جيلان برودة سارت بعظامها وعيونها شخصت ببجاد برعب
رفع يده على ذقنه مشى بتفكير /لازم نكون حذرين
لف لها وشافها لسى واقفها في مكانها /شفيك واقفه امشي
جيلان والافكار سوداويه تغزوها لو كانت مكيده من عمها
انه يجبرها بطريقه غير مباشره للعوده لكندا عن طريق ولده جايدن؟
وبكذا بقدر يستفرد فيها بس لا وضغط عليها
وعلى بجاد معها او يمكن يهددها ببجاد او يهدد بجاد فيها
عمها خبيث تتوقع منه كل شي
بجاد رجع لها ونبلها بطرف اصبعه على جبينها/هـي
جيلان نقزت بفزع /هااه
بجاد حس انه خوفها بكلمه وبجديه/تبين نرجع رجعنا الحين ماعندك مشكله
جيلان هزت راسها بنفي /لا لا بتاكد اول من ابوي مقدر ارجع بدون ما اشوفه
بجاد حط يده وراء ظهرها ودفها بخفه/يلا اجل امشي على سنع
مشت معه حتى خرجوا
جيلان بتذكر/يوه نسيت جايدن ينتظرنا برا بسيارته بيوصلنا لـ للفندق عشان نريح فيه من بكره نروح لـ ابوي
بجاد رفع حاجبه بعصبيه بنبره حاده/جايدن مره ثانيه؟ امشي رجعنا
جيلان تعلقت بيده تمسكه/رجل بيساعدنا بس وهو اللي رتب حجوزات الفندق وحطه قريب من المستشفى
بجاد ضيق عيونه /وليش مايكون هو اللي يوصل اخبارنا لـ عمك و وراهم بلا وشر فكينا منه لـ ارجعك الحين
جيلان بشك /تتوقع جايدن يسويها لاا لا ماظن
بجاد حرك اصبعه قدام وجها وقبض كفه بتعبير وصل لها كتمانه لغضبه/ ان لمحته ارتكبت فيه جريمه و اتوقع تدرين اني اسويها
جيلان ماتبي تطولها معه تخاف يتورط مع جايدن صدق /خلاص خلاص انسى الموضوع واخذ لنا تاكسي نشوف لنا فندق ننام فيه
بجاد وقف لهم تاكسي ولمح بطرف عينه اللي واقف على طرف الثاني من الشارع
ومتكي على السيارته الفارهة وعيونه تنتقل بين البوابه وبين ساعة معصمه
وعلامات اللهفه والابتسامه تعلو ملامحه
شد شفايفه بقهر وشوفته تثير غضبه بوجهه الملط وشعره الاشقر ذكره بمضاربته معه قبل اربع سنوات مد يده فتح باب سيارة التاكسي ودفع جيلان بحرقه لداخل السيارة
جيلان تلفتت له بعصبيه من دفته لها/ااءء وجع وجع كسرتني يامتخلف
بجاد انحنى ودفها لطرف الثاني من المقعد وركب جنبها
لتفت لهم السائق بنظرات استنكار حاد ووضح
جيلان فهمت نظرات السائق اللي واضحه انه كندي /نعتذر على ضجيج
السائق نظر بجاد من فوق لتحت وصد عنه/الي اين
جيلان /مقاطعة **** فندق الـ**
السائق /حسناً
جيلان شدت بجاد من معطفه وهمست بـ اذنه بقهر/الشعب الكندي يكره العنف والصراخ وتصرفك هذا لا تعيده بلا همجيه
جيلان شدت بجاد من معطفه وهمست بـ اذنه بقهر/الشعب الكندي يكره العنف والصراخ وتصرفك هذا لا تعيده بلا همجيه
بجاد /وش تبين مني اسوي وانا اشوف الاخ مترزز والابتسامه شاقه وجهه وينتظرك بسيارته هاا
جيلان فهمت من يقصد بس تستغبي/من ؟
بجاد باستهزاء/جدتي ام عباه
السائق نظرهم من المرايه العاكسه/هل تواجهكم مشكله ما؟
جيلان حضنت يد بجاد واسندت راسها على كتفه بتصنع/لاا لا فقط زوجي يناقشني فـ مكان الاقامه
بجاد /وش عنده حشر عمره كل شوي يسال
جيلان/الشعب الكندي يحب يساعد
بجاد باستسخاف/وتراب من وصلنا وانتي الشعب الكندي و الشعب الكندي اشوف طلعت الكنديه اللي بداخلك
جيلان تهز كتفها بتفاخر/يحق لي افتخرر بموطني الاصلي ولا انت ماتهيط بديرتك
بجاد بهياط زيد/تفخر بديره عندي ديره يفرق ولا تنكرين انك تحبين كونك تجنستي
جيلان/هههههههههههههه هـي تدري ان كثير يتزوجون من كنديات عشان ياخذون الجنسيه الكنديه الان مميزاتها كثيره
بجاد/ ما اشوفها نفعتك فـ بوش بتنفع المتجنس؟
جيلان نظرته بقهر /انا انحدية
بجاد يستفزها/خلاص خلاص لا يطق فيك عرق يا الكنديه
