ياوجد حالي على قلبًا تعلق بها
الصباح يوم الخميس وقت الظهر
الجده لولوه : هيام ليان قومو يلا
ليان : ياجده اطلعي شوي بقوم
الجده لولوه :قومي لا البسو وجهزوا ام فلاح مسويه عزومه عازمتنا على الغداء
( كانت من عادات وتقاليدهم كل يوم خميس او جمعه وحده من حريم الحاره تسوي الغداء او العشاء عندها وتعزمهم)
هيام : ابشري ياجده الحين اقوم اصلي والبس و اجهز
الجده لولوه : الله يبشرك بالجنه ياعيون جدتها
ليان : خير وانا ياجده ماني عيونك
الجده لولوه وهي تضحك : انتي لو تسيبين برود دمك تصير عيوني كلها
قامو سلمو على رأسها وطلعت
ليان : هي انتي
هيام : لي اسم ناديني فيه
ليان : بتروحين للعرس الي قالته لكم جده قبل يومين
هيام : ان شاء الله ليه لا
ليان : ايه زين
..........
ريماس : عنود يالتبن عطيني الروج انا خلصت
العنود : يا ادميه اصبري علي بخلص واعطيك
ريماس : انتي حافظين شكلك انا اول مره شكلهم يشوفوني حتى لازم اتكشخ
العنود : تراهم يخطبون لعيالهم ناويه
ريماس : مابقى الا عيال الديره اتزوجهم حيلي عني بس
العنود وهي تضحك : اتخيل شكلك متزوجه واحد عنده نياق ياربي
ريماس بثقه : انا مستواي أعلى من كذا
العنود : ايوا واضح
ريماس : اخلصي بسرعه لا تجينا جده الحين معصبه
عند الهيام اخذت جوالها ودقت على ريماس : اسمعي بجيكم اجهز معاكم اغلب اغراضي بالرياض ما جابوها
ريماس : يلا تعالي بسرعه جده بتكفر فينا لو تأخرنا زياده
هيام بضحك : لا ماعليك بجيك ركض لعيونك عشان جده ماتكفر فيك اخاف عليك
ريماس : يالبيه أحبك يالهيام احبك
العنود بصوت مرتفع عشان تسمعها الهيام : وانا لي الله
هيام : انتي القلب كله
ريماس : لا والله عجيب اقول تعالي تعالي وانا اوريك
هيام عند ليلى : ماما بروح عند ريماس والعنود اجهز واجي معاهم تمام
ليلى : تمام انتبهي لجوالك اذا دقيت عليك ردي
هيام : ابشري
لبست عبايتها باللون البنفسجي الفاتح وطرحتها البيضاء هي ما كانت تدري ان عادات الديره ما تسمح لها تلبسها هنا ولا احد قال لها كمان
خرجت ركض بحكم ان فيه شويه مسافه بعيده بين بيتهم وبيت اعمامها عبدالكريم و عبدالله
وهي تركض على جوالها شافوها مجموعه عيال مارين من عند بيوت اعمامها
يزن : اوب اوب مين انتي
الهيام انكرت الصوت و لفت تناظر
يزن : ياعيال حلوه مقدر
بتال : ماالومك ايش اسمك انتي بنت من
هيام : و أنت وش دخلك ابعد
سلطان : يازينك حتى صوتك حلو
وقرب منها
الهيام خافت طبيعي وقامت تركض
وهم يلاحقونها
شافهم فلاح وبحكم ان شلتهم يعرفها وقف قدامهم : اوب اوب على وين
يزن : الله يقطع رزقك ياشيخ خربت علينا
فلاح : اتركو بنات الناس ياللي ماتخافون الله اذلف انت وياه لا تشوفكم عيني والله اذبحكم
سلطان : ايه زين نشوف نشوف امشو يعيال خرب ابو جد جونا
راحو وناظر فلاح وين راحت واستغرب انها دخلت بيت اخوياه الي هم فارس وعزام بس كمل شغله عشان العزيمه ببيتهم
YOU ARE READING
ياوجد حالي على قلبًا تعلق بها
General Fictionبسبب خلاف بين اب وبنته مجهول الهويه يكون سبب بكره اختها لها ومع الايام تكشف الوضع وتبدأ رحلتها وتشتتها و تبحث عن أهلها وكيف بتنسى الي عاشت معاهم ١٧ سنه الي كانت تظنهم أهلها وكيف بتتعود على حياتها الجديده
