ياوجد حالي على قلبًا تعلق بها

بارت ١٩

ياوجد حالي على قلبا تعلق بها
.......................
في المطار
فهد : اسمع عندك عنوان بيته خذيته من ذيب صح ؟
تركي :اي اخذته ، بس مو اول مانوصل نروح له نريح نروح له
فهد : نريح ببيته هو مو اخونا !
تركي : صعبه يافهد ندخل عليه فجاه ونجلس كيف بنكلمه كذا
فهد : انا اعرف على العموم بنروح عنده و ارسلت له بس زي العاده ما استلمها ولا يرد
تركي : الله يعين يافهد الله يعين
..............
الجد عوض : الله يصلح نايف ويرجع
الجده غاليه: ياليتك تكف عن افعالك وتخليه يعيش زي ماهو يبي وتزعلون لا ضاق عليكم وابتعد
الجد عوض عصب من كلمها : انا اعرفه اكثر منكم كلكم ولو انه ماهو راضي كان تكلم
الجده غاليه : استنر على افعالك لين بكرا تشوفه مايطب عتببه الباب
الجد عوض :شوفي ذيب اعطيتهم كلهم نفس الاسلوب واخترت لهم الي اشوفه صح ذيب مبسوط ومرتاح وزوجته معاه ماسوا سوات النايف
الجده غاليه : لان ذيب من صغره يبي كذا تذكر وش كانوا يبون ولا اذكرك !
الجد عوض : بس ياغاليه بس خليني ارتاح
الجده غاليه : من باقي ما اخترت له شي غصب عنه صقر ؟ بندر ؟
ارحم حالك واحفادك خلهم يعيشون ويختارون زي مايبغون كفايه يا عوض كفايه
الجد عوض : اطلعي ياغاليه دام النفس طيبه
الجده غاليه : بطلع وشوف فرق التعامل وانت فاهم من اقصد

طلعت وسكرت الباب ونزلت تحت مع حريم عيالها تتقهوى والبنات حاولينها يسولفون لها
................
عند العيال في الخيمه
بندر : شرايك نطلع شاليه ونغير جو طفشت من جو البيت كئيب
صقر : قدام بس وين نبي عالبحر
راشد : طيب اسمعو نروح الشرقيه ولا جده ناخذ شاليه عالبحر ومنها نغير جو وناخذه ايام
بندر : فكره بس وش يقنع عمومنا الحين
راشد : سهله علمو البنات وبيوافقون على طول
اورنس : والله انك صاادق
راشد : الحين اسوي قروب وندخلهم فيه
اياد : العن شكلك عندك ارقامهم يالوصخ
راشد : استهبل يالهطف انت كلهم بقروب العائله ولا ناسي
اياد : ايه صح يلا سوي وخلني مشرف بالله عشان الي مايعجبني رده بطيره
راشد : ابشر يولد العم انا الي بطردك والله
ورمى عليه التكايه : قم هناك
اورنس : من بتدخلون كل البنات
بندر : دخلو بس الي مو متزوجات وجالسين بالبيت هنا
صقر : ياوك يا ازعاجكم انت وياه لو ذيب ولا نايف فيه الغوكم بسبب القروب ذا الي بتسونه
راشد : شايف احد منهم هنا ؟ يعني الوضع اوكي

.............
سوو القروب ودخلو فيه ( فجر وحنين وميلا وشادن وحور ، تركي و صقر وبندر وراشد واياد و اورنس )
راشد : اول شي السلام عليكم
فجر : شتبي يالوصخ مدخلنا بقروب
راشد : فجر بالله اسكتي دقيقتين بس
اياد : اطردها واضح مزعجه
فجر : لا والله من المزعج انا ولا انت اسكت بس
راشد : ثاني شي خططنا انا و العيال نطلع شاليه موافقين ؟
فجر : تم موافقه
ميلا : قداامممم
حنين : تم
شادن : اممم بفكر
حور : تم موافقه بس وين
راشد : سؤال حلو يا حور وين اختاروا وين تبونه بجده ولا الشرقيه تصويت
فجر : يساتر يالوناسه جده جده تكفى
حنين : جده
ميلا: كلها عادي بس مو صعبه
شادن: الشرقيه
حور : ماتفرق معي اهم شي نطلع