واقعة العشق المؤلمة 🦋 زهرة الفردوس

🦋 الفصل التاسع 🦋

قبل قراءة الفصل حابة اقولكم ان انا ممكن انزل اقتباس متقدم ل "زينة وسيف" لو لقيت تفاعل حلو علي الفصول ✨

اخذ نفس عميق ومن ثم قال وهو ينظر لهم : احب اقولكم ان الشخص دا من المستشفي عندكم يا صابر بيه..

انتفض صابر واقفاً من مكانه قائلاً وهو يقف مقابلاً لسيف : من المستشفي ازاي ...

تحدث سيف قائلاً: زي ما قلتلك يا صابر بيه اللي بيعمل كده شخص من المستشفي عندكم .. ايه اللي انا مستغرب له لحد دلوقتي .. ازاي اهل الضحايا مقدموش شكوي ضدد المستشفي او حتي قدموا بلاغ ان ابنهم او بنتهم هرب او مش موجود ...

رد صابر قائلاً : ما انا قلتلك ان بيوصلهم جواب فيه ان الشخص مشي بارادته يعني مش مجبر ازاي هيقدموا بلاغ

" وازاي برده كل الاهالي دول بنفس التفكير والمنطق هيصدقوا علي ابنهم او بنتهم حاجه زي دي " قالها سيف وهو مازال يتطلع علي صابر ...

اخذ صابر نفساً عميقاً ومن ثم تحدث قائلاً: انا مبقتش عارف اي حاجه والحكاية كل شوية بتتعقد اكتر وانا مش فاهم ايه اللي بيحصل وليه كده .. واشمعنا دا بيحصل في المستشفي دي بالذات

تحدث أدهم حينما قد استطاع ان يربط بعض خيوط تلك القضية : الحكاية وما فيها ان الشخص دا استغل ان المستشفي وانه بكده مش هيتكشف ف هو شغال براحته ومن غير اي خوف ...

اماء سيف موافقا علي كلام ادهم وهو يكمل : الحكاية دي بدأت من زمان يعني مش لسه معروفه اليومين دول بس الشخص دا مكنش عارف ان حد هيفتش وراه في ملفات المرضي او حتي ياخد باله من فقدان الاشخاص ورا بعض ...

تنهد سيف ومن ثم اردف : اللي فعلاً شاغل بالي دلوقتي ازاي بجد كل الأهالي دي متقدمش بلاغات علي ان شخص عمدهم مفقود ..
انا اعرف مثلاً ان حتي لو ابن او بنت هربوا من اهلهم .. اهلهم مش بيهدي ليهم بال ولا بيرتاحوا غير لما يفضلوا يدوروا علي ولادهم يبقي ازاي الحكاية ماشية بكل بساطة وهدوء من غيراي خوف كده ...

امسك صابر رأسه بين يديه فقد اتعبه كل ما استمع إليه ولايعرف ماذا يفعل ليجد سيف يكمل :

كل اللي اقدر اقوله دلوقتي ان الشخص دا فعلاً ميعرفش ان فيه كاميرات موجوده في اماكن في المستشفي..
طبيعي ان يكون فيه كاميرات موجوده في المستشفي بس اللي هو ميعرفهوش ان فيه كانيرات تانيه صغيرة جداً ميعرفش عنها حاجه غيرنا احنا التلاته بس
بدليل ان فيه حالتين حصل فيهم كده من وقت ما ركبنا الكاميرات دي والعملية تمت عادي وبتكون في اوقات محدش تقريباً بيكون صاحي فيها في المستشفي نادراً لما يكون شخص او اتنين صاحين في المستشفي في الوقت اللي بتتم فيه العمليه الا لو فيه حالة جت المستشفي في الوقت دا بيكون كل الموظفين والدكاتره اللي في المستشفي علي اتم الاستعداد غير كده لا ....