ياوجد حالي على قلبًا تعلق بها
........
اول ما وصلو المستشفى فزو هتان وفيصل يكلمون ممرضه تجيب سرير وتنقلها
جات الممرضه ومعاها ممرضتين ثانين خذوها وراحو يركضون لدكتور القلب
ودخلوها وهم ما يدرون ايش صار و ايش السالفه
وعلى طول جاء وراهم امها وخالتها وريماس وغيث وعمها عبدالله
اما ابوها رجع البيت ولا كأنه مسوي شي
ليلى ببكي : تكفون بنتي فيها شي وش صار الله ياخذه من رجال
محاسن: يبنت هدي واستهدي مافيها الا كل خير الحين يطلعون ويطمنونا
وحضنت اختها تهديها
عند العيال
فيصل فز لاخوه وسحبه برا ولاحظوهم هتان وغيث ولحقوهم
فيصل بشك : شفيك انت تبكي مافيها الا العافيه ما أخبرك تبكي عشان احد يدخل مستشفى ولا شي
عزام ساكت ولا تكلم هو بنفسه ما يدري ليه يوم شافها بذا المنظر قام يبكي وقلبه الي يوجعه بس الي تأكد منه انه فعلا هو حابها
هتان بنبره جديه : عزام انت تحبها صح؟
عزام بعد سكوت دقيقه : ايه احبها والله احبها
غيث : امحق عندنا حبايب هنا
عزام هبده على راسه : مو وقت مزحك ترا وها خلوه بيننا ياويلكم لو يطلع
هتان وفيصل وغيث بنبره وحده : تم ازهلها
...........
عند الجد زيد
الجد زيد : الاجازه بتبدأ والله يا انهم يجلسون عندي شهر كامل وزوده بعد ماني ممانع ولا عيالي احفادي ما اشوفهم الا بالشهر مرتين والثاني عبدالرحمن له خمس شهور ما صارت ذي
الجده لولوه : يارجل استهدي انت خابر اشغالهم وين ربي رازقهم اتركهم على حالهم
الجد زيد بغضب : انا داق على عبدالرحمن الليله يجيني وياسواد ليله لو رجعو لذا المدن وش مقصره فيها الديره وانا عندي حلال ومحلات يعيشون عليه يشتغل فيها ارحم له من الشركات ذي
الجده لولوه بقله حيله : ان قدرت عليه دق
الجد زيد : غصب عنه انا الحين رايح اكلمه يجيني هو وحرمته وبناته
...........
المستشفى
طلع الدكتور ويبشرهم : هي بخير لكن للحين ما اتضح لي اسباب الم القلب والكتمه انا اشوف تودونها طبيب نفسي أفضل
عبدالله : ليه ايش تقصد بطبيب نفسي
الدكتور : واضح انها تعاني من ألم نفسي أثر عليها جسديًا انا نصحتكم تودونها افضل
ليلى : ومتى تصحى طيب
الدكتور : غالبا من ساعتين الى اربع وفي ازدياد لان تأثير المخدر قوي شوي
عبدالله : الله يعطيك العافيه
ولف على محاسن يقول لها يرجعون البيت يرتاحون افضل لهم من القعده هنا
محاسن : يا ليلى امشي البيت ريحي افضل لك ولها
ليلى :كيف اروح واترك بنتي لوحدها صاحين انتو
عزام : انا موجود واخواني بعد
ليلى :ماني رايحه انا كذا مرتاحه
محاسن :يابنت الحلال قومي ريحي انتي حتى ما فطرتي الحين تطيحين علينا امشي يلا
وبعد محاولات و اصرار راحت
وبقى عزام وهتان وفيصل وريماس
..........
دق جوال عبدالرحمن :هلا ابوي امر وش بغيت
الجد زيد : يومين بالكثير و انت عندي ما ابي أعذار
عبدالرحمن تذكر وضع هيام : يايبه صعبه كيف يومين خلها اسبوعين
الجد زيد :مجنون انت تبي تذبحني عطيتك الي عندي يومين بالكثير وانت عندي غيرها انت مو ولدي ولا اعرفك ولا اخر مره شفتك فيها قبل خمس شهور
عبدالرحمن : سم يبه و اسفين
قفل الجد زيد بوجهه وراح يدق على عبدالله
........
