ياوجد حالي على قلبًا تعلق بها

البارت 7

.....
جالسين الحريم ومعجبين بحفيدات زيد والي ناويه وحجزت لولدها ويشوفون كيف انهم محترمين ووافين وجالسين العزيمه الين جاء وقت يوزعون الصحون
ام فلاح : يابنات تعالو
هيام : ابشري ياخاله قومو بنات
راحو لها
ام فلاح : الحين بتجي صحون الغداء مجموعه تفرش السفر وتوزع السلطات وبعدين تعاونو وشيلو الصحون وانا معاكم

قامو البنات وكانت خمس صحون وناقصهم كرتون مويا 
ريماس وهي منشغله بالصحون توزع السلطات : هيامي دقي على غيث يجيب كرتون او اثنين مويا ناقصتنا 
هيام : تمام، الو غيث
غيث : هلا
هيام : ابيك تجيب كرتون مويا اذا ما كان ثقيل عليك
غيث يضحك : ما تثقين بقدراتي افا
هيام : يلا انتظرك عند الباب
غيث : تمام

شال كرتون مويا من المستودع وطلع رايح لهيام يعطيها 
غيث : وخري بدخله ثقيل عليك
هيام : لا والله بعدين وش الجروح الي بوجهك ذي تعال
غيث : وانتي شعليك وخري ادخله
هيام : مين  الي ضربك بس قول لي اضربه
غيث : ماتعرفينهم ماعليك خذي الكرتون بروح اجيب لكم الصحون الله يعيني كل ما قلت شي قالو أصغر القوم خادمهم
هيام تضحك عليه : تتخطى تتخطى يابطل
...........
تسريع أحداث ( وزعو الصحون وبدأ الكل ياكل عند مجلس الرجال

سلطان : السلام عليكم يرجال
ردو السلام الي بالمجلس
الا فارس وغيثوعزام وفلاح فزو
الجد زيد : شفيكم انتو اجلسو تغدوا كمل اكلكم
رجعو جالسين وهم عارفين وراهم مشكله

سلطان يزن بتال  جلسو جنب عبدالرحمن ابو هيام

سلمو عليه وجلسو معاه بنفس السفر الي كان متواجد فيها ابو متعب و ابو عزام وفيصل وهتان
ابو متعب : تفضلو تاخرتو ليه عسى ما شر
ابتسم بتال وتكلم يزن : ابد نبي نكلم العم عبدالرحمن
عبدالرحمن لف عليه : خير عسى ما شر
سلطان : كل خير ان شاء الله بس خذ الجوال شوف هذي ماهي وحده تعرفها
اخذ عبدالرحمن الجوال وشاف هيام ورمى الجوال وكمل اكل
سلطان : ذي بنتك ولا انا غلطان
عبدالرحمن : غلطان ماهي بنتي
بتال : تستهبل علينا بنتك ذي ولا
عبدالرحمن : قلت لكم ماهي بنتي اعرفها صح بس ماهي بنتي
ابو عزام (عبدالله) : هات الجوال يولد
شاف صور هيام وفز وقال : اعقب ذي هيام
اخذ فيصل الجوال على طول وشاف الا هي صدق هيام
هتان بغضب : وش تسوي صورتها عندك ياكلب
سلطان : وانت شدخلك
فيصل : قسم بالله ان ما تكلمت لل امسك وجهكك ادفنه بالارض
سلطان : بالله جرب
فيصل بكل غصب مسك راسه وضربه بصحن الرز الي عالسفره  وقامو كل الي بالمجلس يشوفون
عزام : وش فيه
فيصل : ذا الكلب عنده صور الهيام
عزام : شتقول انت انا شايفه يحذفها
الجد زيد  بعصبيه : وشو هيام بنت عبدالرحمن حفيدتي
عبدالرحمن بصوته كله : ماهي بنتي ماهي بنتي انا عندي بنت وحده بس
عبدالكريم ابو فارس : اعقب استح على وجهك بدال لا تدافع عن بنتك تجحدها قدام الناس مهبول انت
عبدالرحمن : ما جحدتها انا قلت الحقيقه تبون تعرفونها الله يحيكم بالليل اقولها لكم
لف على سلطان ويزن وبتال وكمل : صورها مالي دخل فيها حريقه أن شاء الله وطلع مع الباب
فارس : وانا ولد عمها والله ما اخليها
مسكوهم ضرب العيال والجد زيد وعياله طلعو يلحقون عبدالرحمن يبون يعرفون وش سالفته ذا مع بنته الي يجحدها بكل مجلس
ابو زيد : وقف عندك ياولد
عبدالرحمن : ابوي انا قلت لك خلهم يرجعون بالليل اقول لكم السالفه كلكم الحين عندي شغله ركب سيارته وطلع
.......
عند الحريم راحو أحفاد الجد زيد العيال من اكبرهم لين اصغرهم قدام باب الحريم بعد ما تأكدو انها انحذفت وفعلا حذفوها وبسبب ضربهم في سلطان ويزن وبتال فيه الي  منهم طاح مغمى عليه والي كله دم مو قادر يتحرك والي انهزم من اول كف جاه