العذراء والذئب

البارت الرابع والعشرون

إنها المرة الأولى والأخيرة التي أعيش فيها هذه الحياة، لماذا يبدو الأمر مملاً ومثيراً للضجر كما لو أني قمت بذلك مئات المرات؟.

#خمائل ال شمر

مرت ايام وشهور امتحنه ونجاح عادي لان مجان الية واهس بشي نجحت لثالث متوسط صارت العطلة الصيفية وبابا كال اوديكم لاربيل نبقه عشر ايام ونرجع وبالفعل رحنه وجانت ايام كلش حلوة تونسنه بيها صح عشت تفريق من قبل ابوية الي طول عمرة يفرق بيني وبين خواني وجانو همة الاهم بحياته بس جان عندي حب امي كافيني صح في بعض الاحيان احتاج حنان الاب واحس بشعور الابوة وياه بس ابد محسيت هل شي احسه واحد غريب عني خلصت السفرة ورجعنا

عشت عطله يعني حلوة ومو حلوة رحنه لزيارة كربلاء والنجف هم وزرنا واندعينالكم

كملت العطله وبدينا سنة جديدة ثالث متوسط وكاظم ثاني متوسط ومصطفى سادس ابتدائي بدينا مشوارنا بالدراسة شفت صديقاتي وسلمت عليهن دخلت اماني ورسل كعدن سوة على رحلة واني كعدت اخر رحلة لوحدي ما حبيت احد يكعد يمي

اجني المدرسات اول مدرسة اسلامية ست زكية اجتنة ورة شوية اجت المعاونة وياهة بنت سلمت علينة وكالت هاي طالبة اجتكم نقل من غير مدرسة اسمها زينب رحبنا بيها وكالتهة ادخلي اكعدي بالرحله هي شافتني كاعدة وحدي واجت كعدت يمي بصراحه مجنت حابه احد يكعد يمي بس بعد كعدت ومدرسة ومعاونة علينة ماحبيت احجي وهو اصلا ماكو مكان غير هل مكان تكعد بي الرحلات كلهن محجوزة وهذا جان سبب ثاني خلاني اسكت

كعدت المدرسة ام الاسلامية تتناقش ويانه وسالته على اسمائنة وكذا خلص الدرس وكلت اووف شطولة الدرس وجان تكول بالعكس المدرسة كلش حبابة ومن هسة حبيت درسها اني بكلبي انتي شدخلج ابتسمت بوجها ابتسامه مزيفه هي شوية وراحت اني بقيت كاعدة بالرحله اجت رسل واماني كالن طلعين كتلهن راحن بقيت وحدي بالصف اذكر حسناء ودمعت عيوني من ذكرتها جنت صافنه ع شباك شوي وحسيت ايد على كتفي التفت لكيتها زينب صحت عليها

جميلة:  شبيججججج تخبلتي شكوو تلزميني ماحب احد يلزمني

زينب:  اسفه والله بس شفتج تبجين وكلت اشوفج شبيج

جميلة:  وانتي شعليججج شدخلجج بية ماعرفج اني لتسوين هيج وياييي وتاخذين دور البنت الطيبة والحنينه وياي

زينب:  اسفه والله مجان قصدي

حجتها وحسيتها اختنكت من هيج حجيت بس ماعبرتها صايرة اي شخص يندك بيه لو اعصب لو اكوم ابجي مجاي اتحمل شي شوي دك جرس واجني طالبات كعدن وجتي المدرسة العربي ست نبراس رحت بينه وبدت تنطينه مقدمات على العربي وانطتنة تحضير بالادب بقت تشاقة ويانه وتضحك اني ساعة اكون وياهم واضحك وياهم وساعة اصفن بعدين كلت هاي زينب شنو ذنبها صيحت عليها وجرحتها لازم اعتذر منها