العذراء والذئب

البارت الرابع عشر ( مدرستي)

لا يشِيل همُوم گلبچ
    يكفِي بَس آنه حَزين
   يكفِي أشيل همُومچ
همُوم الشَّماته ، همُوم وكتي
وكلهن بهَل الرگبه ِدين

#خمائل ال شمر

تاريخ 16/7/2003

شيماء: ولج عمة لحكيلي راح اموتت

وكعت اغمى عليه

ماحسيت الا واني بالمستشفى وعمتي وحسين فوك راسي

شيماء:  شكو عمة شنو لصار حسين شصار شنو بية

ام حسين: مابيج شي يمة بس طلعتي حامل وضغطج هابط

حسين: الف مبروك حبيبتي

شيماء:  الله يبارك بيكم
جميلة وكاظم وين

حسين:  وديتهم يم سراب هسة يكمل المغذي واخذج ونروح نجيبهم ونرجع للبيت

بقينة ننتظر لحد ما خلص المغذي الاجراءات خلصناهن وانطوني مقويات وفيتامينات صعدنا بالسيارة مرينة لبيت سراب كعدنا شوية سولفنالها لصار وباركتلنه واخذنا جهال ورجعنا الطريق كلة جميلة وكاظم يسالوني شنو هاي بيدج على الكانونه جميلة صار عمرها 5 سنوات وكاظم 3 سنوات كل واحد صاير لسانة طويل بس جميلة هادئة وتفتهم ذكية وكاظم وكيح

رجعنا  لبيتنا واخذتني عمتي لغرفتي نمت بالغرفه من 5 العصر لحد 1 بليل كعدت جوعانه نزلت للمطبخ فتحت ثلاجه لكيت كيك وعصير، كعدت اكل رحت لصالة فتحت تلفزون بقيت اباوع لان بعد ما جاني نوم جان طالع فلم رعب حلو واني احب افلام رعب بقيت اباوع وماعرف شلون نمت وباقيه لصبح نايمة بالصالة ما حسيت غير ب7 على صوت كاظم جاي يكتل بجميلة يريد لعبتها وجميلة بس تبجي متكدر ادافع عن نفسها او بلاحرى تخاف لان  ابوها يكتلها اذا كتلت كاظم مثل ما كتلكم متعلق بكاظم هواي ودايما يطلعه وياه ويشتريلة اكثر من جميلة كعدت صحت بكاظم كتلة ليش تكتلها مو اختك ميصير تحبك

كاظم:  ماما ما تنطيني لعبه

شيماء:  هي مالتها ليش تنطيها الك عندك كومه العاب كوم العب بيهن

كاظم:  معليه اريدها

كام يبجي

جميلة:  هاك العب بيها بس لتكسرها

خطيه كلبها حنين

بقو يلعبون سوة كمت نضفت البيت وية عمتي وسوينا اكل

عدت ايام اسابيع اشهر هل مرة ما رحت شفت بالسونار شنو جنس جنين كلت شيجي نعمه لحد ما دخلت بشهري وحسيت بالم الولادة طلعو بية للمستشفى وجبت ولد وهم جنة فرحانين سميناه مصطفى على اسم ابو لحسين وجان مكيف بي هواي يحب خلفة الولد ومن جبتلة مصطفى كام يحبني اكثر واكثر شطلب منة يسويلي عدت الايام الاشهور السنين واني هواي لاحضت على حسين يفرق بين جميلة و الولد واكثر، من مرة نبهتة ويكول صح بالبداية جنت ما رايدها بس بعدين حبيتها وصرت مسؤول عليها بس اني احب الولد شسوي مو بيدي

صرنا سنة 2005

كبرت جميلة وصار لازم اسجلها بالمدرسة اخذناها وسجلناهة وبدة دوام وكامت تدرس اول يوم جان صعب عليها لان ما جانت تفاركنة قبل وشافت هوسة لمدرسة وطالبات وطلاب وهي هادئة
يلة سكتو جتي المعلمة

ست هيام: السلام عليكم

الجميع:  وعليكم سلام

ست هيام: اني معلمتكم بالقراءة اجيكم واسمي ست هيام واني المرشدة مالتكم

بقت تحجي وترتب كعدتنا بالرحلات وتعلمنا نظام وشلون نكوم من يكلونا قيام ونكعد من يكلونا جلوس

اني جنت ابجي ومدنكه راسي بقت تتعرف علينا وعلى اسماءنا
وصلت يمي شافتني ابجي كالت الحلوة شبيها ليش تبجي

جميلة:  اريد امي

ست هيام: لا ماما ميصير انتي صرتي جبيرة ولازم درسين وتصيرين شاطرة وتكبرين تصيرين دكتورة

بقت تحجي ويانه كلنا وتوجه الكلام الية

وبلاخير كالتلي
ست هيام:  ما كتيلي شنو اسمج
جميلة:  اسمي جميلة حسين مصطفى

ست هيام:  الله شكد حلو اسمج وانتي هم حلوة وجميلة

ضحكت بوجهي وجانت ضحكتها كلش حلوة

بقت تتعرف على الباقين لحد مادك الجرس وزعولنا كتب ودفاتر وقرطاسية

بقت كل مرة معلمة تجي وتيهت بيناتهن ماذكر هاي منو وهاي منو

جانت بنية كاعدة يمي اسمها رواء تعرفت عليه وصرنا صديقات نبقه كاعدين بالرحله منطلع من ايدك الجرس ولابسين جنطنة

بقت معلمة طب ومعلمة تطلع نطونا واجبات وكتبوهن بدفاترنا وطلعنة صار وقت الطلعة للبيت اني ما اندل طلعت وبقيت ابجي وشافتني ست هيام كالت جميلة شبيج تبجين

جميلة:  ست ما اندل بيتنا

ست هيام: هسة راح اتصل على اهلج يجون ياخذوج

اتصلت على بابا وكاللها اني باب المدرسة جاي انتظرها خلي تطلع

اخذتني ست هيام وطلعنة وبابا دك هورن بالسيارة وكالت هذا ابوج كتلها اي ركضت عليه لسيارة وصعدت يمة

جميلة:  هلو بابا

حسين:  هلا جميلة شلون دوامج
جميلة:  بابا حلو بس هوسة

طلعنا للبيت واول ماوصلت تلكتني امي تسالني على يومي وشلون جان كتلها كضيته بجي عليج كتلها لو مو ست هيام جان اني متت بقت تبوس بيه شافت كتبي ودفاتري اكلت وكملت نمت وكعدتني كالت اكعدي اقريج دروسج بقت درسني وحفظت كلشي حفظت

.....  يتبع