True Love 💭❤ အပိုင်း - ၉
Unicode
"အကိုလေး တစ်လတ်ဆိုရပါပြီလေ"
"မရှည်နဲ့ မနေ့ကလိုကျိုးခဲ့ရင်နောက်တစ်လတ်မရှိတာနဲ့မင်းအတွက်အဆင်ပြေမှာမဟုတ်ဘူး ဘာလဲမျက်လုံးကမလိုချင်တော့လို့လား အကုန်ပတ်တိုက်ပြီးလဲနေချင်လို့လား..."
"မဟုတ်ပါဘူး"
ကဲ ဆူငေါက်မိပြန်ပြီ။ စကားပြောရင်ငြင်ငြင်သာသာသိပ်မပြောတတ်တဲ့ကိုယ်နဲ့ မင်းလုပ်ပုံနဲ့တော့ဟုတ်နေပြီကွာ။
"ခဏထိုင်စောင့်အုံးဒီနား"
"ဟုတ်.."
ရွှေကူခုံတွင်ထိုင်စောင့်လိုက်တော့ အကိုလေးကအခန်းတစ်ခုထဲဝင်သွားလေသည်။ စာတွေသေချာမမြင်ရလို့ ဘယ်အခန်းလဲတော့ရွှေကူမသိ။ သေချာတာတော့ မျက်မှန်သွားယူတာဖြစ်ပြီး ဘေသွားရှင်းတာဖြစ်မည်။
"ကောင်မလေးထ ပြန်ရအောင်လို့"
"ဟုတ်အကိုလေး"
အကိုလေးနောက်မှရွှေကူလိုက်သွားတော့ လူတစ်ယောက်နောက်မှပုခုံးကိုဖြတ်တိုက်သွားလေတော့သည်။
"အ.."
"ဘာဖြစ်တာလဲ "
"မြူး"
ကွန့်မြူးဘေးရှေ့ပိတ်ရပ်နေသောလူတစ်ယောက်ကိုကျော်၍ လှမ်းကြည့်လိုက်တော့ ပခုံးလေးဖိကိုင်ရင်း မျက်နှာလေးကမဲ့နေလေသည့်ကောင်မလေးကို မြင်ရလေသည်။
"ဘာဖြစ်လို့လဲ နာလို့လား"
"အွန်း"
"လူတစ်ယောက်လုံးကိုမမြင်ဘူးလားမင်းက "
"မြူးဒို့ပါ.."
"ဘယ်ကဒို့လဲ မသိဘူး"
အရပ်ရှည်ရှည်အတိုအပြတ်နှင့် ဆံပင်အရောင်မီးခိုးငွေ့ရောင်ကိုဆိုးထားပြီး ကွန့်မြူးလက်ကိုလာချိတ်နေသည့်တစ်ယောက်ကို ခါချ၍နောက်သို့ဆုတ်လိုက်သည်။ ကောင်မလေးတစ်ယောက်လုံးရှိနေရက်နဲ့ အရဲတင်းပြီးလာကိုင်နေသည့်လက်ကိုလှန်ချိုးပစ်ချင်ပါသည်။
"မြူးဒို့နဲ့တစ်ခါဆုံဖူးတယ်လေ"
"အကိုလေးအသိလား"
