اسرار الماضي لبنت ناس(الجزء الثاني)

حقد وانتقام(٢٥)

بسم الله الرحمن الرحيم

اسرار الماضي لبنت ناس
بقلم / رينا الهادي
الجزء الثاني الفصل الخامس  والعشرين
حقد وانتقام(٢٥)

 تنحنح عبد اللة وقال : اسمعي يا انهار انا في الاول كنت عاوز اتجوز وخلاص بنت تكون محترمة وذكية وامنها علي نفسي واهلي ومالي وزي ما انت عارفة كنت ناوي كدة لما اقدر ماديا .
انهار : انا مش هطلب منك شئ يا دكتور ومقدرة واللة
, وأهلي مش عاوزني اكمل علامي خلاص دة قدر .
عبد اللة اسمعي للاخر اللة يكرمك عارف ان نفسك عزيزة بقالنا سنة خطوبة تصرفاتك فيها كتير عاجبني بتعملي الي عليك وبتحاولي ، سوا كملتي او لا في الاخر ان شاء اللة هتكوني مراتي مش هقولك هعملك حاجة لاني ما املكش اصلا حاجة لكن انا الفترة الجاية هكون مشغول في التكليف وغيرة فكرت وقولت ومالة تقدمي طب وانا وانت نحارب مع الدنيا يا بنت الناس هترضي بالقليل وتكملي تعليمك ولا تستني علي ما ربنا يفرجها عليا واقدر اجيب شقة وعفش واعرفي ان امكانياتي دلوقتي ضعيفة انا كلمت علي اخويا  وقال انة كدة كدة مأجر شقة ثلاث اوض بيستعمل اوضة واحدة ما عندوش مانع يستضيفنا فيها والايام الي مش هكون فيها في الشقة هو هيبات في المستشفي بقول كدة علشان تبقي عارفة ظروفي اروح لابوك واقولة عاوز اتجوز ومش هنحجز قاعة هيبقي نصبة فرح بس قدام بيتك وبيتي والعفش علي القد  موافقة ولا نستني ؟ وفكري بسرعة لان ابوك اكيد هيعرف اننا قدمنا في التنسيق انا موافق اخد الخطوة دي ومتاكد انك هتذاكري وترفعي راسي ومتاكد ان ربنا هيكرمنا قولتي اية ؟.
انهار بتفكير : افرض اتجوزنا فعلا وحصل حمل مثلا اخوك هيستضفنا انا وانت وعيل ما هو لو اتجوزنا ممكن ما اكملش لو حملت يبقي عملنا اية ؟ زنقنا نفسنا وزودنا مسئولياتنا .
عبد اللة : لو اتجوزنا انا مش حمل اولاد دلوقتي اكتر منك انا وافقت اتجوزك علشان مااكسرش بخاطرك بعد ما جبتي مجموع عالي وكان نفسك في طب ومن غير دروس عارف خالتي ونهر ساعدوك وكنتي بتقعدي علي لاب نهر تشوفي فيديوهات شرح لكن انا املي في ان ربنا يكرمنا لاننا بنسعي فنعمل حسابنا مفيش خلفة غير لما يبقي لي دخل اصرف بة علينا وعلي عيل والاتفاق دة بينا بس ممنوع حد ياخد بة خبر لا اهلك ولا اهلي بصي انا مش هقول حبيتك لكن بحترمك وعاوز اكمل معاك عسي ربنا وهو شايفنا ومطلع علينا يبارك لنا اكلم ابويا وابوك ولا لأ .
انهار : كلمهم يا دكتور موافقة بس باللة عليك ما تطلعني سابع سما وتسيبني انا اللة الاعلم بيا السنتين الي فاتوا هتخليني اكمل تعليمي بجد ؟
عبد اللة : وعد هسمح لك بكدة لكن هيكون الوعد لاغي لو شوفت تقصير منك او طلعتي سر بينا .
انهار : تمام هحاول ابويا ما يعرفش حاجة عن التقديم وانت ما تجبش سيرة ومش قصدي اخبي علي ابويا لكن مش عاوزة ازعلة مني وانا هسيب بيتة .
شاور عبد اللة لرقية وهو يقول تمام هندخل خالتي رقية في انها تقنع ابوك وننبه عليها في موضوع انة ما يعرفش اننا قدمنا الرغبات في التنسيق .
جائت رقية اليهم: خالصتوا يا عيال ؟
عبد اللة : احترميني يا خالتي علي الاقل قدام انهار .
رقية : انتم الاثنين لكم معزة في قلبي قولوا عاوزني اروح لابوك امتي يا انهار .
عبد اللة : يعني في اخر السور وبعيد عننا اية بتقرئي الشفايف يعني كان صوتنا واطي .
رقية : اخلص امتي ؟
عبد اللة : امبارح يا خالتي , ماشي الموضوع بسرعة وهكلم امي حالا تكلم ابويا واروح انا كمان اكلمة انا وعلي .
رقية : ربنا يتمم علي خير .
تم الزواج في غضون اسبوعين فقد , وليلة زواجهم تعبت رقية لانها اجلت الجلسة واخذها علي ونهر وسينام وذهبوا بها سريعا للمشفي في القاهرة في حين كانت الحاجة غير راضية عن الزواج وتريد ان تفشلة .
جاء اهل انهار للاطمئنان عليها ثاني يوم وبمجرد ان مشوا اهلها اخد عبد اللة انهار وذهب القاهرة ليلحق بعلي ونهر ورقية .
خرجوا جميعا من المشفي علي بيت علي مكثوا فية يوم ثم رجعوا الي البلد مع سعادة نهر بعد ان قيل لها امها تستجيب للعلاج كانت نتيجة التنسيق ظهرت فذهبت رانيا تربية المنصورة انهار طب طنطا ونهر لم تلحق هندسة طنطا او المنصورة او القاهرة فقد لحقت بهندسة الزقازيق, اول الامر حزنت,  لكنها فرحت بعد ما علمت ان الكلية في القاهرة دوران شبرا واول سنة بالمظلات والمترو قريب منها ايضا فهي تستطيع ان تدرس وتتابع حاله امها ايضا وربما عملت ايضا ان سمح لها الوقت .
استطاع علي نقل اوارق انهار لجامعة القاهرة بعدها كان تكليف عبد اللة بالقاهرة بتوصية من امجد وعلاقاتة وذلك بعد ان حصل علي اعفاء من الجيش وكانت انتصار تبعث لهم نقود ومن خيرات الارض للبيت بعدها .