العذراء والذئب

البارت التاسع عشر

هلو حبايبي اريد تفاعلكم عالبارتات احبكم 😍

‏وإني لا أندم على شيء كندمي على ودٍ أمنحه فأحصد ردودًا باردة باهتة، كأنها عقابٌ لي..

#خمائل ال شمر

هانيييي

هاني:  اي اجيت اعتذر منج واكلج اسف وحقج علية وشتامرين اني حاضر

جميلة:  شفتة منزل راسة ويعتذر مني وباوع بعيوني اووف شنو هل نظرات ندمانة وعيونة حادة حيل بحيث من اعتذر بقيت صافنة

هاني:  هسة تسامحيني لو لا

اماني ورسل:  جميلة جميلة حبابة سامحي الولد ندمان

جميلة:  خلص ماعندي شي مسامحتك روح الله يوفقك

هاني:  شكرا الج فرحتيني اي شي تحتاجين اني موجود

جميلة:  شكرا ما احتاج شي باوعت بعيونة نظرات لا مبالاة ورة شوية انداريت ع لبنات وكتلهن للبنات يلا امشن اخذنة لغراض للحديقة ومشينة وعفناه

فرشنة بالحديقه وصبينة الاكل وكل مرة احد جاي ياخذ من عدنا اكل ويروح ورة شوية اجه حسن

حسن:  هلو جميلة اجيت اعتذر منج عالشي الصار

جميلة:  ولايهمك اجة قبلك هاني واعتذر بس منين عرفت اسمي

حسن:  هاني كالي وكال كوللها جوعان اريد اكل خلي تصبلي بيدهة

جميلة:  حلو والله نوب استاذ هاني كام يطلب براسي
رسل حطي بالماعون وانطي

رسل خلت بالماعون وكالتله احلا ماعون لاحلا هاني وسلمنة عليه اني كرصتها راح الولد ورزلتها

جميلة:  شهل سخافات رسل ميكول الولد ميتات عليه بطلي سوالفج هاي

رسل:  اووي عيني شكلت اني

خزرتها بعيوني وبدينة ناكل واخذنة صور وبابا خابرني كال اني بالباب اذا كملتي طلعي اخذج للبيت ودعت البنات وطلعت من المدرسة وشفت بالشارع المقابل هاني واكف ومنتجي بالحايط ويدخن جكارة ويباوع عليه شفت سيارة بابا فتحتها ودخلت

جميلة:  هلو بابا شلونك شوكت جيت

حسين:  هلا بابا قبل شوي اجيت وامج كالت روح جيبها حارة عليها تجي مشي

جميلة:  اي والله بابا حارة

مشينة بالسيارة طريق كلة اني سرحانه بنظرات هاني

اييععع معقولة نعجبت بي اكييد لا ضربت ع راسي وكلت هاي هية بدت العطله ماريد اشغل نفسي خلص وصلنة للبيت سلمت على ماما رحت اخذت ملابس سبحت وكملت وكلت انام ارتاح شوية

نوب ردت انام بس افكر ب هاني يربي شجاي اسوي بنفسي وتخيلت تخيلات الله ليشوفها الكم عززاااا بقيت ساعة بالفراش اتكلب صارت ساعة اربعة طلعت لصاله لكيت ماما كاعدة تباوع تلفزون

جميلة:  ممحح ماما حبيبي

شيماء:  بنيتي الحلوة شلون جان يومج

جميلة:  ماما كلششر حلوو لمتنا وجمعتنا ونستنا كلشي حلو اشكرج ماما لان سمحتيلي اروح

شيماء:  شعندي غيرج بنيتي

جميلة:  ماما شو الولد ماكو وبابا وين

شيماء:  ابوج تعبان ونايم مصطفى جا صديقه واخذة يلعبون دعابل وكاظم طلع مدري وين هل ولد خبلني بعدة زغير ومسوي نفسه رجال لو يكبر شيسوي

جميلة:  ميخالف ماما كبري كلبج

بقينه نتفرج تلفزون اذكر جان طالع برنامج على ناشينل جغرفك مالت عالم الحيوان وكذا

صارت ساعة 6 كامت امي تحضر العشة واني طلعت افلام كارتون اشوفهن كعد بابا واجوي الولد اذن صلينه وتعشينة غسلت المواعين وية ماما وطلعنة لصالة

حسين:  بابا كاظم اذا نجحت هل سنة من سادس اجيبلك بليستيشن بس اقرة زين

كاظم:  صدك بابا

حسين:  اي والله بس اقرة

مصطفى:  بابا واني

حسين: مو ردت طوبة اجيبلك طوبة

مصطفى:  يايي بابا احلا بابا بالدنيا

راح حضن بابا وباسة

اني بقيت مدنكه لان نعفيت ومافكر يسالني شنو يجيبلي هدية ابد ما حسيت بحنانه واهتمامه اذا امي متكله عليه هو كلشي ميسويلي لهل سبب اني وكعت بالمشاكل بالمستقبل مجان كلبة عليه

مرت الايام وامتحن كاظم ونجح وبابا جابلة بلي وجاب ل مصطفى طوبة وبقو يلعبون بيهن

مرت ايام العطله رمضان والعيد ومحرم نهاية محرم بدة دوام والدراسة ومخبوصين كل واحد اشترة ملابس وجنط وقرطاسية كاملة

خابرت البنات واتفقنا ندوام كلنة باليوم ثاني ماكو وحدة تغيب

ثاني يوم

جميلة:  هلوو بنات شلونجن يمة شكثر مشتاقتلجن

بقينة وحدة تحضن الثانيه وتونسنة اخذنا دروس من اول يوم ردوس ايعع انطونة فكة نتنفس

بس انتبهت على شغلة هاني ما شفته يعني ما لاحظت وجودة بس بعدين كلت اووي، شعليه بي

كملنة الدراسة بهذا اليوم وطلعنه للبيوت نطونة تحاضير وبديت اقرة اووف كيميا وفيزيا واحياء وتاريخ رياضيات كلهن تحاضير لازم اقراهن كلهن

قريت بقيت اقرة صارت ساعة عشرة بليل نمت وحلمت حلم اجة هاني وشفته من بعيد يبجي وحالة يبجي الصخر باوعت عليه واجة ركض حضني ويبجي ماعرفت شسوي انيهم حضنته لان نكسر كلبي عليه ولان افتقدته بجيت حيل بالحلم فزيت واني عركانه سابحه بالعرك وصوتي مخنوك
ماكدر احجي باوعت لساعة شفتها 3 بليل كمت اشرب مي كوة مفتحه عيوني

ماحس الا احد بالمطبخ ومن سمع صوت تكرمون نعالي وكع كلاص من ايدة وانكسر اني كبل فزيت وعطت..........  يتبع