العذراء والذئب

البارت الثامن والعشرون

حبايبي سوللي تفاعل حتى يوميه انزللكم بارت مابقه شي وتخلص الروايه

إلىٰ أينَ يَذهَبْ مَنْ لَمْ يَجدْ حضنًا يَحتويهْ ؟
مَنَ عَاشَ عُمرًا طَويلاً
فَاقِد الرَغبةَ في الحَياةِ وَالهَمُ يَعتَريهْ
هّوَ رَفيقُ الوحدَةْ جَليسُ العُزلةْ مُؤنس الوَحشةْ
هّوَ الَذي رُغمَ الزِحامِ إختارَ الاِنزِواءَ نابِذٌ لِأهلهِ وَذَويهْ

هّوَ الَذي لا يَدع لَهُ حَقًا إلا اِستَرجَعَهُ
وَلا يَترُك دَينَ باطِلٍ في عُنقِهِ إلا وَأعادَهْ
هّوَ مَنْ يَقُل لِلشَيء
أنا أولاً ثُمَ أنتْ
هّوَ الَذي لا يَحصِل مِنَ الأمرِ إلا ما أرَادَهْ

#خمائل ال شمر

جميلة:  ولج زينب عززا  شراح نسوي فدوة ما اكدر والله اموت تدرين ابوية شيسوي بيه اذا عرف هل شي واذا شوفه المحادثات مالتنه اكيد راح يعرفني لان جنت احجيله لزغيرة ولجبيرة بالبيت وبابا هو من غير شي ينتظر زلة مني حته يعاقبني وانتي تدرين شصار بيه بين ماجابلي تلفون

زينب: اهدي حبيبتي اول شي راح انطي بلوك راح احذف حسابج ورة فترة اسويلج واحد جديد لتخافين واني راح احجي وية اخويه بهذا الموضوع هو كلش متفهم وراح يتفهم

جميلة:  فدوة انقذيني ماكدر اعيش هيج واني خايفه

زينب:  اهدي ولتخليهم يشكون بيج اني راح اروح واسولف لاخويه كلشي صار بس اهدي

راحت زينب واني من القلق وتفكير صخنت واكل ما اشتهي وحالتي حالة اجت امي عليه وشافتني مصخنه اخذوني لدكتور وفحصني وكاللهم صاير عدهة حمى فايروسيه نطاني علاجات ورجعنه

امي بقت يمي تسويلي كمادات وتجيبلي اكل وتجبرني عليه واكوم اردة هلكد ما نفسي لعبانه من كلشي اصلا كارهة كل حياتي

لليل واتصلت عليه زينب

جميلة:  بسرعه بشريني بشي يفرحني

زينب: حجيت وية اخويه وتفهم وراح اخذ جماعته على هاني ع الاساس ياخذونه كروة وهو حط تلفون ع الميز وصديق اخوية ماخذة برة كله اريد اكلك شغله خاصه كال وهو طلع شلنه تلفونه وعندي صديقي يفتح رموز تلفونات بسرعه فتحه وحذف المحادثات ودخلنه على الاستوديو وشفنه خاف محتفظ بصور سكرينات ما لكينه شي بس المحادثه وحذفناهة حذف نهائي وكال لتخاف بعد واذا ندك بيها مرة ثانيه نكسرة

جميلة:  ولج متصورين شكد فرحتيني وشكد ارتاح كلبي الله يريح كلبج ويسعدج ويسعد اخوج انتي اغلا صديقه واخت بحياتي

زينب:  يروحي انتي ما سويت الا واجبي يلا هسة نامي ارتاحي كلت ابشرج بهل خبر وباجر اجي عليج تمام

جميلة:  تمام حبيبي كلش اشكرج

زينب:  حبيبي لتشكريني انتي اختي احبج باي

جميلة: واني احبج باي

ورة ما سديت تلفون متصورون الراحه الي عشتها ع اقل هسة اذا راد يحجي ما عندة دليل كمت رغم تعبي توضيت وصليت صلاة شكر لوجه الله ونمت مرتاحه

كعدت صبح على ايد ماما جاي تشوفني مصخنه لو لا ولكت الصخونه خفت كعدت وصبحت عليها وبست ايدها كتلها شكرا لان انتي بحياتي

حضنتيني وباستني وكالت يلا كومي غسلي وتعالي تريكي

ما اكلك ارتاحيت 100 بالمية يعني هم بقه خوف بداخلي خاف يتعرضلي بعد بطريقي لو يسويلي شي حسبت الف حساب الة

كمت غسلت وتريكت وردت انضف وية ماما ما قبلت كالت ارتاحي وكالعادة رحت لغرفتي وكعدت ارسم

لظهر اذن كمنه نتوضه ونصلي وراهة تغدينه ورحت مددت كلت ارتاح شوية انام والله ماخذتني النومه ونمت

اجتني العصر زينب وكعدنه نسولف

زينب: وعديني بعد مدخلين بهيج اشياء وتنتبهين ع دروسج وراج سادس اريدج طلعين احسن معدل

جميلة:  ان شاء الله يارب اشكر الله لان دزج الية احبج هواية

حضنتها واني ابجي من الفرحه ولان الله عوضني بيها من فقدت حسناء وعوضني لان ماعندي اخت

مر شهر على الحادثة والحمدلله صرت احسن لان كعدنه بالبيت وبعد ما شفته ولا سمعت عنه خبر وراهة بدة دوام بالمدرسة ماما كامت تخاف عليه وحدي كامت دز لو بابا وياية لو اخوية يودوني ويرجعوني وبدت السنه على خير الحمدلله بديت اشد حيلي واقرة امتحانات كلهن اجتازيتهن بتفوق

مرت الايام والاسابيع والاشهر امتحنه نصف سنه ونجحت بمعدل 98 اعلى وحدة بالصف زينب جان معدلها 92 مشت الامور على خير لحد قبل ما ينطونه العطله علمود نقرة بيها للبكلوريا قبلها بيومين جاي ارجع اني واخوية وشفت هاني واكف يم سيارته اني من شفته تخربطت احاولي كلت خاف يسوي شي الية لو لاخويه وكتله لاخوية امشي بسرعه ليش تمشي على كيفك بالرغم جان يمشي سريع بس ماردت يوصل يمنه هاني وباوعت عليه وهو يخوزر بعينه متت بوقتها كلبي يدك الف دكه بالثانيه لحد ما وصلت البيت واني ادعيي ميصير شي

اخر يومين غبتهن بالمدرسه كلت ما اريد اشوفه ودعيت الله يخلصني منه دعيت بحركه

بقيت  بالبيت اقرة بكلوريا فتره بابا يوديني يم زينب وفترة هي تجيني

بيوم جنت كاعدة اقرة وجتي زينب ركض عليه

جميلة جميلة جميلة

جميلة: شكو شبيج صاير شي

زينب: ثواني اخذ نفس

جميلة:  احجي ولج وكعتي كلبي

زينب: جميلة هاني مسوي حادث بسيارته ومات

جميلة:  شنووو...... يتبع