ထို့နောက် သူ့ခန္ဓာကိုယ်က တဖြည်းဖြည်း အနက်ရောင် အငွေ့တွေမှတဆင့် လူအရည်ပြားဆီ ပြောင်းလဲလာခဲ့သည်။
အညိုရောင်မျက်လုံး၊ သူ့မျက်လုံးတွေကို အုပ်လုနီးပါးဖြစ်နေသည့် ရှည်လျားလွန်းသည့် ဆံပင်တွေ၊ ဖြောင့်စင်းနေသည့် နှာတံနဲ့ နှုတ်ခမ်းထောင့်တွေက အနည်းငယ် အပေါ်ကို ပင့်တက်နေခဲ့သည်။
သူ့မျက်လုံးတွေက ပိုင်ဆိုင်လိုမှု၊ ချစ်ခြင်းမေတ္တာတွေနဲ့ ပြည့်နှက်နေသည်။
ထိုလူရဲ့လက်က ရှောင်ချန်း ရဲ့နဖူးမှ ဆံပင်ကို ထိတွေ့လိုက်ပြီး သူ့ခေါင်းအား လူငယ်လေးရဲ့ လည်ပင်းတွင် နစ်မြုတ်ထားရင်း သူ့နှုတ်ခမ်းတွေနဲ့ တဖက်လူရဲ့ အရည်ပြားကို ထိတွေ့နေခဲ့သည်။
ရှောင်ချန်း ကအအိပ်ဆက်တာကြောင့် သူ့ကိုယ်အား တစ်စုံတစ်ခုက လာကပ်တွယ်တာကို ခံစားမိနေခဲ့သည်။ သူက ခေါင်းကို ခါလိုက်ပြီးနောက် သူ့အား ဖက်တွယ်နေသည့် အရာအား ဖယ်ထုတ်ပစ်ဖို့ ကြိုးစားလိုက်ပေမဲ့ ထိုအရာက သူ့အား ပိုပြီးတော့တောင် ကပ်တွယ်လာမယ်လို့ ထင်မထားခဲ့ပေ။
ရုတ်တရက်ကြီး ရှောင်ချန်း ကနိုးသွားခဲ့သည်။
သူ့မျက်လုံးတွေကို ခက်ခက်ခဲခဲ ဖွင့်လိုက်သည်။ နိုးတစ်ဝက်နဲ့ သူက ဖျော့တော့သည့် အလင်းရောင်အောက်တွင် ရင်းနှီနေသည့် ပုံရိပ်အား ဝိုးတဝါးမြင်လိုက်ရသည်။ ရှောင်ချန်း ကအစပိုင်း လန့်သွားခဲ့သည်။
တံတွေးမြိုချလိုက်ပြီးနောက် ထိုမျက်နှာအား ရှင်းရှင်းလင်းလင်း မြင်လိုက်ရသည်။
ရှင်းရှင်းလင်းလင်း မြင်လိုက်ပြီးနောက် သူ့သူငယ်အိမ်က ရုတ်ချည်း အာရုံစူးစိုက်သွားကာ သူ့တစ်ကိုယ်လုံးက တောင့်တင်းသွားပြီး မလှုပ်ရှားနိုင်တော့ပဲ ထိုလူ၏ အိပ်ရာပေါ်တွင် ပွေ့ဖက်ထားမှုအား ခွင့်ပြုထားခဲ့သည်။
အညိုရောင် မျက်လုံးတွေကို ကြည့်လိုက်ပြီး သူ့မျက်နှာက ထိုမျက်လုံးထဲတွင် ရောင်ပြန်ဟပ်နေသည်။ ဒါက ရှောင်ချန်း အတွက် အသက်ရှူဖို့တောင် မေ့နေခဲ့သည့် အချိန်ဖြစ်သည်။
YOU ARE READING
လျှို့ဝှက်ဆန်းပြားလောက〘Uni+Zaw〙
Horror[တစ်ကမ္ဘာလုံးက မင်းကို အနိုင်ကျင့်ကြတယ်၊ မုန်းတီးကြတယ်၊ နောက်ပြီး မင်းကို ခွဲခြားဆက်ဆံကြတယ်၊ ဒါပေမဲ့ မင်းရဲ့ကမ္ဘာကြီးက သူ့ကြောင့်ပဲ တောက်ပလာခဲ့တယ်။ ငါ ဒီကမ္ဘာကြီးကို မုန်းတီးတယ်! ဒါပေမဲ့ ငါ မင်းကို ချစ်တယ်!] ရှောင်ချန်း ကသာမာန်လူ တစ်ယောက်ဖြစ်ပေမဲ့ သ...
အန္တရာယ်ကြားမှ ထွက်ပြေးခြင်း (၉)
Start from the beginning