ياوجد حالي على قلبًا تعلق بها

بارت ٢٦

ياوجد حالي على قلبًا تعلق بها

............................................

كملو طريقهم راجعين للسياره رايحين اقرب مطعم ياكلون ثم يرجعون البيت

بندر : يعيال والله نايف له فقده
فز قلبها من الجهه الثانيه يوم سمعت اسمه تكت على الشباك وجلست تناظر في السيارات الرايحه والجايه وهي تفكر بزواجها وحياتها الثانيه الي بعد كم يوم و اخذتها الهواجيس لين سمعتهم ينادونها عشان ينزلون يتعشون بالمطعم
فجر : ميلو يلاا امشيي
ميلا : جيت جيت
نزلو كلهم من الباص واشكالهم فوضويه وازعاج بس كانوا سعيدين بالطلعه الخفيفه هذي
دخلو المطعم وراحو البنات بطاولات بعيده شوي عن العيال عشان ياخذون راحتهم وبالمثل عند العيال
فجر : جهزتو لزواج ميلو
حنين : انا جاهزه بس انتظر العرس
هيام : يوه بنات تذكرت
شادن : وش
هيام : نسيت اشتري كعب يناسب الفستان
حور : هيام منجدك لك اكثر من ساعتين بالمول فاضيه ماعندك شي كيف ماتذكرتي
هيام : شسوي نسيت طيبب
جائهم العامل اخذ الطلبات منهم وسألهم عن الحساب
حور اشرت ب اصباعها على طاوله العيال  : شفت ذيك الطاوله الحساب عليهم
استغرب العامل وجلس يناظر فيها
حور : اقول لك الحساب عليهم روح
راح لهم ووقف عند ذيب الي استغرب جيته
ذيب : طلبنا نحن ايش فيه
اشر العامل على طاوله البنات : يقولون الحساب عليكم
ضحك ذيب : شف الكلاب حطوها فيني عشان اطفر
راشد : لا تخاف مانك مطفر اغنى مننا كلنا ويتفلسف
ذيب : يولد اذكر ربك
حاسب ذيب وجلسوا سوالف وضحك الين تعشوا وعند باب المطعم الخارجي تفرقوا عنهم هيام وذيب راحو بسيارتهم على بيتهم عكسهم الي راجعين كلهم لمجمع العائله حقهم
.......................
في مكان ثاني بعيد كل البعد عن الي حصل قبل شوي
في مكتبهم ويقلب بين اوراقه جاه اتصال رفع الجوال
نايف : اهلًا
فهد : اهلاً اللواء نايف بن نادر بن عايض ال.....
نايف : ايه نعم وصلت خير وش فيه
فهد : طال عمرك عندنا واحد اسمه عبدالرحمن يقول لنا يبيك بكلام وماهو راضي يفكنا
نايف : عطيه الجوال
ماهي الا ثواني وطلع صوت عبدالرحمن: نايف
نايف : نعم
عبدالرحمن: تبي تعرف من الي وصل لنا اختك
نايف وبدأت العصبيه تفور منه هو مايحب ذا الطاري ابدًا: منهو
عبدالرحمن بضحك : جدك جدك عوض الي قلب حياة ابوك فوق تحت
نايف : امسك لسانك لا اجي افجر فيك الحين وش تقول انت
عبدالرحمن: مانت مصدقني راقب ارقامه وحساباته وتعرف
قفل نايف منه ودق على طول على منصور : منصور
منصور : لبيهه
نايف : لبيت حاج بالله ماعليك امر برسل لك رقم وطلع لي كل شي يخصه و ارسل
منصور : تبشر على خشمي الان
نايف : ماتقصر يالمنصور جمايلك واجد عندي
منصور : افا عليك مابيننا جمايل وحنا اخوان
نايف : توصي على شي
منصور : ابد خذ راحتك مع السلامه
قفل من منصور وتكى على الكرسي يفكر بالكلام هل هو صادق فيه طيب جده وش بيسفيد دامه مسوي فيهم كذا ماهو بغافل عليه حركات جده مع ابوه بس مايعرف وش السبب ولا حب يتدخل بالموضوع ويزعج نفسه وينزعج
هز راسه من قوه الافكار الي داهمته وازعجته ويحاول انه يبعدها عنهه غمض عينه ومر عليه طيف الميلا في اخر مره شافها وهو داري انه بيرجع وهي زوجه واحد ثاني مو له غمض عيونه ومسك يضغط راسه بعنف وقف على رجوله وقفل مكتبه وشغل سيارته وحرك ياخذ له قهوه ويرجع لشقته الي لطالما كان هو وحيد فيها ومحد يدري عنها غير لما جوهه اخوانه فهد وتركي
مسك جواله يقلب فيه يشغل اغنيه وفتح شباك السياره والهواء يداعب شعره الي طول كان يوصل لعند حواجبه