أني من گد مـا
أخاف أخسرك
تارس رسُومي
القلق...
وأمي من أهل اللّٰه
چانت
عين صابتك تگلي
وتقره فوكاي
الفلق
#خمائل ال شمر
حسين: بتعجب عبير منو؟!!!!
شيماء: عبير بنت حماهة لاختك الي بقت تباوع عليك
حسين: واني شمعرفني بيها
شيماء: لا تعرفها كلش زين واليوم انت رايح لبيت سراب وهي طالعتلك انت شعندك بيت سراب هاااا مو كلت اني يم زلم شوداك يم نسووان
حجيت وياهة بعصبية ودموعي تنزل
تقرب مني ولزمني من خدودي ومسح دموعي
حسين: يبة يرحلج فدوة يروحن فدوة لاضفرج هي او غيرها والله العظيم رحت رادو شكر بالفاتحه وكتلها طلعنه علمود الجاي
شيماء: ليش ما خابرتها مو عدها تلفون
حسين: اول شي ماعندي رصيد ثانيا حتلو عندي قابل اخلي اختي تجيب الشكر لفاتحه لزلم شبيج يا حبيبتي
بقيت ابجي ومدنكه راسي حضني وكال شنو لتردي انتي هسة كوليلي
شيماء: اريدك بعد متروح للفاتحه لان ذني حياية ما اضمن ميسون شي
حسين: وعيونج بس يرجع رجل سراب من نجف اجي وبعد ماروح اطلع حجه بالشغل بس لتبجين
مسحت دموعي وحضنته كال راضيه عليه كتله اي ودير بالك على نفسك واحبك هواية
حسين: احبج يالغيورة يلا رايح محتاجه شي
شيماء: سلامتك الله وياك
طلع هو اني كمت نضفت البيت ورتبته وخليت جميلة تشتغل وياي ههههه قزومة وتفتر كملنه شغل ومددنا بالغرفه نمنة اني وياهة
كعدنا ساعة 6 ونص المغرب نزلنه بعد محدجاي كمت احضر العشة وخليت جميلة تلعب بالعابها حضرتة وكملته وعفته كلت بين ميجون فتحت تلفزون وكعدت اتفرج عليه جان طالع فلم سعاد حسني صغيرة على الحب كعدت اباوع عليه
طلعت اغنيتها بالفلم وكعدت ادندن وياهة حسيت طبطبه بالباب عرفت جوي نصيت تلفزون ودخلو هلا عمة شلونج اكيد تعبتي
ام حسين: هلا يمة اي والله مابية حيل اكعد اريد بس امدد
شيماء: اي عمة مددي
عفاف: ماكو عفاف شلونج ما سالتي عليه
كالتها وعوجت حلكها
شيماء: لا حبيبتي مو قصدي بس حاجيت عمتي والتهيت ونسيت اسفة شلونج انتي
عفاف: اني زينة شكرا
شيماء: سويت عشة حتى نتعشة بدلن وحتى ناكل سوة
ام حسين: يمة تعشينه تعشي انتي وجميلة
عشيت جميلة واني ما اشتهيت اكل لان انتظرتهم وبلاخير طلعو متعشين غسلت المواعين وعمتي نامت رحت على عفاف عبالي تخابر حسين طللعت هي هم نايمة صعدت لغرفتي اني وجميلة لعبت بالعابها شوي ونامت واني بقيت اتكلب بالكوة مدري شلون ماخذتني نومه كعدت على صوت حسين يبوس بية ويكعدني
حسين: كعدي مريتي
شيماء: نعسانه حسين شتريد
حسين: اكعدي نتعشة اني وياج ما تعشيت كلت اكل وياج
شيماء: تصدك اني هم ما تعشيت
حسين: ادري بيج متاكلين بدوني حجاهة وغمزلي
شيماء: لا والله ردت اتعشة وية عمتي وعفاف بس اجن متعشايات وانيهم مابقالي نفس اكل انطيني ببسي من يمك
حسين: ببسي شنو جبتلج عصير الببسي مو زين لا عليج ولا عالطفل
شيماء: يا تصدك نسيت اني حامل
حسين: خلفله عليج
ضحكنه اني وياه اكلنه وكملنه وحضني ونمنة عسى ما انحرم من هل حنان يارب ارزقنا الولد الصالح
بقيت ادعي ونمت
مرت ايام الفاتحه ومر اسبوع تقريب ورحنا للامام الكاظم
بقيت ابجي يم لامام وكتلة بس يجيني ولد اسمي كاظم على اسمك كملنا زيارة ودعاء وصلينه
طلعنه اخذنا حلاوة واشتريت العاب لجميلة ورجعنا
...... يتبع
YOU ARE READING
العذراء والذئب
General Fictionالذي حصل لم اكن اتوقعه ولم ارسمه حتى في الاحلام لولا لطف الله ورأفته ورحمته بي لكنت من الهاوين مرة شفت فلم لشاروخان حجة بي حكمة عن الامل كال بيها الانسان يكدر يعيش اسابيع بدون طعام ويكدر يعيش ايام بدون ماء وممكن يعيش دقايق بدون هواء بس بدون الامل...
