جالس بسيارته ومليون فكره تداهم راسه هل يعترف ولا يسكت هل لو اعترف لها بيكمل معاها ولا عشانه بيسافر عشان يتعلم يفكر يفكر وانتهى حبل أفكاره يوم شاف فارس جايه صد عنه بالنظر واستغرب فارس الحركه هذي منه
فارس دخل السياره ولف له : اشوفك صاد عني عسى ما شر
عزام كان ساكت
فارس : اكلمك انا لا تسفهني شفيك انت
عزام : مافيني شي ابي اجلس لوحدي
فارس : افا حتى انا ما تبيني
عزام : ابيك لكن خايف افقدك يالفارس
فارس : ليه تفقدني ناشب لك انا ولا ناسي مين نحن يالحبيب
عزام ضحك : يحبي لك ما نسيت اكيد لكن تعرف بعثتي وكذا وانا خايف جدي يرفض و اروح غصباً عنه لان حلمي ولا ودي اوقفه بسبب عادات وتقاليد غبيه
فارس صد بضحكه كشر عزام بوجهه ونزل يدخل المستشفى يشوف وش صار عليها
..........
هيام : يبنات ساعدوني على الاقل البس عبايتي مو جاء الاكل ونسيتوني
ريماس وهي تاكل : الاكل اهم
هيام ضربتها من جنبها : اوريك يالكلبه
ريماس تناضرها وتضحك وكملت اكل
دق عزام الباب يبي يدخل
هيام : مين
عزام : انا عزام
هيام وهي تاخذ طرحتها تلفها على شعرها : ادخل
عزام : وقعنا لك خروج متى ناوين تخرجون
هيام : بالله كلمهم شوفوهم جالسين ومحد يساعدني جالسين يأكلون
عزام بصوت مرتفع : عمى قومو ساعدوها الاكل ماهو بطاير
لنو : لا ترفع صوتك و اطلع برا
عزام : لا ياشيخه امشو اطلعو يلا
هيام : خلاص خلصت انا اساسا الا بسألك وين فارس
عزام وهو غيران : بالسياره ليه
هيام : بس بتاكد اخذ ادويتي ولا
عزام : الا معاه انتو اطلعو بس
وبعد مهاوشات عزام معاها طلعو اخيرا راجعين للديره
تفرقو بسيارتين
السياره الأولى فيها
هتان وفيصل وغيث وريماس ورهف وماجد
السياره الثانيه فيها
عزام وفارس و ابراهيم و لنو وهيام و العنود
بدون اي أحداث مهمه طول الطريق
وصلو وكان ابو الهيام برا ومعاه ابو متعب
(تعريف لعائله ابو متعب
ابو متعب ( محمد) عمره ٤٤ صديق ابو الهيام الروح بالروح
ام متعب ( أفراح) عمرها ٤٢ كانت اسم على مسمى
متعب : عمره ٢٣ سنه بنعرف شخصيته مع الأحداث الجايه
بدر : عمره ٢٠ سنه انسان متقلب مزاج والي يحدد مزاجه الناس الي جالس معاهم
جود : عمرها ١٩ سنه تعرف الهيام لكن علاقتها فيها سطحيه وتحمل نوع من انوع الحقد)
نرجع للأحداث
ابو الهيام : اقولك يا بو متعب
ابو متعب : سم
ابو الهيام : ماودك نطلع كشته من زمان ما طلعنا كشتات وكذا
ابو متعب : ايوا الله انك صادق وناخذ الاهل معانا بعد لهم مده ما شافو بعض
ابو الهيام : اجل تم متى تبيها
ابو متعب : نخليها الجمعه يعني بعد اسبوع
ابو الهيام : تم اجل
..........
هيام يوم شافت ابوها فزت وقالت : عزام
عزام فز قلبه يوم نادته : لبيه
هيام : لبيت حاج بالله اذا ما عليك امر ابيك تنزلني ببيتنا من الباب الي وراء
عزام عارف ليه كذا اكتفى ب انه يقول لها : ابشري
هيام : بشرك الله بالجنه
YOU ARE READING
ياوجد حالي على قلبًا تعلق بها
General Fictionبسبب خلاف بين اب وبنته مجهول الهويه يكون سبب بكره اختها لها ومع الايام تكشف الوضع وتبدأ رحلتها وتشتتها و تبحث عن أهلها وكيف بتنسى الي عاشت معاهم ١٧ سنه الي كانت تظنهم أهلها وكيف بتتعود على حياتها الجديده
