بسم الله الرحمن الرحيم
اسرار الماضي لبنت ناس
بقلم / رينا الهادي
الجزء التاني الفصل الثالث عشر
بداية الاختيار (13)
عائشة : لا يا حبيبي انا امكانياتي ما تجيش التهريج دة وانت جسمك محتاج يتكون صح ويكون فية بروتين مافيش لانشون وبسطرمة ولا تضيع وقت قدام التابلت انت مهمتك تبني عقلك بالمذاكرة وتتعلم حاجة مفيدة وتدرب برضو رياضة مفيدة فاهم ولا لأ لاني عاوزة ابدا معاك علاقة جديدة وهنسي كل الهبل الي قولتة لي من اول ما اتعرفت عليك انت هنا فرد مننا زينا زيك ليك حقوق وعليك واجبات .
عمر : احنا هنقضيها محاضرات نهر اخدت سندوتشات اية ؟عائشة : جبنة ومربي .
عمر: طب هفطر بيض وعصير وجبنة دلوقتي .
عائشة : طلع لبسك والبس لبس المدرسة علي ما اسلق البيض يلا بسرعة .
عمر : هو انا هنام فين ؟
عائشة وهي أن تخرج البيض لتجهزة: يا اما في اوضتي يا اما في اوضة نهر اختار انت ؟.
عمر : لا انت ونهر في الاوضة الكبيرة يلا امري للة وانا في الاوضة الصغيرة مع اني مش بحب الخانقة والضيقة .
عائشة بابتسامة ماكرة : لأ دة في أحلامك يا عمري انت هتكون مع حد فينا لانك ناقص رباية يا ابن مصطفي وهتضيع الوقت في اللعب لازم حد يكون عينة عليك لغاية ما تثبت انك كبير وبتعرف مصلحتك دة اولا ثانيا يا حضرت المخنوق مننا البيت صغير زي ما انت عارف ومش هخرج نهر من اوضتها البيت اصلا بتاعها واحنا ضيوف عندها وابوك بلاني بيك علشان مش هيقدر يراعيك فإية ؟ تحترم نفسك كدة علشان الايام الجاية تكون سهلة علينا اتفضل غير هدومك يلا .
عمر وهو يجز علي اسنانة : اعملي سندوتشات علي ما اجي وجهزي الفطار .
عائشة : احتفالا بسيادك هحضرة لكن بعد كدة كل حاجة في المطبخ ابقي حضر لنفسك وبعد كدة لوهتحتاج حاجة من حد في كلمة كدة اتعلمناها واحنا صغيرين ( وضعت اصبعها علي جانب رأسها وكأنها تفكر) آة اسمها من فضلك لو سمحتي دي بتتقال لما احتاج حاجة من حد مش جهزي لي ؛ اسلوب الأمر دة تعملة عند الي مربيك أنا ما حدتش يتآمر ويامر فيا أنا الي آآمرك لانك ابني ولازم اربيك مش انت فاهم يااأاا ابني ؟
عمر : باين عليها هتبقي ايام سودة .
: علي دماغك إن شاء اللة لو لا قدر اللة ما سمعتش الكلام وبقيت راجل اتفضل غير هدومك يا عمررررري .
ذهب عمر الي الحمام وغير ملابسه وجهزت لة عائشة السندوتشات والفطار وجائت كلا من أنهار ورانيا ولم يصدقوا أعينهم عندما رأوا عمر سلموا علية .
YOU ARE READING
اسرار الماضي لبنت ناس(الجزء الثاني)
Mystery / Thrillerالجزء الثاني مهما كان الماضي مختبا قد يظهر لاحقا ويغير الحاضر فهل نكتشف انفسنا مرات ومرات ام يتحكم بنا ماضينا ؟
