اسرار الماضي لبنت ناس(الجزء الثاني)

قرار( 6 )

                                                                                        بسم الله الرحمن الرحيم
 الجزء الثاني الفصل السادس
اسرار الماضي لبنت ناس
بقلم / رينا الهادي

قرار  6

عند رقية
بعد أن أبلغت سينام عائشة كل ما تعرفة واستجوبتها عائشة بكل الأسئلة نبهت عليها أن لا تتصل بنهر فهي غاضبة منها كيف لابنة أن تكذب علي امها وجاء ايمري واكلوا جميعا بعدها اوصل ايمري ابنتة الي البيت ورجع الي عائشة وبدأ بالعمل علي اللاب توب الخاص بة .
عائشة : أنا شوفت زي دة عند سينام وأسمة للاب توب قالت بيعمل زي الكمبيوتر .
ايمري : أيوة وممن اتابع علية سير العمل كمان في الشركة وبقي احيانا بيغني عن اجتماعات وممكن تتعمل اون لاين .
عائشة : ممكن توضح كلامك .
جلس ايمري علي جانب السرير وبدأ يعمل علية ويتصل ببعض الزبائن عندة ويعقد بعص الاتفاقات أمام أنظار عائشة المبهورة بما تراة .
عائشة : أنا كدة كنت في غيبوبة .
ايمري : انت شاكة في كدة انك كنتي في غيبوبة ؟
عائشة : لا أنا متأكدة اني فقدت الذاكرة الفترة الي عشتها في مصر .
ايمري : لية ؟
عائشة : انت السبب .
ايمري : أنا لية مش فاهم  ؟
عائشة : كل ما تنرفزني الاقي نفسي بقول كلام اللي هو مش عربي فصحي يعني كلام غريب كدة اول مرة اسمعة بس عارفة معناة واكيد دي اللغة العامية في مصر وكوني بتكلم بالطريقة السلسة دى فأكيد أنا عشت الفترة دى واتقنت المصري العامي  ما كنتش في غيبوبة .
ايمري ليغيظها: كويس بدأتي تشغلي عقلك بدل لسانك اهو .
لتنظر لة عائشة وتفهم أنة يريد إغظتها : بقولك اية انت زي الشاطر كدة تروح تنام عند بنتك علشان أنا عاوزة ارتاح يلا يا عموووو قوم امشي .
ايمري : حد يسيب الميلك شك فروالة دة ويروح بصراحة بستمتع جدا بغضبك لما تتحولي لفراولة ودمك كلة يطلع لوشك .
عائشة : انا ست متجوزة .
ايمري: لا انا مش بعاكس بصي أنا راجل عسكري وعملي وحافظ اجزاء قران علي فكرة بس مش عارف لية بستمتع بغضبك وفي نفس الوقت عاوز اساعدك مش مضايق ابدا منك أنا عاوز ارد جميلك بس .
عائشة : ينفع اخد كورس سريع في البرامج دي أنا هفهم بسرعة عاوزة استغل ممكن تساعدني اني الاقي شغل .
ايمري : بسيطة اقدم لك وكمان اعلمك شوية حاجات وانا بحتاج احيانا لترجمة كثير بجيب شغل من برة ممكن مؤقتا تشتغلي معايا وهبدا من دلوقتي اية رائك .
عائشة : موافقة .
كان ايمري يشرح لها كيفية فتح بعض البرامج وكيفية العمل عليها وتفاجأ بكم هي ذكية وايضا أعطها بعض الايميلات لتترجمها لة فوري وتبدي رائيها فيها .

