العذراء والذئب

الجزء السادس وعشرون

حبيبان نحنْ وأصدِقّاء أكثر مِن اللازّم 🖤.

#خمائل ال شمر

اني زينب ولج شبيج ههههههههه

جميلة: عابتلج عبالي احد غريب

زينب: لا سويته الج ونسيت انطيج حسابي كلت انصب عليج بس كلت خاف تروحين بيها وعفت النصب هههههه

جميلة: اويلي عليج زينب

بقينة نحجي واجت ماما كالت يلا كومي تريكي

كمت تريكت وكملت شغلي وكعدت العب بتلفون كمت اتعلم هواي اشياء بالتلفون وكل فتره تجي زينب تعلمني ع اشياء جديدة بتلفون لحد ما جتي يوم وكالت تعاي اسويلج انستا سوتلي وهم اجتني طلبات صداقة وكونت صداقات بنات صارن صديقاتي من غير محافظات وكامن يسون كروبات شباب وبنات ويضيفني واني اطلع

بقيت العطله كلها مابين الشغل بالبيت وبين تلفون الي صار ادماني صرت اشوف العالم كله بي اجتنه بالعطله عمتي عفاف وجانت قبل حية بس بعدين صارت زينه لان ضاكت لوعه الجنه عند العيال وبطلت تاذي امي وبين فتره وفترة نروح ويجون جهالها كلهم زغار بيهم ابتدائي وبيهم بعدهم ممسجلين

ما صار فدشي مهم بالعطله بس اجت مرة من المرات زينب وكالتلي خلي انزلج لعبه بابجي نلعب اني وياج حلوة اني مجنت اعرف شنو العاب وشنو هاي لعبة لحد ما نزلتها وعلمتني عليها بابا جاب لخواني ايبادات لان شافوني عندي تلفون ورادو بقينه نلعب بالبابجي لحد ما دخلنه مجموعة اصدقاء زينب ومن ضمنهم جان ولد اسمة الريس سوينه كروب ولعبنه وكمنا نحجي صوت ومن هل حجي وصار، ونسة وضحك

بقينه نحجي كلنه وسالة واجوبة اني كتلها لزينب مننطي اسمائنا الحقيقيه اني جان اسمي ملاك مستعار وزينب جان اسمها فاطمه خلصت العطله اني وزينب دخلنه علمي رسل واماني راحن ادبي

بدت دراستنا وبقينة اني وزينب ندرس خلصت السنين وعدت سنتين نجحنا للسادس

جانت عدنة عطله مابين الخامس والسادس وجان لازم ناخذ دورات المعهد لجنه ناخذ بي بعيد عنه يعني يحتاجله خط حتة نروح ونرجع بي سالنة لبنات وكالن هاني ابن ابو شهاب مسوي خط راح نروح بي اني كالولي هاني حطيت ايدي ع كلبي مدري شصار بية احس كل المشاعر اختلطت عندي كالو تسجلين ويانه بخطه زينب كالت خلي نسجل وسجلنه اووف يعني باجر راح اشوفه من بعد غياب 3 سنوات

اجه الليل وما اسولفلكم انعاد شريط ذكرياتي كلة وياه كوة نمت

كعدت ثاني يوم ع صوت المنبه غسلت وتريكت وبدلت وطلعت وكفت بالباب واجة دك هورن يم لباب وطلعتله يارب خلي كلبي يهدة اول ما صعدت لكيت بنت من صفنه صاعدة قبلي سلمت وكعدت واباوع عليه عدل المراية وخلاهة كبالي كمنة نلم بالبنات والولد وهو كل مرة اباوع عليه الكي يباوع عليه بالمراية