رد عبدالله : أرحب يالغالي امر
الجد زيد : اسمع يومين بالكثير وانت عندي مو تسوي لي نفس اخوك تقول ما اقدر
عبدالله بشك : اخوي من
الجد زيد : ذا الي ماخذه معاك عبدالرحمن
عبدالله : خلاص ماعليك ادبرها ونجي تأمر على شي
الجد زيد : سلامتك
..........
راح عند محاسن يناديها
عبدالله :يا محاسن
محاسن : هلا
عبدالله : يومين بنروح الديره عند ابوي
محاسن : و هيام واختي كيف ما بخليهم لحالهم
عبدالله : حتى عبدالرحمن لاحقنا ورايح قبلنا بعد الظاهر اول ما تصحى هيام بيشيلها ويمشي
محاسن : الله يسهلها
ما وصلت عند ليلى الا و تسمعها تكلم عبدالرحمن
ليلى : ياطول البال البنت ما صحيت للحين من المستشفى و انت تقول جايني نروح الديره
عبدالرحمن : تبين ابوي يكفر فيني اول ما تصحى بنمشي ماني مسوؤل الي عندي قلته
ليلى : وبعدين ما جهزت لا ملابس لنا ولا شي
عبدالرحمن : انا بخلي ليان تجهزها الحين شوي وانا جايك نروح المستشفى
قفل ولف على ليان
عبدالرحمن : ليان يبه حطي ملابس لامك وهيام ولك رايحين الديره اسبوع ونرجع
ليان : بابا مانبي نروح
عبدالرحمن : مالي كلمه جدك يبيكم روحي جهزي شوي ماشيين
ليان ابتسمت : ابشر
وركضت لغرفه اختها حطت لها بجامه وبنطلون وشورت وهي عارفه اختها اذا راحت الديره مستحيل تشيل هذي الملابس ابتسمت بشر وقفلت الباب
.........
بالمستشفى
ريماس : هاتنوه وفيصلوه جوعانه قوموا جيبو لنا اكل
فيصل : والله انه تم عشر دقايق وهو عندك
راح ينزل لمطعم قريب من المستشفى اخذ لهم اكل وراجع
وهو راجع شاف عمه عبدالرحمن وخالته ليلى
فيصل ب استغراب : سلام ياعم وش جايبك
عبدالرحمن : ماني مسوي شي باخذ بنتي و اطلع
فيصل : الهيام ما صحيت لسى ووين بتاخذها
عبدالرحمن : وانت وش دخلك بنتي ولا بنتك اذلف عني
ليلى سحبت عليهم وراحت بتطلع فوق شافها عبدالرحمن ولحقها
فيصل اخذ جواله ورسل لهتان : اسمع عمي جاء بياخذها انتبه وقول لعزام يهدي انا باخذ مويا وجايكم
.....
عند هتان وعزام وريماس
فزو كلهم يوم شافوها صحيت تناديهم
الهيام : وين أمي
ريماس : راحت تريح بالبيت الحين ندق عليها تجيك
الهيام : لا لاتدقين برتاح شوي وبعدين يصير خير
هتان وعزام : الحمدلله على سلامتك
الهيام وهي تصد عنهم : الله يسلمكم
فهمو ريماس الي تاشر لهم يطلعون شوي وطلعو
وفز هتان يوم شاف رساله اخوه ولف على عزام يعطيه جواله يشوف : خذ شوف ولا تعصب
عزام : وش يبي ذا بعد الله يعين
ما خلص كلامه الا وهو جاي عنده :وينها صحيت
عزام : دوبها وعندها ريماس جوا
عبدالرحمن :كويس عشان ما نطول شاطره صحيت يوم جيت
عزام : ليه عسى ماشر وين بتاخذها
عبدالرحمن : وانت شدخلك وخر بشوفها
وخر عزام ودخل
عبدالرحمن : ريماس اطلعي
انخرشت هي كيف دخل : اللهم سكنهم في مساكنهم
عبدالرحمن : شايفه جني تراني عمك
ريماس بنفسها :والله انك تخرع اكثر من الجني
ردت عليه: ابشر بطلع
وهي مرتاحه لأنها شافت خالتها جات عندها
YOU ARE READING
ياوجد حالي على قلبًا تعلق بها
General Fictionبسبب خلاف بين اب وبنته مجهول الهويه يكون سبب بكره اختها لها ومع الايام تكشف الوضع وتبدأ رحلتها وتشتتها و تبحث عن أهلها وكيف بتنسى الي عاشت معاهم ١٧ سنه الي كانت تظنهم أهلها وكيف بتتعود على حياتها الجديده
