العذراء والذئب

البارت العشرون

لم أقع في الحُب لقد مشيت اليه
بخطى ثابتة مفتوحة العينين ،
حتى أقصى مداهمة
أنا واقفه بالحُب لا واقعة فيه 🤍

#خمائل ال شمر

جميلة:  ولك فززتني شسويت كعدت البيت كلة

كاظم:  شبيج انتي فززتيني كلت منو يكعد بهل ليل

جميلة:  يا دمشي روح نام خلي الم الكزاز

كاظم:  ماشي

بقيت الم الكزاز واني كلبي يرجف من الحلم ومن كسرت الكلاص اووف لميته وشربت مي ورحت نمت حاولت انام كوة نمت

حسيت ثاني يوم على صوت المنبه مالت تلفون كعدت سديته وكمت غسلت كعد بابا وماما سوتلنه ريوك تريكنه بدلت وجهزت واخذني بابا للمدرسة

رحت وصلت لكيت لبنات بعدهن ما جايات كعدت على رحله جانت برة عالممر واقرة بالكتاب ماحسيت الة شخص واكف فوك راسي رفعت راسي شفت هاني

هانييييي شجاي تسوي اهنا هم تريد تعتذر ترة من العام كتلك مسامحتك

هاني:  لا جيت اسلم عليج عادي

جميلة:  اوكي وعليكم سلام يلا تفضل روح اريد اقرة

هاني: عادي اكعد يمج

جميلة:  شبيك تخبلت اكيد مو عادي امشي روح الله يخليك مابيه حيل مشاكل

هاني:  شوية واروح وعد

جميلة: كتلك روح بابا متفتهم

اني ومعصبه وجاي احجي جتي اماني ورسل

رسل:  صباح الخير

اني وهاني:  صباح النور

رسل: خير  جميلة شبيج من صبح معصبه صايرشي

جميلة:  لا الاخ ماخذ ميانه وجاي اعلمه الاصول

طبيت الكتاب حيل ع رحله ورجعت لصف شوية واجت رسل واماني

رسل:  شبيج جميلة عيب لسويتي سالت الولد كال كلشي كلشي ما سويت بس سلمت وحبيت اكعد شوية يمها وكامت تصيح بوجهي

جميلة:  رسل يمكن انتي تشوفين هل شي عادي ولد يجي يكعد يمج ويحجي وياج بس هل شي مو عادي بالنسبه اليه افتهمتي

رسل:  شنو قصدج؟

جميلة:  ما قصدي شي عوفيني بحالي

راحن كعدن برحلتهن اجت حسناء وشافتني ضايجه وسولفتلها الصار كالت عفيه عليج خوش سويتي معليج بيهن وبسوالفهن يلا راح تجي المدرسة عدنا عربي خلي نركز موضوع جديد قواعد

شوية واجت المدرسة وبدت تشرح واني بالي مو يم درس يا ترى لسويته صح يعني ماعرف شسوي حايرة مدري احبه مدري ماريدة مشاعري متشتته اووف ساعدني يارب

شوي وسمعت المدرسة تصيحلي

المدرسة:  هي انتي مو جاي احاجيج

جميلةة:  ست اني

المدرسة:  لا خيالج وين صافنه شنو شرحت قبل شوية

جميلة:  ست اسفه مجنت منتبهة دايخه وراسي يوجعني

المدرسة:  شنو اسمج

جميلة:  جميلة حسين مصطفى

المدرسة:  طلعي برا جميلة ونوب اذا تكرر هل شي ما خليج تدخلين الدرس بعد

كمت طلعت مابيه حيل اتناقش وياهة واني وجاي اطلع لمحت هاني من بعيد ركضت رحت لمكان ثاني ميشوفني بي كعدت اقرة فيزياء اني اقرة واصفن اقرة واصفن لحد ما دك جرس لساحه باوعت لصف شفت المدرسة طلعت رحت كعدت بالصف

رسل واماني جنهن زعلن مني طلعن من صف بقينة اني وحسناء، نقرة قرينه ودك جرس جتي ام الفيزياء شرحنا وكلمنا وطلعت وبقيت كاعدة بالصف ابد ما طلعت لحد ماخلصن كل الدروس اخذت جنطتي وطلعت لكيت بابا ينتظرني صعدت ورحنا للبيت غسلت وبدلت صلينة وتغدينا ورحت لغرفتي انام جنت كلش تعبانه كلت من اكعد اقرة

كعدت ساعة 4 ونص جبت جنطتي طلعت دروسي قريت صار وقت الصلاة كمت صليت وكعدنة نتعشه اني واهلي

حسين:  بابا جميلة شلونج هاي سنة دروسج شلونها
جميلة:  استغربت اول مرة يسالني عن حالي

الحمدلله بابا زينة

حسين:  عفية شدي حيلج

جميلة:  ان شاء الله بابا

حسين:  وانت كاظم شلونها دراستك

كاظم:  زينة بابا
حسين:  اذا احتاجيت مساعدة بدرس خلي جميلة تساعدك

كاظم:  لا بابا ما احتاج

يباوعلي باستهزاء

كمت من العشة كتلهم شبعت رحت لغرفتي طلعت دروسي كملتهن صارت بل9 وثلث تقريب طلعت دفتر الرسم وبديت ارسم افكر بهاني وارسم اخر شي باوعت لرسم لكيت راسمه هاني صح مو شبه 100 ٪ بس ملامح كلهن هو سديت دفتر ونمت

كالعادة كعدت ع منبه تلفون طفيته غسلت تريكت وبدلت وطلعنه اني وبابا
بالطريق بابا اجا اتصال جاي ياخذ تلفون وكع من ايدة راد يجيبه طب اخذ بريككك قووييي صدمة شنوصار حادث احد اندعم  ........... يتبع