Pighati na dulot nang pagdadalamhati,
Puso’y ’di na naman inaasahang mahahati,
Mga pusong dati’y kay luwalhati,
Ngayo’y nagdurusa’t di na makiliti.
Mga luha’y patuloy na pumapatak,
Parang pawis na tumatagaktak,
Sa laki ng sugat na parang initak,
Puso’y malapit nang mabiyak.
Sakit ay hindi na kayang pigilin,
Mga luha’y lalong tumutulin,
Ano’ng dapat kong aralin?
Nang sa gano’y maibsan ang sakit na tila ba’y buhay ko’y kikitilin.
-🖋️@EROSSCRIVENER