جيلان ادركت انه يحاول يثير غضبها بعكس توقعه بضحكه مستفزه/هههههههههههه والله فيه واحد كان بيطق فيه عرق من شاف الكندي المترزز بسيارته لامبورغيني وينتظر حضرتي
بجاد دقها بكوعه بخصرها بقهر/يعني شفتيه وتستدلخين
جيلان مسكت خصرها بـ الم/اءههههههههههههههه
بجاد/لا تختبرين صبري فيطلع لك عفريتي
جيلان بتمتمه /كل هذا و ماطلع عفريتك انت بكبرك عفريت
بجاد /ترا سمعتك ياعفريتتي
جيلان بامتغاض/يشينها منك
السائق /لقد وصلنا
بجاد دفع له
ونزلوا مع بعض اخذ بجاد الشناط
ومشى باتجاه الفندق
وجيلان لحقته
حجزوا لهم غرفه وطلعوا لها
دخل الشنط وقفل الباب
وتقدم لداخل الغرفه شافها تنقز بجسمها كله فوق السرير الواحد في الغرفه وتتنهد براحه واسترخاء خاصه ظهرها اللي تحسه متصلب
بجاد عقد حواجبه ونزل جكيته ورماه على التسريحه
ودخل الحمام توضاء ثم خرج وجلس عند شنطته اخذ علبة صغيره واخذ منها
حبه حبوب وبلعها بدون ماء
جيلان تنظره بلقفه /وش هل حبوب؟
بجاد باستعباط/مخدرات
جيلان بهت لونها بلعت غصتها وصورة بجاد السكران ترجع لمخيلتها بشكل بشع
بجاد عرف اللي تفكر فيه وسحبها من يدها حتى قامت من السرير
وهي تنظره بلوم شديد وشوي وتبكي
الا انه صدمها من نقز على السرير وهو يتمغط/لا تموتين علينا هذا علاج النوم القهري
جيلان لا إرديا تنهدت براحه /تعالجت منه
بجاد يثبت راسه على المخده /لا ماله علاج لكن الادويه تخفف لي من اعراضه
جيلان/اهم شي ترجع ما دكتور
بجاد تثاوب/طفي نور خليني انام
جيلان توه تستوعب وجوده على السرير/هييي قوم انا حجزته قبلك انت رجال نام على الكنب
بجاد/اذا صحيت نامي
جيلان تتخصر/لا والله تنام وانا لا؟ وبـ المناوبه هي
بجاد /مهوب انا اللي نمت في الطيارة
و سحب المفرش وتغطى فيه بـ الكامل
ودخل في نوووم عميق
جيلان /بجاد نمت ؟
تاففت وجلست على الكنب الطويله اللي مقابله السرير وجوالها بيدها
قهرها بنومه كانت تبي ما ينام وجلس يسوالف معها حتى لو هواش
وقفت طفت الانوار وتوجت لشبك الزجاجي
اللي يطل على شوارع كندا و الحنين لـ ياخذها لـ ابوها واصدقائها
ولـ ارضها
فتحت جوالها بتردد
فتحت قائمة الاسماء وتحديداً على اسم صديقتها الكنديه اخر تواصل لها معها
قبل 4سنوات
محتاره اذا تتصل فيها و تطلب منها تتاكد لها من
ابوها ووضعه الصحي و اذا كان في الموضوع فخ او مجرد وسواس
ضغطت على الاتصال ورفعت لـ اذنها بترقب
لكن كان خارج الخدمه
عبست بضيق ورجعت للكنبه وتمددت عليها
والافكار تعصف فيها
حتى غفت بدون ماتحس
…
…
…
صباح اليوم التالي
توجهوا للمستشفى
بعد ما افطروا في الفندق
طول الطريق وعيون بجاد على طرقات والاماكن
بتامل لجمالها وخضرتها
وقفت السيارة ونزلوا ولفحته برودة الجو
شد الجكيت على نفسه/ليتني جبت فروه معي
جيلان /بعد ماجاك شي ياليت تنزل الثلوج قبل نرجع
بجاد /تعالي ندخل ونشوف ابوك وان الله ايحياني ان رجعتك بكره
وخلي ثلوجهم لهم نروح لتبوك نشوف ثلوجها هي اللي تبرد الخاطر
جيلان مشت معه بتوتر لداخل المستشفى
توجهوا لرسبشن وسألوا عن غرفة
الموظف/عفواً آنستي لا يوجد لدينا مريض بهذا الاسم
بجاد جيلان تبدلون النظرات بشكل سريع
وشكوكهم حول ان فيه مكيده وريبه في الموضوع تزداد
بجاد مسك يدها وضغط عليها بخفه /متاكده من اسم المستشفى؟
جيلان والدموع تتسابق لعيونها بخوف /ايه جايدن ارسله لي قبل نوصل
بجاد رجع نظره للموظف وباصرار e/تاكد من ذلك مره خرى
الموظف رجع للجهاز يبحث عن اسمه ثم رجع ناظرهم مره ثانيه/لايوجد لدينا مريض بهذا الاسم اعتذر منك
بجاد توتر بقلق
وصلهم صوت من الخلف/لن تجدوا مريض بهذا الاسم في اي مستشفى مهما بحثتم
—-
——
الى الملتقى غداً
