العذراء والذئب

البارت السابع عشر

اليوم لن أطلب شئ ڪعادتي يا رب
اليوم أنا اشڪُرك علىٰ ڪل مرة وأنا لم أڪن أهلاً
للطف وعلىٰ ڪل مرة أنقذتني في الوقت الذي
ظننتُ فيه أنني لن أنجو مُجدداً ولطفت بي
اليوم وڪل يوم أتذڪر
﴿ وَلقد مَننا عَليك مَرةً أُخرى ﴾
وأنا أُحبك وأشڪُرك من ڪل قلبي..♥️

#خمائل ال شمر

شيماء: شنوو اكلتي ازبري منو سمحلة يوكلج ازبري لج ماما عندج تحسس من الشي البارد ميصير تاكلين اويلي شلون بيه لازم اضربج ابرة حساسية كومي نروح اضربج ابرة

جميلة: لا ماما فدوة هسة اصير زينه

شيماء: بلا دلع كومي اضربج ابرة حتة توبين متاكلين بعد شي بارد يلا ابدل واجي اخذج

جميلة: اووف ماما

شيماء:

صعدت بدلت ولبست حجابي وعباتي كعدت حسين كتله اروح اضرب جميلة ابرة وارجع شافني ورجع نام واني اخذتها وطلعت

هستوني ردت اطلع وشفت عباس جاي

عباس: صباح الخير عمة صباح الخير جميلتي

شيماء: صباح النور ولك عبااس شسويت ليش موكلها ازبري ولك جميلة عدها تحسس من البارد البارحه كله صخونه وهسة بلاعميها رايحه اضربها ابرة

عباس: اسف عمة والله ماادري خلي اروح وياكم

مشة ويانه عباس وصلنه دخلنة جوة وعباس بقه برة ينتظرنة

الدكتورة ضربتني ابرة كملنة واخذنه علاج وطلعنه

رجعنا للبيت

مشت الايام والاشهر والسنين

راح اعبر على الاحداث المهمة باقي السنوات

جميلة:
داومت ثاني سنه وست هيام رحبت بيه لان امي سولفتلها ليش ماداومت سنه الماضية داومنا اني وعباس وكل الامور مشت تمام اول سنة خلصتها طلعت اولى وعباس هم نجح درست الثاني هم وطلعت اولى مجانت اكو احداث مهمة غير عباس كل يوم يزيد اهتمامة بيه

لحد ما صارت عطله اخير لسنه نجحت لثالث بالعطلة اجانة خبر صادم

شيماء: جاية جاية منو بالباب

سراب: اني سراب افتحي وين صرتو

فتحت الباب وبوستها سلمت ع ولدها صاير كل واحد بطولي ما شاء الله

دخلت جوة

شيماء: شعجب منين طلعت شمس وين ما وين

سراب: والله شكلج هذا رجلي هسة طلع موضوع سفر للخارج يكول اهنا نبقة وناخذ اقامة

شيماء: يا هاي منين طلعت وين تردون ترحون يا دولة

سراب: نروح لتركيا يكول اهناك صديقة لاكيلة شغل وبيت وكلشي اهناك

شيماء: والله ماعرف شكلج وشوكت ناوين تسافرون

سراب: هذا الاسبوع نسافر

شيماء: الله يسهللكم بس ردت اسالج عباس ماكو وين

سراب: عباس ضايج ميقبل يسافر يكول ابقه يم خالي حسين ماسافر متعود اهنا وابوه ما قبل وعباس عاند ورجلي عاند وجان يضربة لعباس وكالة غصبا عليك تروح وهسة هو ضايج هواي

شيماء: حقة والله متعود اهنا الله يساعدكم ع الغربة

سراب: شنسوي الله كريم اكلج جميلة وين

شيماء: والله جميلة بالغرفة جاي ترسم متدري بيكم اهنا خلي اصيحلها

نروح يم جميلة

جنت كاعدة بالغرفة ارسم وامي صاحتلي كالت بيت عمتج سراب يمنه تعاي تريد تشوفج نزلت اركض كلت بلكي عباس موجود جنت متاكدة موجود لان هو دايما يمنة نزلت سلمت وما شفت عباس

جميلة: هلو عمة شلونج

سراب: هلا يعيون عمتج الحمدلله وانتي شلونج

جميلة: اني زينه شو عباس ماكو

سراب: عباس عندة شغل ما جا

واني جيت اودعكم لان راح نسافر

جميلة: يعني راح اسوون سفرة خلي اروح وياكم وارجع وياكم

سراب: لا نروح وبعد منرجع

جميلة: شنو ليش ليش ترحون ومترجعون وعباس هم يروح

سراب: هو ما قبل يروح بس ابو ضربه وغصبا عليه راح يروح

جميلة: بس هو بعد وفاة بيبي كال ماعوفج اني ليش راح يعوفني اني ما عندي اصدقاء غيرة

رحت للغرفه وبقيت ابجي ماعرف شلون نمت كعدت ع صوت امي تكعد بية حتة اتعشة

ها ماما

شيماء: كعدي بنيتي تتعشين

جميلة: عمة سراب راحت

شيماء: اي راحت وكالت بوسيلي جميلة

بقيت حزينة شلون راح يروح ويعوفني بس بلاخير اقتنعت خلص لازم اتقبل هل شي

الايام راحت يوم ورة يوم بسرعة مشت خلص الاسبوع خابرتنه عمة سراب وكالت تعالو للمطار ودعونة اخذنا بابا ورحنا

دخلنة ولكيناهم بصالة الانتظار ولكيت عباس مدنك صحتله عباس

كبل التفت عليه جا ركض وحضني وكالي راح اشتاقلج ويبجي واني هم كمت ابجي وياه هو كال وعد راح ارجع للعراق بيوم وابقه يمج ماعوفج

كوة ودعناهم بدموع وحسرات وتمنيالهم توفيق رجعنا للبيت واني حيل مخنوكه هذا ثاني شخص احبه يفاركني شراح يصيرلي بعد

الوجَع هدنِي
الجسِم من كُل مَكان يصيّح
خلصت طاقتي وتَعبان ما انكر
يومية بحياتي انصدم بالاحداث
انهدم حيلي
وبَعد مابيّه حيل احزِر
مَاچنت ادري
الظرُوف تغيّر الإنسان
مَصدوم شكثر يا اني متغير ؟

مشت الايام والاشهر والسنين صرت سادس ابتدائي امتحانات بكلوريا

امتحنت عباس صار مجرد ماضي حلو صار ثلاث سنوات ع فراكنه ما اذكر الا القليل من اذكر موقف جان وياه اذكرة امتحنت سادس ونجحت طلعت معدل 85 واهلي فرحو حيل رحت متوسطة

ومن هنا تبدأ رحلة الاوجاع رحلة اللاالم رحلة الندم....... يتبع