بسم الله الرحمن الرحيم
اسرار الماضي لبنت ناس
بقلم / رينا الهادي
الفصل الرابع عشر الجزء الثاني
حرب اعصاب(١٤)
ايمري : قدامك 27 دقيقة احكي كل ؟
عائشة : ابدا بأية اللي عرفتة ولا اللي حصل النهاردة ؟
ايمري : الي حاسة أنة اهم .
عائشة : من يوم ما جيت وانا بدور عن معلومات عن أسرة نديم عن النت وصلت أن والدة مات من حوالي 19سنة وبعدها اخوة الكبير اخد الشركة تحت ادارتة وفي اقل من سنة ونصف كانت الشركة أعلنت إفلاسها وإخوة خسر فلوسة في البورصة وكانت فية فضيحة كبيرة جدا لية لانة كان بيروح اماكن مشبوهة وبيشرب لدرجة أن البنوك حجزت عن جميع أملاكة لتسديد قروضة من البنوك دي , بعدها بفترة قليلة مات هو كمان حاولت اعرف اكتر وكتبت اسم اخوة علي جوجل ظهر صور لاولادة و بعد ما عرفت أسمائهم من الاخبار القديمة لهم لاقيت أن لية ولد بيدرس طب حاليا في امريكا وولد تاني في الجامعة الألمانية دي مصروفتها خيالية غير بنتين في مدارس انترناشونال وبقي عندهم قصر في القاهرة وقصر في اسكندرية .
ايمري : عاوزة توصلي لاية ؟
عائشة : نديم حب المراهقة اتجوز اختي بعد وفاتي وخلف منها وجاب ابنة في تقريبا تسع شهور ونصف من وفاتي يا ايميري ممكن يكون كان عاوز يتجوزني لغنايا بعدها اتجوز اختي واكيد بيصرف علي اولاد اخوة من فلوس امبراطورية برهان اغا لان اخوة مات مديون وزوجة اخوة ما تجوزتش بعدة ومن أسرة بسيطة ازاي اقدر ادخل اولادي في صراع علي مملكة والدي ممكن ولادي يتآذوا أنا معرفش اولاد نديم وعمران عاملين ازاي ،عمران اللي اتجوزت برضو حبيب اختها ما اكيد امي قالت لها عن نديم , أسمة وصورتة امي تعرفهم تفتكر أولادهم هيكونوا ازاي ؟
ايمري : ودة يخليك ما تعرفيش اهلك بانك حية عائشة هتتنازلي عن حقك علشان هواجس في دماغك وتحرمي ولادك من عيشة مستريحة وتعليم علي مستوي عالي لمجرد استنتاجات اسمعي أنا اتعاملت مع نديم واعرف أقيم الرجال كويس غير تقيمي للستات خالص ، نديم راجل مجد جدا وابوك برهان اغا مش اهبل أو ساذج علشان يضحك علية ماكنش عمل الامبراطورية دي كلها غير فيروزة هانم دي أسطول رجالة بيخافوا منها صدقيني أنا اتعاملت معاهم يمكن اكتر شخصية أنا ارتحت في التعامل معاها نديم علي فكرة أنا كمان عملت تحريات عنة نديم لا يملك سهم واحد في شركات برهان اغا وبيشتغل بنسبة مئوية في كل مشروع وحسابة في البنك قليل جدا رغم دخلة الضخم من والدك ودة معناة أنة تكفل باولاد اخوة لو كان طمعان كان اخد نسبة من الشركات نفسها خصوصا انة شغال مع والدك من يوم ما اتخرج ممكن تكوني ظلماة كمان معظم مشروعات الشركة من تصاميمة وتحت إشرافة باختصار نديم شال الشركة علي اكتافة مع عيلتك .
YOU ARE READING
اسرار الماضي لبنت ناس(الجزء الثاني)
Mystery / Thrillerالجزء الثاني مهما كان الماضي مختبا قد يظهر لاحقا ويغير الحاضر فهل نكتشف انفسنا مرات ومرات ام يتحكم بنا ماضينا ؟
