اسرار الماضي لبنت ناس(الجزء الثاني)

الاختيار(٢١)

بسم الله الرحمن الرحيم

اسرار الماضي لبنت ناس

بقلم - رينا الهادي

الجزء الثاني الفصل الحادي والعشرون

الاختيار (٢١)

مصطفي : علي جثتي يا محمد ناخد البت الشحاتة دي انا كنت بدرس لها غبية هي واخواتها ولسانها طويل دول بيقضوا عشاهم نوم .
ذخل علي بهدوء المضيفة وقال بصوت هادي : غبية دي من الاوائل وفي علم علوم ومش بتاخد دروس بمجهودها بتطلع من الاوائل
لسانها طويل دي مظنش معليش اكيد حد استفزها بكلامة فردت علية انا معرفهاش الصراحة لكن امي تعرفها وبتقول كويسة .
مصطفي : اي حد يضحك علي امك علشان علي نياتها .
علي : وانت يا ستي اية رائك ؟
الحاجة : مع مصطفي طبعا نهر مش بياجي من وراها غير النوايب .
فتح علي ذارعية بشكل مسرحي وهو يخفض راسة ويثني قدمية : شوفت يا باة كلامي صح عموما اسال بنفسك عليها عن اذنكم .
انتصار كانت تراقب الجميع راءت علي وهو يرجع لغرفتة بعدها مباشرة خرج محمد من البيت انتظرت قليلا وصعدت فوق السطح لتكلم رقية وتاخذ رأيها وتسأل عن انهار للتاكيد في نهاية المكالمة
رقية : ما دام علي وعبد اللة مع بعض وانت معاهم وعبد اللة موافق يبقي ابو علي هيحن لعبد اللة كمان مصطفي بقي شكلة وحش قوي في نظر العيال واكيد هيراجع نفسة هو والحاجة ويوافقوا علشان يطيبوا خاطر ابو علي .
انتصار : ما هم لو وافقوا يبقوا بيخططوا يفركشوا الليلة هما مش بالسهولة دي انا معشراهم من زمان .
رقية : برافو عليك يا انتصار اكيد لو وافقوا هيجوا مع ابو علي ويعملوا حاجة او يعملوا مشكلة بعد قراية الفاتحة لو حصل نصيب شاطرتك ما تسبيش ابنك لوحدة وتيجي معاهم انت اي حد بيشوفك بيستريح لك والبنت نفسها بتحبك .
انتصار : كدة كدة لسة عشر ايام علي ما يخلصوا امتحانات بس انت كمان جسي نبض ابوها وامها بدل ما نيجي وفي الاخر ابوها يقول ابن عمتها اولي ساعتها انا ممكن اروح فيها .
رقية : مع ان المثل بيقول امشي في جنازة ولا تمشي في جوازة بس انهار وعبد اللة يستهلوا المحاولة عيوني هبدأ من بكرة ويا احنا يا مصطفي وامة .
انتصار : علي راي محمد بقينا جبهتين ياللة ربنا علي القوي والمفتري .
اتصلت رقية بالتلفون الارضي علي بيت انهارواخذت منهم ميعاد ان تذهب اليهم غدا عندما تذهب البنات للامتحان علي ان تكلم ابو وام انهار سويا .

استقبلتها ام انهار يالترحاب : اهلا يا ام نهر نورتي تشربي اية ؟
رقية : تسلمي خاليك مرتاحة شربت قبل ماجي نشرب بعد ما نخلص كلام ان شاء اللة .
عبد الرجمن ابو انهار : خير يا ام نهر مجيتك عزيزة ومش بتيجي الا للشديد القوي ؟
رقية : الاول انت رائيك اية فيا بالنسبة لبنتك .
عبد الرحمن : مش فاهم السؤال لمواخذة .
رقية : يعني تفتكر انا بحب انهار واحب مصلحتها ولا مش فارقة معايا ؟
عبد الرحمن : زماان اة بتحبيها وعاوزة مصلحتها دلوقتي اللة اعلم , كلنا عارفين انك ناسية زمان وجيتي علشان بنتك وعارفين انك مش ام نهر بتاعت زمان من ساعة ما رجعتي وانت واحدة ثانية حتي علي عيالك حتي قدرتي تافقي في وش جوزك وتغيري ابنك لمواخذة مش بحب اذوق الكلام انا راجل فلاح .
رقية : تمام انا فعلا اتغيرت بس فية حاجات زي ما هي لسة بخاف علي اولادي لسة بخلي انهار ورانيا يجوا كل يوم عند نهر ويذاكروا معاها المواد المشتركة لسة بتابع البنات في المذاكرة واساعدهم واكيد بنتك قالت لك لسة ما برضاش بنتي تروح بيت فية شباب حتي لو اعرفهم كويس انا لو مش واثقة في بنتك ورانيا ما ادخلهمش بيتي من الاخر انت كمان لو مش واثق فيا ما كنتش هتبعت بنتك الوحيدة عندي ما شاء اللة اخواتها رجالة ومش بترضي بالغلط .
عبد الرحمن : الكلام حلو لكن لسة مش فاهم اية المقصود .
تنهدت رقية : انا مش بدخل حد بيتي غير لما اكون واثقة في اخلاقة قبل اي شئ .
عبد الرحمن : هو حصل من انهار حاجة اتكلمي علي طول ياام نهر .