تحت تأثير الطلقه

💗الفصل الثلاثون💗

في أحدي العمارات تعالي صوت دق الباب بقوه

ليفتح حازم الباب بسرعه واستغراب ليجد ليلي أمامه ..التي دفعته بقوه في صدره ليترنح للداخل لتدخل هي وتغلق الباب بقوه خلفها وعيونها تخرج نيران مشتعله

ليلي بغضب
= انت بتستغفلني انت مفكر اني هسكتلك هاا.. ده انا هسجنك انت فاهم انت متعرفش انت بتلعب علي ميين

نظر لها حازم بصدمه وهو لا يفهم فيما تتحدث ليقول
= ليلي انتي مجنونه ولا ايه انتي بتتهجمي عليا في بيتي ..

ليلي بغضب حارق
= اه يا حاازم ومش بتهجم عليك وبس ده انا هقولك .. انت بتخليني اقولك معلومات المهمه السريه علشان تروح تقولها للصحافه علشان تقبض منهم فلوووس هاا

نظر لها الاخر بصمت وهدوء بعدما تحولت معالمه .. فهي الان تهينه وتطعنه علي شرفه ..

لتنظر له الأخري بغضب أكثر حين صمت .. لتقول بغضب
= انت انسان حقير وجبان .. انا مش هسيبك انت فاهم ولو الطفل اللي في المستشفي ده حصله حاجه بسببك وبسبب طمعك هقتلكك انت فاهم ..

خرجت رودينا من غرفتها بنعاس وانزعاج من صوت الضجيج فهي اخت حازم لتنظر الي ليلي بصدمه لتقول
= انتي ايه اللي جابك هنا ..وبتزعقي كده ليه في ايه ما تحترمي نفسك

ليلي بعصبية وغضب
= انتي اخرسي بدل ما اكلك بسناني انتي فاهمه

حازم بحده
= ليلي كفايا الزمي حدودك اظن انك جيتي وزعقتي وعملتي كل اللي انتي عايزاه لو كلامك خلص اتفضلي من غير مطرود

نظرت له ليلي بغضب مكتوم لتقول
= هندمك انت فاهم

رودينا بغضب من طريقتها مع اخوها
= مش قالك من غير مطرود ايه معندكيش كرامه

نظرت لها ليلي بغضب وكادت اجيبها إلا أن حازم فتح باب الشقه ليقول
= ليلي لو سمحتي كفايا لحد كده

نظرت له ليلي بغضب وصمت لتخرج من البيت ليغلق حازم خلفها الباب ..

ليتجه الي غرفته وكانت رودينا زرائه لتقول الأخري بعصبيه
=مالها دي جايه تزعق وتهلل في بيتنا ليه

حازم بهدوء
= سيبيها بكره هاتيجي برضو تعتذر

رودينا وهي تقلب عينيها
= مش عايزين اعتذار مش عايزين نشوف وشها اصلا ...

قلب الاخر عينيه ليستلقي علي السرير وينظر للسقف بهدوء

*★*★*★*★*★*★*★*★*★*★*★

في مركز الشرطه

كان محمود يجلس بهدوء أمامه الجميع عادا ليلي ينتظرون عنوان الصحفي لكي يذهبوا للقبض عليه والتحقيق معه ..

لتقول مريم بهدوء
=مش قادره افهم مين اللي قال للشاب ده

محمود بهدوء
= اكيد حد مننا