استطاعت انتصار أن تقنع الحاجة عن ضرورية وجودها بجانب نهر لتؤثر عليها وتتنازل عن المحضر وقد اقتنعت الحاجة بعد ما راءت بعينها مدي اعياء ابنها مصطفي الذي لأول مرة في حياتها تراة يبكي هكذا ,  فقهر الرجال عظيم خصوصا لكل متجبر مختال بنفسة ترجاها مصطفي أن يذهبوا لنهر لاقناعها أن تتنازل فجرت الحاجة لتقبل يد انتصار أن تذهب لنهر وتحاول إقناعها .
انتصار : ما تخافيش يا حاجة ازن اقوي من السحر وهزن عليها بالكتير يومين تلاتة وهتلاقيها اتنازلت.
الحاجة وهي تنظر لمحمد : همتك يا انتصار كل ما تتنازل اسرع هيبقي لك هدية احسن مش كدة يا محمد .
انتصار : مش عاوزة حاجة نهر طول عمرها طيبة وقلبها ابيض وهتقتنع بس خالوا مصطفي مالوش دعوى بيها .
الحاجة : اة آة اومال اية  ! بقولك ما تجيش هنا غير وهي متنازلة احنا هنتصرف في كل حاجة أن شااللة نجيب اكل جاهز .
انتصار : أنا هعقد معاها لغاية ما تقدر تمشي مش معقول اول ما تتنازل اجي هتقول اية؟ علي الاقل تسمع كلامي وتبقي تحت طوعي ؟
نظر لها محمد بتفكير : اقعدي معاها زي ما تحبي يا انتصار احنا هنا بنحاول المحضر ما يروحش النيابة وبنقنع في المأمور علشان ما تبقاش قضية وحكم المهم ماتتاخريش علينا علشان ما تبقاش قضية .
انتصار : طيب اروح لها بقي .
ذهبت انتصار لها وكتب لنهر خروج اخر اليوم وذهبت معها الي بيت أبيها وما أن عرف ف البلد حتي زارها أنهار ورانيا بل أتوا ليباتوا معها وايضا ام ابراهيم التي وجدت الونس مع انتصار ونهر .
كمان أن رقية خرجت في نفس يوم خروج نهر ليذهب بها ايمري الي البيت مع سينام واصرت علي عدم ابلاغ نهر فلقد قررت معاقبتها ما دام ابعدتها بل وكذبت حرص ايمري علي تعليم عائشة وتعريفها علي العديد من البرامج واخضر لها العديد من فلاشات تعليم عديدة برامج.
تنازلت نهر عن المحضر وتم امضاء مصطفي علي محضر عدم تعرض لنهر وقد مضي وأقسم أنة لن  يتعرض لها .
ذهبوا جميعا الي البيت الكبير وسط فرحة محمد برجوع اخية وارتياح علي من هذا الأزمة وزغاريد جيران ومحبي الحاجة ومحمد في البلد برجوع مصطفي .
حضن مصطفي أمة وبكي علي صدرها وقام لينام فهو منهم القوي من يوم دخولة الحجز فلم يعني لو جفن الا قليل من السويعات كل ليلة بعد ما يزهق منة العساكر الذين كانوا يكدرونة طوال اليوم غير الضابط.
الحاجة : قول لانتصار تبقي تيجي بقي تشوف البيت علي اخر الاسبوع أنا هدبر نفسي اليومين دول لكن انت عارف اخوك طلباتة كتير ومش هقدر عليها لوحدي .
علي : اظن اقل حاجة امي تعملها لنهر أنها تفضل جنبها علي ما تقوم بالسلامة زي ما عمي رقدها في السرير المفروض حد مننا يفضل جنبها علي ما تقوم ولا علشان اخدتوا غرضكم منها يبقي خلاص كلبة وراحت .
عبد اللة : أنا مع كلام علي إذا كان علي الاكل والشرب إن شاء اللة نأكل مش أو حتي نجيب اكل جاهز .
الحاجة : والشاي والقهوة بتاع عمك .
عبد اللة : كل واحد يعمل لنفسة احنا اتبهدلنا كلنا الفترة الي فاتت وأمي صحتها علي ادها ثم ونظر الي أبية هي مش ملزمة يعني تقعد تخدم فية كفاية اوي عليها احنا هي خدمت فية لغاية مااتجوز مش هو وبس وعمتي كمان وهو ماشاء اللة مش مخلي علي جهدة جهد في أنة يدخلنا في مشاكل طول الوقت .
نظر محمد لابناؤة : وأية كمان يا رجالة .
علي : امي مقهورة منك من يوم ما حلفت عليها بالطلاق لو هي تقيلة عليك تريحها بعد تعب السنين أنا اشيلها جوة عيوني لكن خدمة لحد غير جوزها وعيالها وستي الي شيلاها من كلة ومانبهاش في الاخر غير إهانة وضرب لأ ياباة أنا ممكن اجيب حد  يساعد في البيت لكن امي لا خلاص كفاية عليها كدة
محمد :  واللة  وبقيتوا تافوا قصاد ابوكم وتحاكموة.
علي : لأ ياباة احنا تحت جزمتك اعمل فينا ما بدالك وكلامك أوامر لكن امي كرامتها اتهانت  وحتي انها تقوم بالواجب انتم استكترتوة عليها قولي يا اباة لو ستي اتضربت قدامك وانت عارف ان دي مش اول مرة هتعمل اية حكم ضميرك وبعدين قولي عن اذنكم عندي عيادة .
عبد اللة : أنا مع علي في كل كلمة قالها وعن اذنكم أنا كمان هروح اشوف ورايا أية .
الحاجة : العيال كبروا وانا ما اخدتش بالي وشألوا مني جامد. حادي علي عيالك يا محمد وفعلا احسن نتصرف في حد يخدم في البيت بدل إنتصار .
نظر محمد لامة مطولا ثم قال ربنا ييسر الحال يامة أنا هروح اريح .