مر اسبوع على وجودها في بيت
خالها عاصي
ما تفارق امها لحظه
وتحاول تتحنب هند قد ما تقدر
لأنهم اذا تقابلوا لازم يصير بينهم هواش
للأمانه وجودي هنا هو هروب من ولد الخال الجديد
ما انسى جلفته وصراخه عليه
رفعت يدي لخدي اتحسس مكان الكف
بقهر
وقفت ورفعت جوالي اشوف الساعة”7:21 ص
باقي نص ساعه على موعد امي
لبست العبايه ولفيت شيلتي على راسي و صليت الضحى…
خرجت سارة من الحمام تمسح وجهها من الماء
واخذت عبايتها ولبستها وجلست تنتظر
جيلان تخلص صلاتها
جيلان سلمت و وقفت وطوت السجاده/يلا ماما جاهزه؟
سارة بابتسامه مشرقه/ جاهزه
نزلو مع بعض للسيارة وركبو مع السواق وتوجهو للمستشفى…
في المستشفى
تراقب يد امها النحيفه والابره تخترق جلدها حتى تتثبت في عروقها
وسائل الكيماوي يتدفق لجسدها
جلست على الارض بركبه منحينه ويدها تحتضن يد امها/جعل عافيتي فيك
سارة ببتسامه شاحبه/يا امي انتي انا ادفع عمري كله ولا تنوخزين بـ ابره
جيلان باست كفه امها بحنيه
سارة رفعت يدها تمسح على شعرها
وشيء من الراحه يغمر قلبها
بنتها قويه وصبوره ما ينخاف عليها
اذا استمرت بالحياة هنا
الخوفي الكبير عليها اذ قررت ترجع لـ كندا
موطنها الاصلي
جيلان ما انخلقت لتكون ابنه لتلك البلاد
جيلان موطنها هنا
حياتها لازم تستمر هنا
تتمنى لو النظام يسمح للام بـأنها تجنس عيالها
لجنسيتها سعوديه
بكذا تقدر تأمن ان بنتها تكون تحت حمايه الدولة
هي مهب جاهله بوضع جيلان
وتعرف كل اللي صار لها
من خلال وحده من صديقاتها الكنديات اللي وكلتها
تنقل لها اخبار جيلان في فترة وجودها عند ابوها…
وحتى لما رجعت لها جيلان
في كل مره تحس ان جيلان
ناويه تحكي لها اللي صار في كندا
تحاول تغير الموضوع بسرعه
لأنها بتضعف بتنهار بتتحطم حصونها
اذا حست بضعف بنتها اللي تستمد منها القوه
تبي تبقى جيلان في نظرها قويه
عواصف افـكارها في جيلان انستها
آلم الكيماوي اللي يسري بعروقها و يستنزف طاقتها
فهو حاارق قوي مؤلم متعب ..انتبهت على يد الدكتوره اللي تسحب الابرة منه
الدكتوره استغلت غفلت جيلان بالوقوف
و إشارة لـ سارة بمعني صرفيها
سارة فهمت ان الدكتوره تبي تتكلم بتطور بصحتها
مسك يد جيلان الواقفه/جيلان اصدقائك ينتظرونك
جيلان رفعت الكيس الكبير اللي كان على الكرسي
واستقامت بوقفتها وبحماس/
واستقامت بوقفتها وبحماس/ايه اشتقت لهم اكيد زعلانين علي
خرجت من الغرفه لـ أسياب المستشفى وابوابه المغلقه
وخلف كل باب في هذا القسم من المستشفى
محارب يتصارع مع مرضه بقوة إرادته و ايجابيه..
