"ဒယ်ဒီပြောတာမကြားဘူးလား အလုပ်ကကိုယ်လုပ်ချင်လုပ် မလုပ်ချင်လဲနေတဲ့ "
"အဲ့တာတော့အဲ့တာပေါ့ ဒါပေမယ့်ရွှေကူနဲ့တစ်ရက်လုံးလိုက်နေမှာကတော့မဟုတ်သေးဘူးထင်လို့ ဒီနေ့ Meeting ရှိတယ်လေအကိုလေးရဲ့"
"ဘာအရေးကြီးလို့လဲ အဲ့Meeting က"
"အမ်.."
ရွှေကူဘာဆက်ပြောရမှန်းတောင်မသိတော့သည်အထိ အကိုလေးကပြောလိုက်သည့်အခါရွှေကူ ကြောင်ကြောင်လေးဖြစ်သွားရတော့သည်။ ရွှေကူနဲ့လိုက်ခဲ့ဖို့လဲအရေးကြီးတာမှမဟုတ်ပဲ။ ရွှေကူတစ်ယောက်ထဲနှင့်လဲအဆင်ပြေနေပြီကို အကိုလေးကဘာလိုက်လုပ်မှာပါလိမ့်။
အဲ့ဆေးရုံမှာဆရာဝန်ယောက်ကျားလေးတွေမှအများကြီးလေ ဘယ်အကြောင်းကြောင့်ယုံပြီးတစ်ယောက်ထဲလွှတ်ထားရမှာလဲကောင်မလေးရယ်။ မင်းလေးကလေကိုယ်တိုင်မို့သာမသိတာ မင်းလေးကအရိုးခံလေးနဲ့အကြည်ဓာတ်လေးဆိုတာလူတကာသိတယ်ကွ။ စိတ်ချထားပြီးလွှတ်ထားလို့ရတဲ့အခြေနေဟုတ်မနေဘူး။ ကိုယ်တို့ကအဆင့်တတ်ကြသေးတာလဲမဟုတ်ဘူး မင်းလေးတစ်ခြားယောက်ကျားလေးကိုစိတ်ယိုင်သွားမယ့်အခြေနေမျိုး ကိုယ်ဖြစ်ခွင့်မပေးဘူး။ အဲ့တော့မင်းလေးဘယ်သွားသွားကိုယ်ကလိုက်ခဲ့မှာ အမြဲဘေးကနေပေါ့။
"အပင်စောင့်ရုပ်ကဆိုးတော့မဟုတ်ဘူး ကိုယ်ကကောင်မလေးရဲ့ကိုယ်စောင့်နတ်လေး.."
ရွှေကူအန်တီ့ကိုမျက်နှာသစ်ပေး ရေဝတ်တိုက်ပေး၍ ခြေထောက်နှင့်လက်တို့ကိုသေချာနှိပ်နယ်ပေးနေတော့ အကိုလေးကဘေးမှသတင်းစာကြည့်၍ထိုင်နေလေတော့သည်။ ဒါများအလုပ်သွားတာမဟုတ်ဘူး အကိုလေးကမပျင်းဘူးလားလဲမသိဘူး။
"သမီးလေးနဲ့ခင်တာကြာပြီလားသမီးက"
"ဟုတ်အန်တီ နဲနဲတော့ကြာပြီ"
ရွှေကူအကြောင်းစုံကိုအန်တီပြန်မသက်သာသေးသည့်အခြေနေတွင်ပြောမပြချင်ပေ။ တော်ကြာအဲ့အဖြစ်ပျက်ကိုပြန်တွေးမိပြီး စိတ်ထိခိုက်သွားမှဖြင့်။
"သမီးလေးအဆင်ပြေရဲ့လားကွယ် အန်တီသတိမေ့နေတဲ့အချိန်တွေ အန်တီ့သမီးလေးဘယ်လိုနေလဲသမီးပြောပြပေးပါ့လားကွယ်"
Part 💭 20 (U&Z)
Почніть із самого початку
