بسم الله الرحمن الرحيم
الجزء الثاني الفصل التاسع
اسرار الماضي لبنت نتس
بقلم رينا الهادي
صراغ القلب والعقل (٩)
اوصل محمود عائشة الي بيت نهر .
محمود : هو دة بيت نهر اتفضلي ندخل وهدخل لك الشنط .
عائشة : دة البيت دور واحد باين علية صغير هي عايشة لوحدها دلوقتي ولا معاها حد ولا اية ؟
محمود : فية لها صاحبتين بيجوا كل يوم واحدة تبات معاها بعد ما ام علي سابتها وروحت بيتها وام علي بتكون زوجة اخو جوزك اكيد شوفتيها في البيت هناك .
عائشة : هي غالبا الي قالتي أن نهر مش بتعرف تتحرك طب يلا نشوف الوضع اية واشرب شاي معانا .
محمود : لا شكرا عندي شغل والاولاد قربوا يخرجوا من المدرسة فاعذريي .
عائشة : آسفة اني تعبتك معايا وشكرا جدا والفلوس دين عندي .
محمود: ما تقوليش كدة يا ست رقية أنا بعتبرك اخت .
خبط علي البوابة ليجدها مفتوحة فيدخل بحذر محمود : غريبة لية البوابة مفتوحة ؟
لتخرج ام ابراهيم وهي تتعكز علي الحائط وتقول مين جاي الساعة دي دة يا دوب الظهر مآذن ؟
محمود : اهلا ست ام ابراهيم استغربت البوابة مفتوحة .
ام ابراهيم : جيت اقعد مع نهر شوية ناخد بحس بعض افتكرتك حد من صاحباتها مين القمر دي مراتك؟ ريحتك حلوة قوي حاطة اية ؟
محمود بضحك : ماعرفتهاش يا ست الكل دي رقية بس لسة مش فاكرة حاجة.
ام ابراهيم : العتب علي النظر يابني نظري بقي شيش بيش بس اية دة انت قلعتي الطرحة يارقية لا يا بنتي عيب مايصحش وكمان لونتي شعرك .
عائشة : مين الخالة ؟ صفتها اية سيد محمود ؟
ام ابراهيم : أنا جارتكم وكنت معاك في كل ضيقة ليك من اول ولادة نهر لغاية دلوقتي بس اية جابك نهر قالت لقيتي اهلك اية جابك للهم دة ؟ لو ابو طويلة عرف هيجي يجرك من شعرك الملون الحلو دة .
محمود : قصدها علي مصطفي زوجك معليش أنا هحط الشنط في المضيفة ولازم امشي انت تتعاملي ولو حصل اي مشكلة معاك رقمي .
عائشة : تمام سيد محمود شكرا والتفتت لام ابراهيم تعالي يا خالتي لو تحبي اشربي معايا شاي .
ام ابراهيم : لأ ما دام جيتي أنا هروح اقيل شوية وابقي اجي باليل أن قدرت , بقولك نهر في اوضتها علي اليمين الباب الثاني بتذاكر روحي فرحيها وما تخلصيش الريحة دي أنا حبتها ابقي اخد منها شوية وانا رايحة الفرح كمان اسبوعين .
عائشة باستغراب : ريحة اية ؟
ام ابراهيم : العطر الي حطاة دة ريحتة حلوة .
عائشة : هو انا مش كنت بحط برفيم .
ام ابراهيم : الحق للة ديما نظيفة يا بنتي زي نهر بس كبيركم صابونة بريحة بصي انا همشي وانت اقفلي البوابة من جوة ساعة ولا اثنين وهتلاقي أنهار أو رانيا جايين سلام بقي .
عائشة : اية صابون بريحة دة كمان ؟
خرج محمود من الداخل مع خروج ام ابراهيم
محمود : خلاص الشنط كلها في المضيفة سلام أنا .
عائشة : معلش يعني اية صابون بريحة ؟
محمود بابتسامة : صابون استحمام بيفرق عن صابون غسيل الاطباق بأن لة ريحة بيسموة كدة هنا هتحتاجي حاجة قبل ما امشي .
عائشة : لا شكرا .
ذهبت عائشة للمضيفة فتحت شنطة لها بصعوبة وأخرجت كرولكس بدل من حذائها الرياضي ومشت في الطرقة للباب الغرفة الثانية مفتوحة الباب .
YOU ARE READING
اسرار الماضي لبنت ناس(الجزء الثاني)
Mystery / Thrillerالجزء الثاني مهما كان الماضي مختبا قد يظهر لاحقا ويغير الحاضر فهل نكتشف انفسنا مرات ومرات ام يتحكم بنا ماضينا ؟