فجعتها بمرض امها
كسرتها فوق كسرها بـ ابوها
كارثه تتوقف على اثرها حياتها
انهارت بكت بيأس
لكن من دخولها لهذا القسم
وخاصه الغرفه اللي متجه لها حالياً
اعطتها الامل وزرعت في نفسها السعادة
الذاتيه اللي ادركت انها السعادة مرتبطه بالذات قبل تكون مرتبطة
بـ الاشخاص او الأماكن
فتحت باب الغرفه الووواسعه
ونور الشمس من الشبابيك العاليه يسطع
بعيونها اللي استشرقت بفرح
هنا بس تقدر تواسي نفسها بعد ما تشوف تعب
امها بـ العلاج الكماوي
بصوت عـالي /هااااااااي قااااايـز
بصوت اعلى من صوتها /هاااااااااي
ركضو بإتجاهها وهي انحنت تحضنهم
ما كانو إلا اصغر محاربين السرطان اللي تسلل لطفولتهم بعنف
مع هذا ما قدر يسلب منـهم ضحكتهم وبرائتهم
جالسه بينهم
كانو ولدين وثلاث بنات
بنفس الغـرفه اللي سكنوها من شهور
الطفل يزن/وينك انتظرنك من زمان ما جيتي
طفله راما بزعل/انا اعرف ليش ماتجيبين اللي قلت لك عليه؟
جيلان تمد شفايفها بطفوليه/ايه عشان ما كان معي فلوس اجيب لك ولماصار معي جبته “وغمزت لها بشقاوه
راما تحط كفوفها الصغيره على فم جيلان وبهمس/اششش لا تسمعك ماما فتهاوشنا ما ابيها تعرف
الطفل سلمان/واحنا وش جبتي لنا
جيلان بصوت اقرب للفحيح الهمس وهي تجر الحروف/مـثلٓها اشش لا احد يدري عشان ما يهاوشوننا
هزو الاطفال روسهم بحماس وهم يزمون شفايفهم لداخل فمهم بمعنى الكتمان..
شدت شفايفها تمنع ابتسامتها و وقفت
وهي تسلم على امهات الاطفال الاربع
جيلان بافتقاد/باقي ام يزن؟
ام راما/رجعت للبيت تخلص لها كم شغله وبتجي الحين
فعلاً انهت كلامها بدخول ام يزن
جيلان ابتسمت لها وتقدمت تسلم عليها/سلام عليكم
ام يزن بصوت ضاحك/هلاهلاااا ارحبي
جيلان/سلمها
ام يزن بدون ما تنزل نقابها/شخبارك وينك الاسبوع اللي راح ما زرتي العيال
جيلان تحرك شعرها بعبث/راحت علي نومه والله
سكتت للحظه من لمحة عيون ام يزن من تحت النقاب
انحنت بجسمها ومسكت يد ام يزن وسحبتها /خليك مني تعالي ابيك بسالفه
مشت معه لـ اخر الغرفه وسحبت الستائر اللي محوطه السرير و قفلتها عليهم بالكامل
يزن نزلت راسها لأنها ادركت ان جيلان كشفتها
جيلان رفعت يدها وسحبت النقاب عنها
حتى ينكشف لها وجه ام يزن ببشرتها الحنطيه
واحمرار خدها الايسر كله وعيونها المتنفخه باحمرار يكسو الهلات اللي محوطه عيونها
جيلان بنفس مقهور/ضربك؟
ام يزن ترفع راسها بابتسامه باكيه/عادي تعودت
جيلان حركت راسها برفض/تعودتي؟ من يتعود على الضرب و الاهانه؟
الى متى
ام يزن/هذي المره انا استاهل لأني رفعت صوتي على امه
جيلان/الله ياخذه وياخذه “مسكت لسانها من انه ينفلت بدعاء على امه”
وش سوت لك هذي المره عجوز النار
ام يزن رتفعت شفايفها سفليه للاعلى وبنبره سحبتها من اقصى حبالها الصوتيه حتى يكون صوتها واضح/تخيلي يا جيلان بيتي له اسبوع مقفلته وقبل اطلع منه منظفته ومرتبته زين الاني اعرف
بتنوّم مع زيزو …رجعت اليوم عشان اغسل ملابسي وملابس ابو يزن واخذ تغييره لزيزو لقيت بيتي مفتوح “شهقت ببكاء”ومحيوس وثلاجتي فاضيه والمطبخ وصخ …كل هذا ما يهمني لأني متعوده يدخلون بيتي في غيابي بس اني احصلهم فاتحين غرفتي ولاعبين بـ ملابسي واغراضي الخاصه لأن اخته ست الحسن جايه من الشرقيه وتبي تحضر زواج واحد من جماعه ودخلت غرفتي تدور شي تلبسه من ملابسي
جيلان متسعه عيونها بصدمه/مو من جدهم وش قلة الادب هذي سلامات تدخل غرفتك
ام يزن تمسح دموعها/جـيـت اكلمه بهدوء وتفاهم معه انا اقل شي اذا ما احترمو ان هذا بيتي اقلها غرفتي خط احمر ما يدخلونها
