည်း အရမ်းကောင်းပါတယ်။ အဲဒါက သူတို့အရင်တုန်းက ချက်နေကျဖြစ်တဲ့ အသီးရွက်ရေလုံပြုတ်ထားတဲ့ဟင်းတွေထက် အများကြီးပိုကောင်းပြီး ထမင်းကလည်း အဝါမဟုတ်ဘဲ မယအဖြူဖြစ်နေတာကြောင့် ရှောင်ဟန်က ပျော်ပျော်ကြီးစားနိုင်တယ်။
အမှန်တိုင်းသာဝန်ခံရရင် သူကဒီလောက်ကောင်းကောင်းမွန်မွန်စားရတာနဲ့တင် ကျေနပ်နေပြီရယ်။
သို့သော် ပိုင်လီကမူ လက်မခံနိုင်ဘဲ...
"ဒါကဘယ်လိုလုပ် အဆင်ပြေနိုင်မှာလဲ ရှောင်ဟန် နောက်ကို ကိုယ်နဲ့ကလေးတွေက အစပ်စားလို့ အစပ်ဟင်းချက်ရင်တောင် မင်းအတွက် သီးသန့်ခွဲထားလို့ရပါတယ် ဒီနေ့လိုမျိုးမလုပ်နဲ့နော် "
အဲဒီနောက် သူကထသွားသဖြင့် ခေါင်းငြိမ့်ပြင်နေသော ရှောင်ဟန်က မသင်္ကာဖြစ်ကာ အမြန်မေးလိုက်ရသည်။
"ခင်ဗျား.. ဘာလုပ်မလို့လဲ"
ပိုင်လီက...
"အိမ်မှာ ဒရယ်သားခြောက်တွေ ရှိတယ်မလား ကိုယ်မင်းအတွက် နည်းနည်းကင်ပေးမယ်လေ "
ရှောင်ဟန်က ဒီလူက ဒီလောက် စိတ်မြန်ကိုယ်မြန်ရှိမည်ဟု မထင်ထားသဖြင့် အမြန်လှမ်းဆွဲလိုက်ရကာ...
" အဲတာက ဆောင်းတွင်းအတွက် စုထားတာတွေလေ ဒါက နေ့လည်စာလေးတစ်နပ်ပဲကို ပြီးတော့ ဟင်းမရှိတာလည်းမဟုတ်ဘူး မလုပ်ပါနဲ့တော့ ခင်ဗျားဗိုက်ဆာနေတာလို့မပြောဘူးလား"
ဒါပေါ့ စားချိန်ရောက်လို့ ပိုင်လီကညနည်းနည်းဟာသလိုခံစားရတာပေါ့။ ဒါပေမယ့် အဲတာက အရမ်းဆာလောင်နေတာမှမဟုတ်တာ။ ဒါကြောင့် သူက ရှောင်ဟန်၏လက်ကို အသာဖြုတ်ချခဲ့လိုက်သည်။
"အဲဒါက သိပ်ကြာမှာမဟုတ်ပါဘူး ခဏပဲစောင့်လိုက်"
အဲဒါက တကယ်ကိုသိပ်မကြာခဲ့ပါချေ။ သူတို့အိမ်မှာ မီးလက်စရှိသေးပြီး အဲဒါက ထင်းမီးမဟုတ်တော့ဘဲ မီးခဲသေးသေးလေးတွေဖြစ်သဖြင့် အသားကင်ဖို့အဆင်ပြေသွားကာ ပိုင်လီက ဒရယ်သားအနည်းငယ်ကို လျှင်မြန်စွာကင်ခဲ့လိုက်သည်။
YOU ARE READING
အမှိုက်ကောင်လေး၏ပျော်ရွှင်ဖွယ်ဘဝ/ အမွိုက္ေကာင္ေလး၏ေပ်ာ္႐ႊင္ဖြယ္ဘဝ
Fantasyအမျိုးသားကိုယ်ဝန်ဆောင် "ကော"များပါဝင်သည်။ အမ်ိဳးသားကိုယ္ဝန္ေဆာင္ "ေကာ"မ်ားပါဝင္သည္။
ဇနီးလေး... ကလေးယူချင်နေတာလား?
Start from the beginning