العذراء والذئب

البارت التاسع والعشرون (جامعتي)

اذاعاشَ الفَتىٰ ستينَ عامًا
فَنِصفُ العُمرِ تَمحَقُهُ اللَيالي

وَنِصفُ النِصفِ يَذهَبُ لَيسَ يَدري
لِغَفلَتِهِ يَمينًا مِن شِمالِ..!

وَثُلثُ النِصفِ آمالٌ وَحِرصٌ
وَشُغلٌ بِالمَكاسِبِ وَالعيالِ

وَباقي العُمرِ أَسقامٌ وَشَيبٌ
وَهَمٌّ بِاِرتِحالٍ وَاِنتِقالِ

فَحُبُّ المَرءِ طولَ العُمرِ جَهلٌ
وَقِسمَتَهُ عَلىٰ هَذا المِثال"

- اميرنا علي عليه السلام

زينب: اي جاي اكلج مات وحوبتج طلعت بي

جميلة:  صح اني ردت رب العالمين يبعدة عني بس مو لدرجه لموت جان ممكن الله ينفي لغير ديرة لغير دولة مو يموت مجاي اصدك هل خبر

زينب: تعاي اشوفج الاخبار ناشريها على الفيس اصدقاءة

بدت زينب تشوفني بالاخبار واني ما مصدكه خبر موته معقوله مات جاي احس اني سبب لان دعيت عليه بحركه كلب اوف ياربي ساعدني حتة اتخطى هل شي اترجاك ساعدني حضنتني زينب وكالتلي يجوز رب العالمين موته لسبب جان هو يريد يسوي والله اخذه حته مياذي احد بعد كلشي بي ارادة انتي حته تخلصين من ذنبج اقريله الفاتحه وبس وانسي الصار كله الحمدلله على كل حال

هي تحجي واني صافنه ولحد هسة ما مستوعبه لصار

راحت زينب وبقيت وحدي عايشه بدوامة الصدمة ماعرف افرح لان خلصت منه للابد ماعرف احزن لان كنت اني سبب بسبب دعائي مات

بقيت اسبوع عايشه صدمه بدة الدوام واول اسبوع ما داومت بثاني اسبوع يلا من كثر الملحه عليه وكثرة الاسئلة من قبل اهلي وناس يلا داومت

بقيت ادرس بالبداية مجنت مركزة بدراستي وبين قوسين هملتها بعض المدرسات يعرفني ويعرفن مستواي وبقن يسالن ليش هيج من وصلت لمرحله المصيريه هملت لحد تقريب ما راح نوصل لنصف سنه وعيت على نفسي وكمت ادرس واقرة زين وزينب وياي ما عافتني اجت امتحانات نصف سنه امتحنه ونجحنا وكالعادة اني وزينب متصدرين بدرجاتنه

درسنة ورة نصف سنه واجة دخول للبكلوريا والحمدلله دخلنا واحتفلنا بمدرستنة بمناسبه دخولنه للبكلوريا واستعدينا للامتحانات

اجت عطله البكلوريا وبقينه نقرة واني زينب ماخلينه شي ماقرينا نبشنه الملازم وكلشي يخص المواد

بدت الامتحانات اول امتحان اسلامية امتحنت وجانت الاسئلة بالنسبة الية ولزينب كلش سهلة نجيب بيها 100 وجان ثاني امتحان عربي امتحنه وحسبنه درجتنه اني وزينب اني يطلعلي 98 وزينب كالت 96 بقيت انتظر بابا حتة ياخذني من المدرسة ارجع للبيت بس تاخر اخابر عليه ميرد اتصلت على امي هم مترد بعد عدة محاولات امي فتحت خط