قام يصارخ ويعصب ولا. خلا امه تهاوشني ان مالي دخل وان البيت بيت ولدها واني ابي اطردها هي وبنتها وحطت فيني اللي مو فيني
يعني تخيلي انها ضربتني واللوح زوجي ما سوا شي واقف وكأن اللي سوته امه عاجبه
جيلان بغبنه/وانتي سكتتي لها؟
ام يزن/وش تبيني اسوي وهي عجوز كبر امي
جيلان رفعت يدها تمسح وجها/محشومه امك من ذي العجوز
شدت على يدها بقوه/ام يزن تطلقي منه وش بعد تبين في واحد هدر هو واهله كرامتك يعني ما رحمو قلبك اللي منكسر على ولدك وش تنتظرين منهم
ام يزن هزت راسها برفض لفكرة الطلاق/جيلان وين اتطلق منه ابو يزن طيب بس مشكلتة امه وخواته اللي يحرشونه علي ويملون راسه بكذب انها تفعل وتترك
جيلان بحقد/اكرهه الرجال اللي يسمع لهرج الحريم واكرهك انتي واكره ضعفك لو انك قويه و واثقه من نفسك كان ما استقوت عليك امه هي وخواته حصلوك ضعيفه وبنت حلال واستقوو عليك من زينهم ولا من زين ولدهم الرمه
ام يزن ضحكت بين دموعها بهم/ههههه ادعي ان ربي يشفي لي يزن ويخليه لي
جيلان بتعطف/اسمعي جربي اقل شي تروحين بيت اهلك وتزعلين عليه شهر شهرين عشان كرامتك اللي هدروها والله معاد يحسب لك حساب اذا رجعتي له بعد اللي سوته امه واختك بقول ذي لو اكفر فيها بتبلعها وبتسكت
ام يزن بخوف/لاا اخاف ياخذون يزن مني
جيلان تحرك يدها بـ اقناع/ولدك في المستشفى والله ما يقدرون يهتمون فيه و حتى جدته والله ما تتنزل وتجي ترافق معه هي او وحده من بناتها الـ*****
وخلي زوجك الكلب تسنعه امه وخواته صدقيني مايجي شهر اذ كان صدق شاريك ولا وهو جاي زي الكلب يترضاك و وقتها اشترطي لك بيت او بيت اهلك استر لك من اشكاله
ام يزن بتردد/ خايفه بعدين اخواني لو عرفو اللي صار لي والله ان يذبحونه وانا ما ابي ولدي يتيتم وهو لسى صغير او يبتلون بدمه
جيلان حركت راسها بذهول/خليهم يذبحونه انا لمّا قلتي لي سالفتك من شهر وانا احسب انك ساكته على زوجك لأن ما وراك سند ولا خايفه ان اهلك يرجعونك له بدون ما يهتمون
ام يزن هزت راسها بلا/لا والله انهم لي سند ارتكي عليه جعلني فداهم …
‘
اذاً ما تستحقين اخوانك
وانتي تاركه رجال يقهر فيك
لو كان لي اخوان مثلك بس لو كان لي؟؟
احتفظت بهذا الكلام بنفسها
وهي تطلق تنهيد محبطه من غباء النساء
واستغلال الرجال
————-
————-
اعتذر عن البارتات القصيره
بس الان فيه بارتات ثقيله ويبي لها تركيز فـ ما اقدر اكمل الان...
لذلك...
الى الملتقى
تفاعلكم على ام يزن وقصتها يسعدني
ملاحظة:
لما طرحت قصة ام يزن
كنت متوقعه بعض الردود والتعليقات
باختصار
الان مع الاسف كثير في مجتمعنا هم ام يزن...
وقصص عجيبه وغريبه تدور بنفس المحور..
للامانه ما طرحت القصة إلا
بعد ما سمعت قصتين نفس شي
بظبط
ونجي لـ السؤال
ليش تصبر!؟ ليش تتحمل!؟
بعضهم الرجال يكون يحب زوجته وعايش معها احلى عيشه وفي نفس الوقت ما يقدر يوقف اهله عند حدهم
ويفضل عدم التدخل
والبعض مع الخيل ياشقراء
قالو يمين قال يمين...
—
والله شي يضيق الصدر
و خاصه اللي عندها عيال
تصبر عشانهم وياكثرهم ...
—
لكن السوال هنا ليش الحرب العنيفه
ضد زوجة الولد!؟
او حتى حرب متبادله!؟بين الطرفين!؟
——-
ولحظو الحرب ما تكون
على زوجة الولد الضيفه الحبوبه
اللي تنطق وتبلعها..وخاصه اذ كانت من نفس العائلة او. الجماعه..🤦🏻♂️
لكن القويه واللي واثقه من نفسها ما ينداس لها على طرف
ولو حصل وقفتهم عند حدهم
—
و
—
قضية عميقه جداً اكبر
والحلولو لها صعبه جداً
مره يا اما طلاق او حرب مستمره او تبلع وتسكت...
—
اطرحو لي القصص اللي تعرفونها !؟
بدون ذكر اسماء
