The Deal With A Demon King

Part 47

ထို့နောက် တိဟွအား လက်ညိုးထိုးကာ ဒေါင်းအိုကြီးကိုတလှည့် တိဟွကိုတလှည့်ကြည့်ရင်း

" သူ...သူ...သူက...မြေ..မြေခွေး..."

ဒေါင်းအိုကြီးက ထိုလူအားဘာမျှဆက်ပြောခွင့်မပေးချင်သည့်အလား သူ၏လက်တဖက်ကိုဝှေ့ယမ်းကာ ပါးစပ်ကိုပိတ်ထားစေလိုက်သည်။ ထို့နောက် သူ၏လက်နှစ်ဖက်အားနောက်ပစ်လိုက်ပြီး ရှေ့သိူ့သာဆက်သွားလေတော့၏။

တိဟွကတော့ ထိုလူ၏မိမိအားရည်ညွှန်းတော့မည့် အမူအရာအားနားမလည်နိုင်စွာကြည့်နေခဲ့ပြီးနောက် သူ၏ခေါင်းကိုတချက်စောင်းကာ ထိုလူအားအကဲခတ်လိုက်လေသည်။ မိမိကိုယ်ကို လက်ညိုးထိုးကာ

" ငါ့ကိုသိလား...."

ထိုသူ့ပုံစံက ကြောက်လန့်နေသည်မှာ မသိလျင်မိမိကပဲ သူတို့အား ဒုက္ခတွေပေးဖူးသလို။ သိူ့သော် သုံးလောကကို လှည့်လည်ခဲ့ဖူးသည့် သူ၏မှတ်ဉာဏ်ထဲတွင် ဤဒေါင်းမျိုးနွယ်များကို ရှားရှားပါးပါး တကောင်၊နှစ်ကောင်စသာ မြင်တွေ့ဖူးခဲ့လိမ့်မည်။ ဒေါင်းမျိုးနွယ် ပျောက်ကွယ်သွားသည့်အချိန်တွင် သူပင် မမွေးသေးခဲ့ချေ။

"...."

ထိုလူက သူ့ကိုသေချာကြည့်နေရင်း သူ၏ပါးစပ်ကိုတင်းတင်းစိပိတ်ထားသည်။ ဒေါင်းအိုကြီးအားတချက်ကြည့်လိုက်ပြီးနောက် တိဟွအားပြန်ကြည့်ရင်း ခေါင်းကိုအသွင်သွင်ခါလေတော့၏။

( ဘာလား...ခေါင်းလည်းပြုတ်ထွက်အုန်းမယ်)

" မြေခွေးနီလေး....မင်းငါ့နောက်လိုက်ချင်နေတာမဟုတ်ဘူးလား..."

" အော့....လာပြီ...လာပြီ။ "

ခေါင်းဆက်တိုက်ခါနေသော လူကိုသာအာရုံစိုက်နေသည့် တိဟွကို ဒေါင်းအိုကြီးက လှမ်းခေါ်ကာ သူ့အနားသိူ့လာစေသည်။ တိဟွကလည်း ဒေါင်းအိုကြီးဘေးနားတွင် အမြန်ကပ်လိုက် လိုက်ပြီး သူတိူ့အတူတူ အဆောင်တော်ကြီးတစ်ခုထဲသို့ ဝင်သွားတော့သည်။

ခန်းမဆောင်သည် သာမာန်အဆောက်အဦးများထက်အနည်းငယ်ကြီးမားသော်လည်း အလုံပိတ်အဆောင်နှင့်တူကာ အထဲတွင် တန်ဖိုးရှိပုံရသော ပစ္စည်းများရှိနေသည့်အပြင် တစ်စုံတစ်ခုကိုပါ ကာကွယ်ရန် အစီအရင်များလုပ်ထားသည်ကို တိဟွဝင်လိုက်သည်နှင့်ခံစားမိလိုက်သည်။ ထိုအထဲတွင်မှ အခန်းငယ်လေးတစ်ခုရှိရာ ထိုအခန်းငယ်လေးထဲကိုတော့ သူနှင့်တိဟွတို့သာ ဝင်သွားခဲ့ပြီး အစောပိုင်းသူတို့အားအဖော်ပြုပေးသည့်သူတော့ မပါလာတော့ချေ။