بسم الله الرحمن الرحيم
اسرار الماضي لبنت ناس
بقلم / رينا الهادي
الجزء الثاني الفصل السادس عشر
الصلح خير ( ١٦)
اكملت فيروزة : أيوة هو امين ومجتهد لكن الطبيب كان وشة متفسرلي كويس ؛ اقوي يا اغا انت كنت اقوي لما جانا خبر بنتنا هتنهار علشان نديم !
برهان بذهول : علشان نديم !!! أنا مصدوم منك ؛ احيانا بحس اني معرفكيش ناس كتير بيقولوا عليك قاسية حتي بناتك لكن أنا شايفك غير كدة لية القسوة في الكلام كدة فيروزة ؟
فيروزة : عندنا مسئوليات كتير برهان زي عمران واولادها؛ خلاص ياما عدينا محن عارفة انك معتبر نديم ابنك وهو عندك محل ثقة واحترام لكن قضاء ربنا كدة نحمد ربنا أن الحادث دة ما كنش معاة حد من الأولاد أو بنتي ؛ أنا متقبلة خسارتة لكن مش هتقبل خسارتك فاهم اغا لازم تقوم وتآف علي رجلك وتسندنا كلنا بنتك أهية جايا علينا .
نظر برهان الي ابنتة: عرفتي حاجة جديدة ؟
عمران : واضح أن الحالة صعبة ومش قادرين يسيطروا عليها أنا كلمت دكتور يلماز يجي يشوف حالتة تسمح بنقلة مستشفي تانية ( نظرت الي امها ) آنة آقول للاولاد ولا اعمل إية ؟ هو هيبقي كويس صح , صح آنة ؟ انا مش هقدر اعيش من غيروا آنة نديم أنا بعشقة مش بحبة رغم اني عارفة أنة مش بيحبني ربع حبي لية .
برهان : اية الكلام دة نديم مخلص طول الوقت ليك ولبيتة ما يعملش كدة غير واحد بيحب أهل بيتة .
,عمران بتوهان : بيحب أهل بيتة وبيعشق اولادة لكن مش انا لازم يعرف اني بحبة أنا عمري ما قولت لة واعترفت بمشاعرى لة هتحسر لو مات وهو ما يعرفش قد اية بحبة واللة بحبة .
برهان بنظرة لفيروزة : في واحدة تعيش مع زوجها أكثر من عشرين سنة وماتقولوش لة بحبك ؟ لية ؟ اومال عايشة معاة ازاي الراجل محتاج الكلمة الحلوة انت ما علمتيش بنتك حاجة خالص يا فيروزة لا حول ولا قوة الا باللة .
في مصر
ادخلت عائشة أنهار ورانيا وقالت لهم ان نهر ستغيب اليوم وغدا .
أنهار : تغيب لية عندها امتحان النهاردة ؟ هي تعبانة ؟
عائشة : لا متعاقبة مع اخوها في الخزانة .
رانيا : مين دي الي متعاقبة يا خالتي ؟ هي نهر بتكسر لك كلمة أو حتي بتهمل في حاجة دي اطيب واحدة فينا .
عائشة : روحوا مدرستكم علشان ما تتاخروش وما تجوش بالليل وقولوا للمدرسين أنها غائبة اليومين دول .
أنهار : احنا جايين بدري زي كل يوم ممكن نشوفها بس دقيقتين .
عائشة : أنا كنت هطلب منكم توصلوا للخزانة غطا ليها وشوية كتب ومخدة والأدوية بتاعها .
أنهار : ماشي يا خالتي حاضر يلا يا أنهار ممكن يا خالتي تاخدي بالك من الشنط .
عائشة : خدي شنطتك معاك اوضة نهر لاني معايا مفتاح الخزانة هاجي معاكم علشان تدخلوا لها الحاجات وابتسمت لهم هسبكم تقغدوا معاها شوية بس ما تتاخروش علشان المدرسة .
مشت أمامها كلا من رانيا وأنهار الي حجرت نهر وضعوا شنطهم وحملوا أغطية وأكثر من وسادة وبعض الكتب وذهبوا الي باب الخزانة بانتظار فتح القفل الموجود علي الباب .
فتحت لهم القفل ودخلوا رتبوا المكان وتاكدوا من ان نهر تستطيع أن تنام ببعض الراحة علي ارض الخزانة الصلبة بعد ثم خرجوا .
أنهار : ممكن نقاف نتكلم معاها يا خالتي .
عائشة : أنا داخلة هقعد في المضيفة وافتح بابها علشان اعرف لما تمشوا واقفل البوابة وراكم كلموها من الشباك وسيبوها لأنها مانمتش كويس بالليل سلام .
نظروا في آثارها الي ان اختفت من أمامهم وجروا الي الشباك .
أنهار باندفاع الي الشباك : انت يا هباب البرك يا محراك الشر وقعت بين امك واختك بإية خليت امك تقلب عليها وتعاقبها ماهو بالعقل نهر عمرها ما زعلت خالتي رقية ابدا انطق يا مصيبة .
عمر لم يرد عليها وأدار وجهة عنها .
نهر : ما عملش حاجة يا أنهار سيبة في حالة هي بس آنة عرفت اني جبت لة اكل بالليل وهي كانت منبة عليا بالليل .
رانيا : لية ما كان بياكل لية منعت عنة الأكل اكيد عمل مصيبة صح هببت اية هو شكلها امبارح كان مش علي بعضة .
عمر : ابدا اطعت شوية كتب وقلت مش هذاكر معاهم وعورت عم ابراهيم وهو بينقلني هنا .
رانيا :بسسس كدة ؟ لأ حلال فيك التعذيب مش الجوع ماسمعتيش الكلام لية يا نهر أو مااكلتهوش في الخباثة لية ؟
أنهار : ودي عاوزة كلام بتقولك عرفت انها اكلتة مش شافت انها اكلتة ونظرت لعمر انت قولت لها علشان تعاقب نهر عادي ما انت نهر عاملة لك برجلة في مخك انت وأبوك وطبعا ابوك موصيك الوصايا العشرة كلها علي ازاي تآذي نهر وتزهق خالتي في عيشتها صح يا أبا الغضب .
رانيا : يخربيت مخك بجد يا عمر ؟ طب هتسفيد اية علي الاقل لما كانت برة كانت ممكن تساعدك .
YOU ARE READING
اسرار الماضي لبنت ناس(الجزء الثاني)
Mystery / Thrillerالجزء الثاني مهما كان الماضي مختبا قد يظهر لاحقا ويغير الحاضر فهل نكتشف انفسنا مرات ومرات ام يتحكم بنا ماضينا ؟
