ردت ميرا بقوة وغضب عليه وهي تقول :
_ وانا كنت فاكراك راجل اكتر من كده ، انتي مش بني ادم انت وحش وشيطان مش بيصعب عليك كل الاهالي اللي بتعيش وجع فقدان ابنها او بنتها ...
كان رده البارد والمستفز فقط ما قاله :
_ لا مش بيصعب عليا ،
واكمل باستفزاز :
_ انا اكيد بعوضهم بفلوس بدل ابنهم وفي الزمن اللي احنا فيه ده الفلوس اهم ...
ابتسمت ميرا بسخرية مليئة بالوجع له قائلة :
_ دا تفكيرك العقيم والمنحط بس ...
لم تشعر بشيء سوي بصفعة وقعت علي وجنتها جعلت وجهها يرتد للناحية الاخري وصوت معتز وهو يقول :
_ انتي ازاي تسمحي لنفسك تتكلمي معايا بالطريقة دي ، ولا فكرتي اني بحبك فعلا فعشان كده هسكتلك علي كل كلامك ...
ابتسمت ميرا له بوجع والدموع تتلألأ بعينيها قائلة :
_ لا ، متخافش انا عارفه انك مش بتحب غير نفسك متقلقش ...
رجع معتز الي مكانه وهو يحلس امام ميرا ويعقد ساعديه امام صدره قائلاً :
_ كده تعجبيني ، طلعتي عارفاني اهو كويس .. بس تعرفي انا مش ندمان علي اي حاجه عملتها ولا علي اي عملية تجارة اعضاء كملت وكنت انا السبب فيها
بس دلوقتي السؤال الاهم ، هل سيف هيلحق ينقذك قبل ما استخدمك في العملية الجاية ؟!
كانت الصدمة تحل فقط علي وجه ميرا ما ان سمعت كلامه ليكمل :
_ اه هو انا مقلتش ليكي ، مش انا قررت اني ادخلك في لعبتي وتكوني انتي ضحية من الضحايا الجايين ليا ...
وقف من مكانه علي الفور وهو يعدل ملابسه قائلاً ببساطة :
_ يلا اشوفك بكره علي خير .. باي يا بيبي ...
نزلت دموع ميرا بغزاره وهي تطلع الي ذلك الذي اعطاها ظهره وهو يتجه لخارج الغرفة بينما تدعي بداخلها ان يأتي سيف وينقذها في اسرع وقت حتي تنجو بنفسها وينجو ذلك المسكين الموجود في الغرفة التي تجاورها ..
~~~~~~~~~~~~~~~~~
وقفت زينة في ذلك المكان الذي امام البحر وهي تأخذ الطريق ذهابا وايابا منتظرة سيف الذي اتصل بها قبل قليل واخبرها ان تنتظره هنا لكي يتحدث معها في موضوع هاام ...
انتبهت الي صوت سيارته التي تصطف علي الطريق بينما يترجل هو منها متجها اليها وقد لاحظت وجهه الذي يبدو عليه انه غاضب كثيراً....
وقف سيف امامها ليسمع صوتها وهي تقول بلهفة :
_ سيف ، انت كويس؟!!
ابتسم إليها ابتسامة ساخرة وهو يهتف بحدة حعلتها ترتد للخلف :
_ كويس؟!! وبتسأليني .. انا مش قلتلك متخليش معتز ياخد اي حالة من المستشفى..
ازاي سمحتي بحاجه زي دي تحصل يا زينة ...
عقدت زينة حاجبيها بعد فهم وهي تقول :
_ سيف انت بتقول ايه
اتاها صوته الغاضب قائلاً :
_ بقول ان ازاي انتي تكوني مسئولة قدامي عن اللي جوه المستشفى ومع ذلك معتز يقدر ياخد حالتين بكل سهولة المرة دي ومش بس كده لما تحريت عن الموضوع طلع واخد شاب وفي طفل اختفي من لحظات كمان ...
YOU ARE READING
واقعة العشق المؤلمة 🦋 زهرة الفردوس
Romanceهل حاولت يومًا الاقتناع بأن شخصًا ما هو نصفك الآخر بناءً علي كلام الآخرين ؟! وإذا فعلت ... هل شعرت بالراحة تجاه ذلك الشخص او حاولت التأقلم معه وبناء حياتك لتتناسب مع حياته ام وجدته مختلفا عنك اختلافا تاما وقد وجدت ذلك أمرا مرهقا بالنسبة لك لذلك فضل...
🦋 الفصل الأخير 🦋
Start from the beginning
